¹ Nanangda si Jacob kag namantay, magpatangad si Esau kag kaibahan niya ti upat kagatos kalalakihan. tinunga ni Jacob ti mga anak sa kanda ni Lea, Raquel kag sa duwa ka suruguon. ² Pagkadugay ipinauli niya ti mga babayi suruguon kag kanda mga anak sa atubangan. Sinmunod si Lea kag kay mga anak, kag sinmunod si Raquel kag si Jose pinkauryan sa tanan. ³ Siya mismo ti inmuna sa kanda. Nanpayungdu siya pito ka beses tugka sa makapakarani siya sa kay patar-ari. ⁴ Nalagiw si Esau hampay sulangon siya, hinagkong siya hanggan sa kay liug, kay inarukan siya. pagkadugay sida ay nanrulimian. ⁵ Pagka-tinmangda si Esau nakitan niya ti mga babayi kag mga anak, magkun siya, "sitapo inda pag mga tawo kaibahan nimo, magkun si Jacob". Ti mga anak na maawaon pag iayaw Diyos sa kanmo tuludluan." ⁶ Pagkadugay ti mga babayi suruguon ay pinakarani kaibahan kanda mga anak kag nangyungdu sida. ⁷ Sinmunod nanpakarani si Lea kag kay mga anak kag nanyungdu, sa uryan sida ni Jose kag Raquel ti nanpakarani bag-o yinmungdu. ⁸ Magkun si Esau, " Uno ti gusto nimo sabihon sa tanan pag mga gurupo nasulang niko" Magsabi si Jacob," Agud makakit ako kapahintulutan sa bantay niko panginoon." ⁹ Magsabi si Esau, "May imaw yi ako kang-ud patar-ari niko. Taguan nimu nu uno ti may imaw kawo para sa kam sadili." ¹⁰ Magsabi si Jacob, "Danga yi, anung nu makakit ako kapahintulutan sa kanmu pamantay, sa kainda tanggapa nimu kang iayaw ginan sa kang kamang , dahil totoo nakitan niko ti kanmo uyahon kag mag ihalintulad inda nakakit uyahon Diyos kag tinanggap nimu ako. ¹¹ Pakiusap tanggapa nimu kang mga regalo, dinara niko sa kanmo dahil sobra ako ginabayan Diyos kag dahil may imaw yi ako kasiyunan," Nakan pinili siya ni Jacob, kag tinanggap waydi inda ni Esau. ¹² Pagkadugay magsabi si Esau, "Manlakaw yi kita, manguna ako sa kanyo. ¹³ Magsabi si Jacob sa kaniya, " magkaalaman niko panginoon ti mga anak ay uman waya may buut kag ti mga karanida kag mga baka ay magpasuso kanda mga anak. Nu sida ay pintuon lumakaw mabaskug una usa lang kasirang, ti mga tanan hayop ay mamatay." ¹⁴ Pakiusap niku manguna yi kang panginoon sa kay tuludluan. Manlakaw ako malumoy nu kabitay kay tiklang niko mga alaga hayop sa unahan niko, kag nu kabitay kay tiklang mga anak hanggan tugka makaras-og ako sa kang panginoon sa Seir. ¹⁵ Sinabi ni Esau, " Ipaubaya nimu itayak niko sa kanmu ti iba mga kaibahan niku tawuhan. Dapat sinabi ni Jacob, " hayga nimu buwatun hunda? Kang Panginoon naging mabuut kaysa sa kangku." ¹⁶ Nakan sa sirang ati nansimula si Esau nambalik sa Seir. ¹⁷ Linmakaw si Jacob atag saSucot, binuwatan kay sadili balay, kag namuwat mga sirungan para sa kay mga alaga hayop. Nakan iningarnan kay ngaran pag lugar Sucot ¹⁸ Pagkarinmas-ug si Jacob ginan sa Paddan Aram, ligtas siya nakaras-ug sa pungsod Sechem, ati sa kadagaan Canaann. Nanpamatawan siya arani sa pungsod. ¹⁹ Pagkatapos binili niya ti kabaliw daga (diit daga) nu naan niya ipinatindog kay payag ginan sa mga anak lalaki ni Hamor na ama ni Sechem, kay halaga usa ka gatos bilog pilak. ²⁰ Nanpatindog siya ati altar kag iningarnan inda El Elohi Israel.