¹ Pesiasu-ki Ataxexé iòlòna bedeu ribi irehemy roire heka hãbuõ Exidara heka Babiloniasu ribi Jerusalĕ hãwã-ò rare, Seraiasi tyby rare, Seraisi tyby heka Asariá, Asariá tyby heka Hiukiasi. ² Exidara ilabiereny mahãdu heka rare: Saluữ, Sadoki, Aitubè, ³ Amariasi, Asariasi, Meraiotxi, ⁴ Seraiasi, Usi, Buki, ⁵ Abisuá, Bineiasi, Eleasá, Araõ xiwena wahidỹỹdu kie. ⁶ Exidara heka Moisesi bede ywina erydu rare, kia Deuxu bede ywina Isaeli mahãdu-ò riwahinyre dori. Exidara Babilonia ribi Jerusalĕ hãwã-ò rareu heka ibutumy aõ rurumyrarehỹre tii reixitòenyre heka Babilonia iòlò-ò tii tamy riwahinyre, Exidara heka Deuxu idi raremy. ⁷ Ijõ Isaeli mahãduõ tule ihemy rare, xiwena wahidỹỹduõ mahãdu, Levi mahãduõ, wiudu mahãduõ, ijòtòbòna idi itxeredu mahãduõ, Templo aõmysỹdỹỹdu mahãduõ. Kia bedeu heka rare Ataxexé iòlòna debò inatxi reurò beòrau Jerusalĕ-ò roirenyre. ⁸ Kia beòra-dile agosto òtusi ahãdu, sideriòsò bedeu-ò ritehenynyrenyre. ⁹ Exidara Babilonia ribi rexitare heka beòra tỹmyra iòraruna txuu heka behetxi ahãdu itxu òrarunamy (judeu bededỹỹnanamy) aõma òtusi ahãdu, isideriòsò Jerusalĕ-ò ritehemynyre heka kia inaubiòwa txuu. Exidara Deuxu idi raremyhỹ, Deuxu tebò-dilemy ridyre wahe. ¹⁰ Exidara heka Deuxu bede ywina erydu rare tii heka inatyhytyhymy Isaeli mahãduò Deuxu bede ywina rybemy óbitina rierynatyhykemy idi riwisỹnymy rurumyraremyhỹ. ¹¹ Exidara xiwena wahidỹỹdu rare, tyyritidỹỹdumy tule Deuxu bede ywinamy rierytyhyre idi Isaeli mahãdu-ò rierynanymyrare. Exidara-ò iòlò Ataxexé kaa tyyriti iwesemy riwahinyre myy: ¹² “Ataxexé, ibutu iòlò ratyre, Exidara xiwena-ò, Deuxu biu wedu bede ywina bedeerydỹỹdu, adee ywinamy. ¹³ My heka wiji kaa tyyriti-ki warybemy retidiwahãre Isaeli mahãduõ kakisỹdu mahãdu heka Jerusalĕ hãwã-ò roosekremy rurumyhỹkeki ixinamy awanamy roosekremy, xiwena wahidỹỹdu mahãdumy, Levi mahãdumy, mobo roosekeki rurumyhỹre heka ixinamy boibenyke. ¹⁴ Jiarỹ waraybididu mahãdu wana arateònyrenyre heka Judá hãwã, Jerusalĕ hãwã ijòbisinyrenykemy taile aõbo aDeuxu bedeywina rybemy òbitimy tai rityhynyrenykremy. ¹⁵ Tule heka adeereny rewahinyrenyre heka womati tỹrỹrỹhỹkỹ ura, womati tỹrỹrỹhỹkỹ wadeewimy rewahinyrenyre Deuxu-ò xiwenamy idi biwykemy Jerusalĕ- hãwã tii rasỹnymyhỹre-ò. ¹⁶ Tulesỹ Babilonia womati tỹrỹrỹhỹkỹ ura, womati tỹrỹrỹhỹkỹ riwahinyrenyre heka ixinamy kai biwykemy, inyõ mahãdu tamywimy xiwenamy riwahinyrenyre, xiwena wahidỹỹdu mahãdu tamywimy riwahinyrenyre heka aDeuxu heto Templo-ò Jerusalĕ-ki roimyhỹre biwykemy. ¹⁷ Kia womati tỹrỹrỹhỹkỹ rewahinyrenyre heka idi biwykemy bororeni riòre, budoeni hãbu riòremy aõna õna xiwenamy, vĩĩ, adỹỹ òbitimy biòwynykremy. Kia ibutumy heka xiwena tyre-ò aDeuxu heto Templo Jerusalĕ-ki roimyhỹre rewahinyre. ¹⁸ Kia womati tỹrỹrỹhỹkỹ ura, womati tỹrỹrỹhỹkỹ rewahinyrenyre iuhe-di heka ixinamy idi biwinykemy adewimy, inyõ mahãdu tamywimy, Deuxudewimy biwinyke. ¹⁹ kia womati heka aõna õna adee rewahinyrenyre aDeuxu heto Templo-ò idi raõmysỹdỹỹnykremy Deuxu Jerusalĕ-ki ratximyhỹre ikoki ibutu koki biwahinyke tai. ²⁰ Aõ ijõ rasiranykeki aDeuxu heto Templo-ò, aõtxilemy aõ burukeki heka iòlò nierumy bitakemy. ²¹ “Jiarỹ Ataxexé iòlò heka, kaa tyyriti, nieru rerarenyre mahãdu-ò Eubaratésu bede-ò mahãdumy roire heka rewahinymyhỹre warybe myy: ‘Exidara xiwena wahidỹỹdu Deuxu biu wedu bede ywina bedeerydỹỹdu, aõbo tii ibutu rurumyhỹre ixinamy biwahinybenyke tamy. ²² Tamy biwahinybenyke womati tỹrỹrỹhỹkỹ ura, 3.500 iutxe sõwe, 100 weriri tiriku-di sõwe, 100 hyna vĩĩ-di sõwe, 100 hyna adỹỹ-di, jiyra heka aõtxile sõwe biwahinybenyke. ²³ Òbitimy heka ibutu Deuxu biu wedu taheto Templo-ò rarybere wesemy biywinybemyke: kia aõkeki heka Deuxu deburena iòlò-ò, iòlò riòrereny-ò iiòlòna-ò tyre-ò kanakremy iòhãru heka raremy. ²⁴ Tule warybemy retadimyhhỹre heka Ibutu Deuxu heto Templo-ki rasỹnykre mahãdu heka xiwena wahidỹỹdu mahãdumy, Levi mahãdumy, wiudu mahãdumy, Ijòtòbòna idi itxeredumy, ijõ taile raõmysỹdỹỹkeki tahe sunierumy riwahinyõkemy, ibutu aõ iòwymy heka riòwynyõtyhy.’ ²⁵ Kai Exidara, tahe aDeuxu bedeerynamy idi matxikremy inyõ heka wahisidỹỹdu mahãdu idi bitakemy Deuxu bede ywina erydurenykremy ibutu Eubaratésu mahãdumy iny mahãdu ridinodunyrenykremy. Bede ywinamy iny ibutumy bierynanykremy ibutu rieryõre mahãdu-ò tule. ²⁶ Inyõ aDeuxu bede ywina rybemy riòbynyõkeki, iòlò rybemy riòbynyõkeki heka rubumy ratxike, ada asureny ribi irehemy rasỹnykremy, iaõna õnareny heka iribi riwykemy ada ròtena-ki raloke.” ²⁷ Inynyrỹ iny labiereny Deuxu heka, beàlàmyhỹbenykre tiile heka iòlòwo-ò ruruna riwahinyre Deuxu heto Templo-ò awimy riywinykremy Jerusalĕ-ki. ²⁸ Jiarỹ heka idi raraykynyre timybo Deuxu heka taluuna-di wadi rare, tii riwarurudỹỹnyre, iòlò wadi ruxetòena-di rare, iòlò iraybididu tule awimy idi rare, hãbu mahãdu tule wimy wadee rarybemy roire tai heka Isaeli hãbu mahãdu heka rebutunyre tamyreny rarybere wanamy Jerusalĕ-ò rooserenykremy.