¹ Sinabi Diyos kan Jacob, "Pag-atag kawo sa Betel. Bag-o ati kawo pag pirmi pagbuwat balay Diyos na nanpakakit sa kanmo bag-o kawo nanlayas ginan kan Esau na kanmo patar-ari. ² Igo matapos sinabi ni Jacob sa kay tuludluan bag-o sa tanan kaibahan niya, "Ipaarayo ti mga dayuhan pag diyos na kaibahan niyo,, linisi kanyo mga sadili bag-o paliti yi niyo kanyo mga lambong. ³ Igo natapos man alis kita atabug sa Betel. Manpatindog ako ati balay Diyos na nan sagot sa kangko sa sirang niko pagkaruko na naging kaibahan niko una ako naantag. ⁴ Nakan inayaw nida kan Jacob ti tanan mga dayuhan, mga diyos na nasa kanda mga kamang bag-o mga aritos na nasa kanda mga tuli. Inilubong ni Jacob sa sirung puon kakayuhan arani sa Sequem. ⁵ Habang sida maglakaw, binuwat Diyos na madala ti mga banwa na naka palibot sa kanda. Nakan unman linagas mga tawo ati kay mga anak ni Jacob. ⁶ Nakan rinmas-og c Jacob sa Luz (tida ay Betel) na nasa daga mga Canaan siya bag-o ti tanan mga tawo kaibahan nida. ⁷ Siya ay nanbuwat balay ati bag-o tinawag tida pag ulian ay El Bethel, nakan ati ipinakakit Diyos kay sadili sa kaniya, sa kay pagtakas siya ginan sa kay patar-ari. ⁸ Namatay si Debora na tagapag-alaga ni Rebeka. Inilubong siya ginan Betel sa sirong kakayuhan puon, nakan tinawag inda Allon Bacuth. ⁹ Igo si Jacob rinmas-og ginan sa Paddan Aram, nanpakakit maan ti Diyos bag-o pinapaladan siya. ¹⁰ Sinabi Diyos sa kaniya kanmo pangaran Jacob piro kanmo pangaran ay onmann tawagon Jacob, kanmo pangaran ay maging Israel." nakan tinawag Diyos kay pangaran Israel. ¹¹ Sinabi Diyos sa kaniya, "Ako ti makapangyarihan Diyos. maging maburak kawo bag-o magpakayamo. Usa ka nasyon bag-o ibahan usa ka nasyon ti ahan ginan sa kanyo bag-o mga hari ti maging ka edu-eduhan nimo. ¹² Ti mga daga iayaw niko sa kanda ni Abraham bag-o Isaac, iayaw niko sa kanmo mga ka eduhan, sumunod sa kanmo kang diman iayaw kang daga. ¹³ Nan alis ti Diyos padayik ginan sa kanya sa kay ulian no naan nakipag hampang siya sa kanya. ¹⁴ Nanpatindug si Jacob mga tuldok sa ulian no naan nanhampang sa kanya ti Diyos usa ka tuldok bato. Nanbusbos siya handog inuman bag-o nanbuhos siya langis ati. ¹⁵ Pinangaran-an Jacob kay ulian no naan nanhampang sa kanya ti Diyos na Betel.