SURAT NGAU URANG IBRANI Allah befirman ngau perentara Anak Ya ¹ udah zaman subak Allah gulik ngau alam semua cara banai ngau inik akik puyaang jagang kita ngau perentara nabi-nabi, ² maka rama zaman tuk Ya dah banai ngau kita ngau perentara anak Ya, te udah detetap ke Ya sebagai urang te be'hak nerimak semua te bisik. Ulih Ya Allah daah nyadi ke alam semesta. ³ Ya yak penang kemuliaan Allah ngau gamar Allah ngau te nun' yang (menopang) semua te bisik ngau firman Ya te penuh kekuasaan. Udah temuk Ya ngerja penyucian dosa, Ya duduk desepiak kanan te Palinbesai de tempat tingik, ⁴ jauh lebih tingik repada malaikat-malaikat, sana ngau nama te dekarunia ke ngau Ya jauh lebih baik repada nama sidak. ⁵ Empadai ngau sapa dentara malaikat-malaikat yak. suah Ya madah: "Anak-Ku Mih! Mih dah Kuperanak pada ari tuk?" ngau "Aku bakal jadi Apai-Ya, ngau Ya bakal jadi Anak-Ku?" ⁶ Rama Ya ngemaik Anak tuai Ya ke denia, Ya madah: "Semua malaikat Allah kalah nye'mah Ya." ⁷ Tentang malaikat-malaikat Ya banai: "Te mulah malaikat-malaikat Ya jadi badai ngau pelayan-pelayan Ya jadi dilah api." ⁸ Tapi tentang Anak Ya banai: Takhta-Mih, ya Allah, tetap untuk seterusnya ngau selamaknya, ngau tungkat kerajaan-Mih yak tungkat kebenaran. ⁹ Mih cinta keadilan, ngau benci kefasikan; nyak nyuruh Allah, Allah-Mih dah ngurapi Mih ngau minyak sebagai kecelik kesukaan lebih re kaban-kaban sekutu-Mih." ¹⁰ Ngau: "Mulai re peruba, ya Tuhan, Nuan dah ngeletak ke dasar bumi, ngau langit pempulah jari Ya. ¹¹ Semua yak bakal benasa, tapi Nuan tetap bisik, ngau semua yak bakal jadi klusap upa pengau; ¹² upa jubah Nuan ngulung sidak, ngau upa urang beranak (persalinan) sidak bakal dubah, tapi Nuan tetap sama, ngau taun-taun Mih ndai sik kebaduk." ¹³ Ngau sapa dentara malaikat yak suah Ya banai: "Duduk desepiak kanan-Ku, sampai Ku-pulah munsuh-munsuh-Mih jadi tumpuan kaki-Mih?" ¹⁴ Bukai mek semua sidak yak roh-roh te ngelayan, te dutus untuk ngelayan sidak te kalah bulih keselamatan?