¹ Taynguna si Dina pagbabayi anak ni Lea kan Jacob ay linmuwas agud makilala ti mga daraga sa kadagaan. ² Nakitan siya ni Sechem anak ni Hamor na Hevita ti Prinsepe kadagaan bag-o ginuyud siya, pinakay-a bag-o minura. ³ Naibog siya kan Dina sa anak ni Jacob. Minahal niya ti daraga kag mayad nakihampang sa kaniya. ⁴ Hinampang ni Sechem kay ama ni Hamor magsabi, "Bul-a nimo ti daraga inda para sa kangko hampay maging asawa niko. ⁵ Taynguna nadnugan ni Jacob na yinagtingan niya si Dina kay anak. Ati sa bantud kay mga anak lalaki kaibahan kanda mga alaga hayop. Nakan udyi nan-ingay si Jacob tugka sa nan abot sida. ⁶ Nangatag kan Jacob si Hamor ama ni Sechem. ⁷ Rinmas-og kay mga anak lalaki ni Jaccob ginan sa bantud pagkanadnugan nida ti mga pangyayari. Nasaktan ti mga lalaki subra sida nangisog dahil pinkay-a nida ti Israel sa kay pag pilit sa kay sadili anak babayi ni Jacob, dapat hida pag mga bagay balaw nida binuwat. ⁸ Nakihampang si Hamor sa kanda kag sinabi, "Magkaibgan niko anak ni Sechem kanmo anak babayi, Pakiusap ayawan nimo siya sa kaniya bilang asawa. ⁹ Mangasawa kamu sa kanmi, ayawan nimu ti mga anak babayi sa kanmi, bag-o bul-a niyo ti mga anak nimi babayi para sa kanyu sadili. ¹⁰ Mangulian kamo sa kanmi kag bukas ti kadagaan para sa kanyo hampay mangulian kag man halamanan bag-o makabuol butang maranahon. ¹¹ Magsabi si Sechem sa kay ama kag sa kay mga patar-ari lalaki. Bay-ani niyo ako makakit na sang-ayon ginan sa kanyo mga mata, kag unuman ti sabihon niyo sa kangko ay iayaw niko. ¹² Hagada niyo sa kangko una kabitay man kadaka kay halaga pag pabuya ti gustuhon niyo bag-o iayaw niko unuman ti sabihon niyo sa kangko. Dapat iayaw niyo ti daraga bilang asawa. ¹³ Sinmagot kay mga anak lalaki ni Jacob kan Sechem kag kan Hamor sa kay ama na may pandaraya, dahil yinagtingan ni Sechem si Dina kanda patar-ari. ¹⁴ Sinabi nida sa kanda, "Balaw nimi mabuwat ti mga bagay inda ti pag ayaw nimi patar-ari babayi una sa kantapo na balaw turi. Dahil nu katida hunda ay maging makaray-a sa kanta. ¹⁵ Sa kasunduan lang kami mansang-ayun sa kanyo. Nu manpaturi kamo pareho nimi nu ti kada lalaki sa kanyo ay manpaturi. ¹⁶ Nu katida iayaw nimi ti kanmi mga anak babayi sa kanyo, bag-o bul-on nimi ti kanyo hampay kita maging usa ka banwa. ¹⁷ Dapat nu dayo kamo manpatingi sa kanmi bag-o manpaturi, "Maari bul-un nimi kanmi patar-ari kag man-alis kami." ¹⁸ Kinaawaan ni Hamor bag-o niya anak si Sechem ti kanda mga sinabi. ¹⁹ Balaw yi nan alinlangan ti binata buwaton no uno ti sinabi nida. Dahil siya ay nasiyahan sa anak babayi ni Jacob dahil siya ti pinkamayad pagtawo sa buo sambahayan nida ama. ²⁰ Inmatag si Hamor kag si Sechem sa kay anak sa tarangkahan nida banwa, kag nakihampang sa mga kalalakihan sa kanda banwa imaw ti pagsabihon. ²¹ Ti mga tawo inda ay magpamuhi payapa kaibahan nita, nakan pabay-ani nita sida mamuhi sa daga kag mangalakal sitay, dahil totoo ti daga ay malapad, kang-ud para sa kanda. Bul-on nita ti mga anak inda babayi bilang mga asawa kag iayaw nita sa kanda ti kanta mga anak babayi. ²² Sa kainda pagkasunduun lang pumayag ti mga kalalakihan mangulian kaibahan nita, bag-o kita maging usa ka banwa, nu turi-un ti kada lalaki sa kanta pareho yi sida turi. ²³ Balaw aw maaari ti kanta mga alaga hayop bag-o kanda mga butang, tanan kanda mga alaga mapasakanta . Nakan pakiusa kita sa kanda bag-o sida makaibahan nita." ²⁴ Tanan kalalakihan sa pungsod nanpakidnug sa kanta ni Hamor kag Sechem na anak niya. Nanpaturi ti kada kalalakihan. ²⁵ Sa ikatulo pag sirang matindi ti sakit mga biyag nida, ti duwa ka anak lalaki ni Jacob sida ni Simeon kag Levi na patar-ari ni Dina, ti kanda baladaw bag-o nangatag sa pungsod unman may bantay, kag pinanmatay tanan kalalakihan. ²⁶ Minatay nida si Hamor bag-o si Sechem na anak niya, sa pamamagitan tarum baladaw. bin-ul nida si Dina ginan sa balay ni Sechem bag-o inmalis. ²⁷ Kay iba anak lalaki ni Jacob ay inmatag sa may namatay bilog tinakawan nida ti banwa, dahil pinakay-a mga tawo kanda patar-ari babayi. ²⁸ Bin-ul nida kanda mga mag-alagaan , mga kagurupo hayop, mga asno kag ti tanan butang nu ati pag banwa ag ti nakapalibot sa bantud kaibahan. ²⁹ Ti tanan kanda kayamanan. Dinakop nida tanan kanda mga anak hanggan asawa. Bin-ul nida una ti tanan butang sa kanda mga balay. ³⁰ Sinabi ni Jacob kan Simeon kag Levi, "Nandamay kamo gulo sa kangko hampay manbawo ako sa mga magpangulian sa daga sa mga Caneneo kag Perezeo. Pira wadi ngani kang sakop. Nu tipunun nida kanda mga sadili laban sa kangko kag gulpihon ako, mamamatay ako hanggan kang sambahayan. ³¹ Dapat sinabi ni Simeon bag-o Levi, "Maaari aw pangayawan ni Sechem kanmi patar-ari pareho ga babayi pagsuhulan.