Pasal 9
Idekeba blug-blung meno-meno nogo
1
Nembut nemuklaya.Wali nembut wenggo nan Hadrakh no Damsyik ey go nogo,sip i go sogo so mea ya pu.Ngga sogo so,sedue kabung go nemu nangklai nggano nangklai saula Israel go nemu Ki Wali nemot sngong no.
2
Ngga ey Hamat nemot dey palom go.Tirus no nggano Sidon,kunala kalong go dali nogo.
3
Tirus benteng klik ko nemot nogo so ngga ey perak tuim go sung kalik so ngga ey emas kalui tap nogo kalik so.
4
Sni songso,Ki Wali lo mea semu drang kwa goso ngga ey mea but nemogo don bubyap no.ngga ey koy lo kay sunga nemok mea dam go kwa.
5
Askelon ngga nemot no mea ikum,nggano suali mea tra,Gaza ey Ekron ey bobong mea tra,nemot namon go duduing bubung molit,Gaza go iram dega mea kebong tandali go Askelon nogo yakua suing lak.
6
Melena tang meng -meno mea suing lak Asdod no,ngga ey At lo kaley-kaley sedue Filistin go mea suep.
7
At lo kin nemot go lom balogo mea suep ngga ey piayam wasdang sikso mea suep.Nemotnang temung gigit ko mea lemoi imgo Ki Wali nogo so tegai saula Yehuda kalik.Sedue Ekron Yebus sedue kalik so.
8
Genam mea suing balaklik ko balo At go yab dagu bano plesedue kalik ga ey tangso sedue kabung nggano klong weng kwa goso.Nsring sedue galogo yakua wet nggeasui go nogo At tangso nemua yay mea suing.
Iram Ku mea u..weng go nogo.
9
Sek nging ey,ya Sion denun!Sek-sek ya pla,ya Yerusalem denun ikuya!Mogo Iram mot nogo so weng go:Nemot nemudi ey sesuoy ey,dabui kuno ngga ey keledai blono klak ko ey keledai dun sni klaya gono.
10
Nemot lo mea but ko kebong kereta-kereta Efraim siksogo,ngga ey kuda-kuda Yerusalem siksogo.Ple plewo nang sogo mea pedeng sing.Nemot lo mea pen klong nememyakai saula-saula meno nogo nan nemot tete go ga bubyap idisikso e..bubyap idis no betuobu Efrat sikso e..kukenan siding no.
Ki Wali lo mea sesuoy nemogo uduone bo nang
11
Mot nogo gabe,At go kin mot dey tegadi dok do,At lo mea guk sikabung-sikabung mogo boi basogo bu kwa go put basik so.
12
Tandali iwot mogo benteng sono,ya sedue-sedue boy ba lo go duduing buung kangok ko ey!Nggeasui go kuno,At lo motnang nogo mea pen sno so At lo mea bayar mogo tegot naman kali lipat!
13
Sni so gabe,At lo sruo Yehuda ple kalik ngga ey meaking Efraim ey.At lo tandali mea glong mogo duoyap,ya Yunani.At lo mea lemoi mot tengang kluang sedue pahlawan kalik so.
14
Ki Wali nemogo nebem mu tap masi mea taling nemotnang nogoso,nggano pleday nemot go kaysunga mea tuk ko kilat kalik so Ki Wali lo mea u sangkakala,ngga ey mea klong kedaso kayem balo selatan sikso.
15
Ki Wali kumam lo yay mea suing nemotnang nogo nemot nang lo mea butko kwa ga ey mea gualing sing demu-demu kartafel.Ga ey mea tram bokor bunebuek so,demusung wayma-wayma kalik so,
16
Ki Wali,Wali iram nemotnang go,mea sesuoy klong nemotnang ku ga nemot no domba yaluim go kaliso nemogo uduonebo mea yaluim.Sni,nemot nangklai permata-permata iram nai plimet nemogo nan nogo.
17
Sni song go,nanklai suey dato nemu rlam so!Dongot cat keda sniso mea pung yenagot kalik ga kinduo anggur logo so.