Pasal 8
Ki Wali lo moyang Yerusalem tatui genang sogo
1
Gemang weng Wali nembut Ki Wali kumam kulim gekalik so,
2
"Nggekalik so wali nembut Ki Wali kumam At nele Sion tangsik so ey nggalo nele kangok dega sni.At nele nemot nosogo ey dabui piam kangok dega sni.
3
Nggekaik so Wali nembut Ki Wali logo.At tandali mea weng Sion mitsno ngga ey mea suing nesip-nesip Yerusalem basno.Yerusalem kota kekeng so mea pu,ngga ey go sogo medium Ki Wali kumma mea pu sing Medium Klaut."
4
Nggekalik so Wali Nembut Ki Wali kumam tandali mea banu dem ey banu nalo suing lak ko tap-tap Yerusalem nogo,nemogo-nemogo tegodi tano malak ko ey yamso mo nalo gono.
5
Tap-tap kota ngga sedue-sedue ey kabung dnok lo mea damoi ngga ey rlam-rlam nggano mea sok."
6
Nggekalik so nembut Ki Wali kumam ,"Ngganemot lemoi go kanogo saula-saula temung ngge o dewingsing go ge ajaib,so go At lo nemuka mea yang dali ge ajaib?Nembut Ki wali ut so nanso lemoi go."
7
Nggekalik so nembut Ki Wali utso nanso lemoi go,"Sni songso,At lo mea sesuoy At go uduo nebo woy klak ko idi sikso e..woy sut ko idi sno.
8
At lo nemotnang mea wawing go weng,nemotnang suing genang nesip-nesip Yerusalem bano.Ngga ey,nemotnang mea lemoi At go saula so ngga ey At mea lemoi nemot ngga Ki Wali so nemotnang go kekeng so ngga ey seni ey go so.
9
Nggekalikso Wali nembut ki Wali kumam,"Dabui don sosok,way sikabung-sikabung kuno-kuno Wali nembut genomot so tup ko,ngga Wali nembut pu klong sedue-sedue trang lo ku demu kukle yap Ki Wali kumam duinang so tandali bong nang dewi yap klaut nemot.
10
Sni sngong so,kungga nemot maning gono.Seguotduoy kwa sedue kabung nogo,nggano nebo isuali nogo nogo kwa dali sedue pung sogo kwa ngga ey sedue degut ko kwa ni snongso At lo sedue kabung nembut sagui sedue meno meno nogo nang ey go iti.
11
Nggeasui yakwa kabe,At lo yakwa semu temung-temung saula ngge banim go kalik so,nggesni so Wali nembut Ki Wali kumam.
12
Nok mea srui ngengam ey,di anggur snie mea,nan snie mea iti,ut mea duong kebuk.At lo mea semu saula temung geno nan seding-seding no ta mlak genang sogo.
13
Ngga nemotnang ey go,nggasui kumo,At lo Ngganemot sogoso,banim dega go motnang mo dagi saula-saula lo.Motnang Yehuda ngga motnang Israel,nggasui ge kuno At lo sesuoi so met mea lemoi ngga ey mot taiti sedue kabung so mea lemoi suali kuwa tra,dabui don so sekok!
14
Nggekalik so Wali nembut Ki Wali kumam,"At lo duing go kunala lo motnang blonogo koy yaiti so motnang go asi babulo nglong net-At go,At ngga nogo kwaduing,"Wali nembut ki Wali kumam.
15
Ngganemot ey go.Ngga sui kuno At lo duing go mea tui go weng tombang Yerusalem no ngga ey blung Yehuda suali kwa tra!
16
Yangge-yangge ya motnang lo mea semu:Nembut sni ey go sngunga sapen sedue meno meno nang ey go,ngga ey ise pluok demu sem ey go ta.Ngga ey mea itigo weng nenem yakai yakatup-yakatup gerbang mogo.
17
Kwaduing knala balo piayam semu sogo dabui bano denok meno meno nogoso,dabui klum tanat piam go kwa,ngga sengong,nanklai go genam ikle,"nggesni Wali nembut Ki Wali.
18
Zakharia no Wali nembut Ki Wali kumam gemang weng.
19
Nggekalik so Wali nembut Ki Wali kumam,ku genuing suinggo banu tanamon nogo ga nenem yakai so lemoi,ku kabui segla plang yakai kangok ku blung Yehuda nogo.Mgga nemot e go so,klum ya seduing seni ey go nggano nenem yakai!"
20
Nggekalikso Wali nembut Ki Wali kumam,"Temung nego gemang u weng saula-saula sipsuing mataso kota nego.
21
Sipsung kota meno mea klong sipsung kota meno nogo nggano mea pen wenga imot yaklong Ki Wali go taiti klum ya wadong go ngga ey mea wet Ki Wali kumam.
22
Matadegasa saula kuom nggano saula-saula den ey go mea weng go wet Ki Wali kumam Yerusalem no ngga ey,nemogo taiti klum mea wadong."
23
Nggekalikso Wali nembut Ki Wali kumam,"Ku ganemot no,tanamon namon sedue saula meno-meno gosikso nembut dali mea mlak nenam-nenam amka seding sedue meno Yahudi ngga ey mea pu,atnang duduen wong so motnang yay suing sogo,atnang sang kabe motup sni Ki Wali iram motnang ey yay suing!"