¹ Ataxexé bedeu Babilonia ribi wawana rooserenyre heka hãbu mahãdu tamahãdu tamahãdureny myy: Elioenai, filho de Zeraías, da família de Paate-Moabe, com duzentos homens; Secanias, filho de Jaziel, da família de Zatu, com trezentos homens; ² Bineasi, mahãdumy mahãdumy Jesõ heka rare; Itamá mahãdumy Danieli heka rare; Davi mahãdumy Hatusi heka rare; ³ Sekania riòremy, Sakariasi mahãdu Barosi heka rare; 150 hãbu mahãdu sõwemy ⁴ Baate-Moabe riòremy, Elioenai riòremy, Zeraíasi heka rare; 200 hãbu mahãdu sõwemy. ⁵ Sekaniasi mahãdumy, Jaaziel mahãdumy, Satu heka rare tii wana, 300 hãbu mahãdu sõwemy. ⁶ Adĩ mahãdumy, Jônatasi Ebede riòremy tii wana, 50 hãbu sõwemy. ⁷ Elaõ mahãdumy, Jesaiasi, Ataliasi riòremy tii wana, 70 hãbu sõwemy. ⁸ Sebatiasi mshãdumy, Sebadiasi, Mikaeli riòremy tii wana, 80 hãbu sõwemy. ⁹ Joabé mahãdumy, Obadiasi Jeieli riòremy tii wana, 218 hãbu sõwemy. ¹⁰ Bani mahãdumy, Selomite, Josibiasi riòremy tii wana, 170 hãbu mahãdu sõwemy. ¹¹ Bebai mahãdumy, Sakariasi, Bebaí riòremy tii wana, 28 hãbu sõwemy. ¹² Asikadé mahãdumy, Joanã, Hakatã riòremy, tii wana, 110 hãbu sõwemy. ¹³ Adonikaõ mahãdumy, tii boho iònanamy ritehemynyre: Elibeleté, Jeieli, Semaiasi tii boho wana, 60 hãbu sõwemy. ¹⁴ Bikibaí, Utaí, Sabudé tii boho wana, 70 hãbu sõwemy. ¹⁵ Jiarỹ iny mahãdu rebutunyre Aavaá bero iòhòmy, taile iny boho rorukurenyre inataõ txumy tai heka jiarỹ inyõ tamahãdu tamahãdureny idi retehere heka Levi mahãdu robiõre. ¹⁶ Idi heka hãbu wedu mahãdumy retare Eliesé, Arieli, Semaiasi, Eunatã, Jaribé, Eunatã, Natã, Sakariasi, Mesulaõ, inatxi tyyritidỹỹdu tule retare Joiaribé, Eunatã, bedeery mahãdumy. ¹⁷ Idi tii boho reteònyre Kasibiasu-ò Ido hãbu mahãdu wedumy reteònyre warybemy riwahinyre Templo idi aõmysỹdỹỹdu mahãdu-ò, kididyrenykemy waDeuxureny heto-òle idi raõmysỹdỹỹnykemy. ¹⁸ Deuxudewimy heka didydenyde hãbu bedeerymy, Mali riòre mahãdumy, Levi riòremy, Isaeli riòre mahãdu, Serebiasi iriòrereny, iseriòrereny, 18 sõwemy; ¹⁹ Hasabiasimy tii wana Jesaisi, Merari riòremy, iseriòreny wana, iriòrereny, sõwemy; ²⁰ Deuxu heto aõmysỹdỹỹdu roire tii boho heka ihetxiu Templo aõmysỹdỹỹdu riokore mahãdumy heka roire Levi mahãdumy roire, 220 sõwemy. ²¹ Idi heka Aaavá bero iòhò-ki ixỹ roire heka rekenarehenyrenykremy rarybere jiarỹ Deuxu koki rekenarehenyrenykremy, rekexitòenyrenykremy riwawiòhenanyrenykremy, awimy iny bededỹỹnanarenymy teysamy ratxikremy, wariòre boho tule reysamy ratxikremy, ibutu iny boho heka riteysanyrenykremy, ibutu iny hõrõreny awimy ratxikremy. ²² Jiarỹ heka iòlò-ò reixitòenyõre sodadu wadireny ratxikremy ryy-dile wawanareny- di roikremy tamy reixitòenyõre, raixỹrure dori juhule riki jiarỹ tamy rarybera: “Deuxu inytybyreny tariòre mahãdu-ò idi itxeredu wityhy raremy, ibutu tamy reixitóenyre mahãdu-ò òbitityhymy riwahinyre; ihỹre heka ririre mahãdu-ò iyaranamy irurunamy ityrereny resemyhỹre dori.” ²³ Tai dori iny boho renareherenyre, Deuxu-ò reixitòenyrenyre tii riwarawynyrenyre dori. ²⁴ Idi heka waò inatxi reurò hãbu tyhy mahãdumy retare Serebiasi, Hasabiasi, iseriòrereny debòwiò sõwemy. ²⁵ Tamyreny rewahinyre aõwihikỹtyhy iòlò waDeuxureny heto-ò riwahinyre womati tỹyrỹrỹhỹkỹ ura, womati tỹyrỹrỹhỹkỹ idi iutxiereny reyrihira, tule iòlò iraybididu mahãdu aõna riwahinyrenyre, ijõ iòlò riòrereny aõ riwahinyrenyre tule iutxie reurihira, Isaeli mahãdu aõna ibutu riwahinyremy. ²⁶ Ijõ 22 mili womati ura iutxie rewahinyre Serebiasi-ò, Hasabiasi-ò, iseriòrereny-ò, 100 womati aõna õnamy 70 iutxie wesemy, 3.500 womati tỹyrỹrỹhỹkỹmy iutxiemy tebòreny-ò rewahinyre ²⁷ tule ijõ 20 behyna womati tỹrỹrỹhỹkỹ debò inataõ reurò ieremy iutxie wesemy, inatxi womati borõsi, kia womati tỹyrỹrỹhỹkỹmy wihikỹ wesemy. ²⁸ Irahu-di tamyreny rarybere: “Kai boho aõ ribi texihitinytenyte Deuxu-ò maõmysỹdỹỹkemy, alabiereny Deuxu-ò. Kaa womati ura tỹyrỹrỹhỹkỹ sõwe, womati tỹyrỹrỹhỹkỹ sõwe aderenywimy tewahinytenyte heka tule kia Deuxu-ò rehitxinyrenyre tamy. ²⁹ Idi biywinybenybe Templo-ò biwybenykemy. Deuxu Templowo-ò biwybenykeu heka iutxiemy biurihike idi xiwena wahidỹỹdu mahãdu-ò biwahinybenyke, Levi mahãdu-ò, Jerusalĕ-ki Isaeli hãbu wedu mahãdu-ò biwahinybenyke. ³⁰ Idi tahe xiwena wahidỹỹdu mahãdu, Levi mahãdu, kia womati ura tỹyrỹrỹhỹkỹ, womati tỹyrỹrỹhỹkỹ DeuxuTemplo Jerusalĕ-ò ridyrenykremy. ³¹ Ixỹ mahãdu heka Ava bero ribi rexitarenyre heka, Beòra òraruna ahãdu-di waò inatxi reuròna txuu, Jerusalĕ-ò roirenykremy; Deuxu iny wanareny roimyhỹre iny òludu mahãdu ribi riwaijerenyre kia ryy-di inyõ itxena mahãdu ribi tule. ³² Jerusalĕ-ò retehemynyreny heka tai inataõ txu-di ele rehynyrenyre tai. ³³ Irahudi heka waDeuxureny heto, kia womati ura tỹyrỹrỹhỹkỹ, womati tỹyrỹrỹhỹkỹ, womati ijõ ibutumy rewahinyrenyre xiwena wahidỹỹdu Meroté-ò Uriasi riòremy; tii wanaroire heka Eleasá, Bineiasi riòremy, ijõ Josadabé, Jesua riòremy, ijõ Noajiasi, Binui riòremy, tii boho levita mahãdumy roire. ³⁴ Idi heka ibutu womati ura tỹyrỹrỹhỹkỹ, womati tỹyrỹrỹhỹkỹ, womati ijõ ibutumy idi rautxienyrenyre heka riurihirenyre idi ibutumy ròrytinyrenyre tyriti-ki. ³⁵ Ibutu Babilonia ribi dirahude mahãdu heka Isaeli Deuxu-ò raxiwenyrenyre, Isaeli mahãdumy waò inatxi reurò bororeni sõwemy riwahinyrenyre, 96 budoeni hãbu sõwemy, 77 budoeni riòre sõwemy, òraruna òwymy, waò inatxi reurò watxini sõwe; ibutumy xiwenamy risõrenyre Deuxu-ò riwahinyrenyre. ³⁶ Irahudi heka iòlò-ò rybemy riwahinyrenyre, Eubaratésu hãbu wedu mahãdu-ò tule; tii boho heka Deuxu heto Templo idi riywinykremy riwiòhenanyrenyre.