Yesus lebih tingik re Musa ¹ Nyak nyuruh, ui bala menyadik te kudus, te bulih bagi alam panggilan surgawi, pedak ke Rasul ngau Imam Besai te kita akuk, yak Yesus, ² te dah setia ngau Ya (Allah) te dah netap ke Ya (Yesus) upa Musa pun setia alam segenap rumah-Ya. ³ Empadai Ya depan'ang layak bulih kemuliaan lebih besai repada Musa, upa tukang (ahli bangunan) lebih dehormat repada rumah te depulah ya. ⁴ Empadai setiap rumah depulah ulih tukang rumah (ahli bangunan), tapi tukang semua utai yak Allah. ⁵ Ngau Musa mimang setia alam segenap rumah Allah sebagai pelayan untuk merik kesaksian tentang nama te kak depadah udek, ⁶ tapi Kristus setia sebagai Anak te ngepalak rumah-Ya; ngau rumah -Ya yak mek kita, antik kita bepegai teguh ngau kepecayaan ngau pengarapan te kita megah ke sampai kebadok. ⁷ Nyak nyuruh upa te depadah ke Roh Kudus: "Pada ari tuk antik kitak ninga ingan Ya, ⁸ nang ngeras ke ati kitak upa urang ketengah regigit rama waktu pencobaan de padang gurun, ⁹ dini akik inik kitak ncubai Aku ngau jalai nguji Aku, sekalikpun sidak dah medak pempulah-pempulahKu, empat puluh taun pelamak. ¹⁰ Nyak nyuruh Aku luat ngau angkatan yak samil banai: "Sidak sesat ati seruntik, ngau sidak ndai ngelala jalaiKu, ¹¹ nyak nyuruh Aku besumpah alam peluat-Ku: Sidak ndai bakal tamak te tempat Kubetegak (perhentianKu)." ¹² Waspada bala menyadik, isak dentara kitak nang bisik urang te ati e jaik ngaua ndai pecayak ulih empadai ya murtad re Allah te idup. ¹³ Tapi nasihat ke sikuk surang setiap ari, selamak agik tau depadah "ari tuk", isak nang sampai bisik dentara kitak te keras ati empadai tipu daya dusa. ¹⁴ Empadai kita dah bulih bagi alam Kristus, asal kita bepegai teguh sampai kebadok ngau keyakinan iman kita te peruba. ¹⁵ Tapi antik suah depadah: "Pada ari tuk, antik kitak ninga ingan-Ya, nang ngeras ke ati upa alam peluat (kegeraman)", ¹⁶ sapa sidak te mancin peluat Allah, sekalikpun sidak ninga ingan Ya? Ndai me semua sidak te keluar re Mesir de babah pimpinan Musa? ¹⁷ Ngau sapa te dekeluat Ya selamak empat puluh taun pelamak? Ndai me sidak te mulah dosa ngau te mayat e berampah de padang pasir? ¹⁸ Ngau sapa te dah desumpah-Ya, bahwa sidak ndai tamak ke tempat betegak Ya? Ndai me sidak te ndai taat? ¹⁹ Upa yak mek kita pedaak, bahwa sidak ndaai tau tamak ulih empadai sidak te ndai pecayak.