1
Wadong yah Ki Wali nogo ku inim-diplo woy tete nogo Ki Wali lo semugo wa ut-ut sa kangok so pu nang sogo ga ey sawatui go nemot nang no mea iti go gano baling wong ngga sip ge so nemot nang no sedue klaya-klaya no mea iti.
2
Ga sogo so,nembut iseng ey go terafim lo mo pu,sedue-sedue demat ey golo kungap wamoy mle sogo ikum go ga ey sedisrek-sedirsrek ko ga wamoy mee mee sgo gemang pepen klong,kekay sengong so don kok genang sni kwa go a gemang taling.Snisong saua ga u..wet ko tebadaliso domba yalum kalik so iseng ey trago nemot so pong go kwa go sikso.
3
Nat-Ago koi nembleng kalik so mea bublon klong sedue-sedue domba yayy nogoso ga ey At lo idekeba mea taling kambing yaluim nogo!Ki Wali kumam lo yay measuing nemot go kambing yaluim go nogo.Ga tang melena Yehuda,ga ey kaysunga nemotnang mea lemoy kuda-kuda tegoup ko seniso mea lemoy plepung nang sogo demu.
4
Nemotnang basik so mea pung tap taling nang sogo demu nemotnang basikso dali mea pung tegan yam suing-teganyamsuing yap.Nemot basikso mea pung ple pleko,nemotnang basikso mea pung nangklay sinaglum kerlam-kerlam so.
5
Nemotnang mea pung doney-doney sedue sogo,plese gualing-gualing nang so.Kalui tap-tap nogo kalik.Nemotnang plepung nang,sniso Ki Wali nemotnang ey kerlam-kerlam so,ga ey nemotnang lo soungsut mea semu sedue-sedue kuda lo iti go u..wet ko nogo.
6
sni so songgabe At nemotnang nogo klum kangok,nemotnang mea lemoy sedue kabung-sedue kabung boy bano kwa betep ka kalok so mea lemoi,sni so Genam ge Ki Wali,Ki Wali Iram nemotnang go,ga ey At lo nembut way nemotnang nogo.
7
Efraim sedue don kalikso dabui nemotnang nang go blong yakai bu ey si anggur drop kalik so nemotnang go denok daht ikum gono blong yakai so,dabui nemotnang go sek-sek mea pla Ki Wali tang so.
8
At lo nemot nang mea usui tasam senggo lo ga ey mea yaluim,At lo nemotnang kasunga mo king nemotnang mea platebok mamdega so miam banim go kalikso mam go.
9
Nei wah at lo nemotnang sang mo iti go saula-saula temung nang nogo nea.Kukua go no,nemotnang kea duing Genam sogo,nemotnang mea kikisagot kerlam-kerlam so nemotnanggo duo-duo nang ey ga ey tandali mea iwot ko weng.
10
At lo mea iti go pung tandali nan Mesir sikso ga ey At lo mea muong nemotnang Asyur sikso.At lo mea iti go degut nan Gilead sono ga ey Lebanon no,e..ku kwa nemotnang nogo so.
11
Nemotnang bubyap sesat ey mea sue..ga ey but alui-alui bubyap.Kekayso nangklay ku butuo Nil ba pang go.Dabui tategue lo Asyur ga ey tagoudi tap Mesir go ketsono mea iti go tui.
12
At lo mea nenam Ki Wali balo,ga ey nemotnang mea klong Ki Wali go sui balo sni song so ge Wali nembut.