Keselamatan te besai ¹ Nyak nyuruh kalah teliti kita merati nama te dah kita dinga, isak kita nang dun'ui tebaik arus. ² Isak antik firman te depadah ngau perentara malaikat-malaikat tetap belaku, ngau setiap pelanggaran ngau ke ndai taatan bulih balasan te setimpal, ³ sebila kita ndai kenak, antik kita nyia-nyia ke keselamatan te besai yak, te peruba-ruba depadah ke ulih Tuhan ngau ulih sidak te dah ninga yak, ngau kita, ngau cara te tau depecayak, sedang ke ⁴ Allah neguh kesaksian sidak ulih kecelik-kecelik ngau mujizat-mijizat ngau bemacam-macam pemadah (pernyataan) kekuasaan ngau karunia Roh Kudus, te debagi-bagi ke Ya menurut penekak-Ya. ⁵ Empadai bukai ngau malaikat-malaikat dah Ya takluk ke denia page lusak, te kita panai tuk. ⁶ Bisik urang te suaha merik kesaksian alam nas, munyi yak: "Sapa mensia, nyuruh Nuan sampai ngingat e, atau anak mensia, nyuruh Nuan peduli (mengindahkannya)? ⁷ Tapi Nuan dah mulah yak untuk sekejap lebih babah repada malaikat-malaaikat, ngau udah memahkotai ya ngau kemuliaan ngau hormat, ⁸ semua utai dah Nuan takluk de babah kaki Ya." Empadai alam nakluk ke semua utai ngau Ya, ndai sik te desebali ke Ya, te ndai takluk ngau Ya. Tapi pituk, tuk apan kita pedak, bahwa semua utai dah detakluk ngau Ya. ⁹ Tapi Ya, te untuk waktu sekejap depulah lebih babah repada malaikat-malaikat, yak mek Yesus, kita pedak, te empadai penisa maut, demahkota ngau kemuliaan ngau hormat, isak ulih kasih kaarunia Allah Ya ngasai maut bagi semua mensia. ¹⁰ Empadai sesuai ngau keadaan Allah te bagi Ya ngau ulih Ya semua utai dejadi ke -, Allah te ngemaik maayuh urang ngau kemuliaan, nyempurna ke Yesus ugak, te mimpin sidak ngaau (kepada) keselamatan ngau penisa (dengan penderitaan). ¹¹ Empadai Ya te ngudus ke ngau sidak te dekudus, semua sidak berasal re sutik; nyak nyuruh Ya ndai malu nelah sidak menyadik, ¹² jekuh-Ya: "Aku bakal madah ke nama Nuan ngau manyadik-menyadik Ku, ngau muji-muji Nuan detengah-tengah jemaat," ¹³ ngau lagik: "Aku naruh kepecayak ngau Ya," ngau lagik: " Tuk me Aku ngau anak-anak te dah deberik ke Allah ngau Aku." ¹⁴ Empadai anak-anak yak ari darah ngau dagin, maka Ya sama ugak ngau sidak, bulih bagi alam keadaan sidak, isak ulih pemati-Ya, Ia munuh Iblis, te bekuasa atas maut; ¹⁵ isak ngau jalai piyak Ya ngebibas ke sidak te sumur idup nugau alam perhambaan ulih empadai takut ngau maut. ¹⁶ Empadai sebenar, bukai malaikat-malaikat te Ya kasih, tapi kenturun Abraham te Ya kasih. ¹⁷ Nyak nyuruh, maka alam semua utai Ya akalah desama ke ngau menyadik-menyadik Ya, isak Ya jadi Imam Besai te naruh belas kasih ngau te setia ngau Allah untuk ngena'mai dusa seluruh bansa. ¹⁸ Empadai ulih Ya udah sisa empadai pencobaan, maka Ya tau nulung sidak te decobai.