¹ ताहा तियाआरी काम केअणारे आमा बी तुमहाल ऐहेकी विनंती केअताहा का तुमा देवा कृपा लेदली हायतीयाला नाहा जा द्याहा. ² काहाक तो आखेहे हारा दिहाम आय तो उनायो न तारणा दिही मायुय तुले हारो केअयो, तयाआमीज हारो दिही हाय व्याआमीज तारण दिही हाय. ³ ई सेवाल दोष लागवुलो नेय तियाहाल आमा केडाल काय दाआ खाताेर वेता नाहा. ⁴ उलट बादी गाठीम देवा सेवाकाहोच आमा आमाज खातोर खातरी पोटवी देतेहे आमा खुबूज वोखो सहन केणारे संकटाम नुकसानाम दुखाम, ⁵ मार खावुला बादालाम आन दोंगाम, कोष्टाम, जागुलाम, उपासाम, ⁶ चाेखे आन आज्ञाम, सहनकेरुलाम, आने दया केरुलाम, पवित्र आत्म्याम, अन मोनाम कोपट नाय, प्रितीहीकी, ⁷ खेरोपाेणा वचनामे आन देवा सामर्थ्याम, हुदा आथाम आने उलटा आथाम नीतीमत्वा हातयारे आरी राखनु. ⁸ मानपानाकी आन अपमानाकी अब्रम ने बेअब्रम, आमाहा आपु लायकी परखी देतेहे आमा खातरी पटवुताहा ठाकगणारा होच तेबी पेन खेरो हाय. ⁹ ओखुलाबी हाय आने नायबी ओखुले हाय मोतलो आन व्या, आय जीवतो हाय, जाहा दुखे भोगतुलो आन तेबी मोयाे नाहा. ¹⁰ आमी दुखाम तेबी सदा खुश रेणारे आमा गरीब तेबी खुब लोकाहान धोनवाण केअणारे आमाहापे काय नेय रे तेबी बादो काय आमाहापे हाय एहकी देखाहाय. मायुय हारा समयाम तो उनायो आने तारणाा दिहाम तुले सामाली लेदो. मोनो दया देखावे ईया खातोर विनंती ¹¹ ओ करींथकर पावुहू, तुमा खातोर आमाहाय मुय उगड्यो हो आन आमा मोन मोडो व्येयाहो. ¹² आमाम तुमा कोमी मोन केअयो नाहा पेन तुमा सवताहा नाराजी मोनाम जागो हाय. ¹³ आमी तुमाबी एहेकीज फेड किईन तुमा मोन मोडो केरा. इ आय तुमाहाल पोयरे होमजीन आखुहू. ¹⁴ विश्वास नाय थोवणाऱ्याहा आरी नातो जोडीन बिगर जोडो एहकी व्याहा नाहा, काहाका धार्मिकपन आने अधार्मिकपण इयाहाल एक जागे केहेकी वेरी ? ¹⁵ ख्रिस्त आन सैतान एक गोठ वेरी का ? विश्वास थोवणारो ने विश्वास नाय थोवणारो ऐ एक वाटीप केहेकी आवी ? ¹⁶ आन देवा मंदिरा आरी मृर्तीआरी एक जागे केहकी बोअही ? काहाक तुमा जिवता देवा मंदिर हाय काहाका देवाय एहेकी आखलेा काय का आय तियाम रेहे आन तीयाम फिरेहे, आय तियाहा देव व्येहे आन ते मा लोक वेरी. ¹⁷ आन काहाका प्रभु आखे का तियामने तुमा बारे आवा आन जुदे व्या, जो खाराब हाय तियाल आथलाहा नाहा, काहाका आय तुमाहाल ताहाज स्विकार केहे. ¹⁸ आन आय तुमा बाहाको वेहे आन तुमा मा पोयरे व्याहा, ऐहेकी सर्वसमर्थ प्रभु आखेहे.