¹ काहाका आमा ई जाअते कमा आमा इ जुगाआमने को हाय जिही आमा रेतेहे इ को नष्ट बी वी जाई तेबीबी आमाहन देवाहाने सर्वकालीक को आमान होरगाम मिललो हाय. ² ह्या तंबुम आमा काहाते रेतेहे आन आमाआ होरगामने कोवाआ पोतडे केअेरा खातुर आमा खुप उतवाले वेअेले हाय. ³ आमाआ ईरितीकी पोतडे पोवले जोजे की आमा उघडे देखाया नाय जोजे. ⁴ काहाका ईया माडवाम रेणारे आमाआ आमाआप वोजो पोडोलो हाय तिईयाहल आम काआह रिईले हाय पेन आमा पोतडे काडाम आवा जोजे अेहकी आमा इच्छा नाहा, ते आमान होरगा पोतउे पोवाय जा जोजे इयाखातुर का मोअनुपण जीवनाई गिई ला जोजे. ⁵ आन ईयाच एक गोठीखातोर जिईयाई आमान तियार केअेले हाय तो देवा हाय, आन तिईयाइज आमान पवित्र आत्मो ओ देदलो हाय. ⁶ तिईयाल आमा नेहमी धीर तेअेनारे हाय काहाका आमा ही मालुम हाय आमाआ शरीलाम रेअेता देवाईने दुर हाय. ⁷ काहाका आमाआ विश्वास की चालतेहे डोवाकी देखाय तिईयाकेअेता चालते नाहा. ⁸ आमा धीर तेहते आने शरीराईहीने विईन प्रभुपाही राआ केअतो आमाआ तिईयार हाय. ⁹ तिईयाल आमा अटी रिईले हाय काहाका आमा ईहीरेजी नाय ते तिहा रेजी, तेबी आमा देवाल संतोष देणारे अेहडे रा जोजे. ¹⁰ काहाका आपोन होग्गा जावान, ख्रिस्ताआ न्यायासनाआगला प्रगट वेअेरा जोज, इयाखातोर की शरीलाम रिन केअेलया गोठीबद्दल होग्गा माआहाल तिईयाई जो-जो केअलो वेरी तिईया प्रतिफोल मिला जोजे. देवा मोया आपुहून तीई थोवेहे ¹¹ तिईयाल आमान प्रभु भिख कोलली हाय तिईयाल आमा माआहा मोन वोलवुताहआ, पेन आमा देवाल प्रोगोट वेअेलो हाय ओन माय अेहडी आशा तीईहू की आमा तुमा विवेकाम प्रगत वेअले हाय. ¹² काहाका तुमापाही आवीन आमाआ आमा पाछी बोडाई नाय केअते पेन तुमान आमा बाबतीम अभिमानाल कारण ठोरतेहे, तेहकीज मानवाआ मोनाखातोर नाहा, पेन तिईया बारेने स्थितीविषयी जे अभिमान केअेतेहे तिईयाखातोर तुमाआपाही काय उत्तर हाय. ¹³ काहाका आमाआ गांडे विगीईले हाय तेबी देवाखातोर आन आमाआ होमजुनारा मोनाआ रेनारे तेबी तुमाखातोर हाय. ¹⁴ काहाका ख्रिस्ताआ प्रेम आमाहान आवरीलेहे काहाका आमाआ अेहकी मोनतेहे का एक होग्गाखातोर मोयो ते होग्गा माेय गिईले हाय. ¹⁵ आन होग्गाखातोर तो ईयाखातोर मोय गिईयो का, ईयाआगला जे तोरतीपन तिईयाई आपो खातोर नाहा, पेन तिईयाखातोर जो खुद मोय गिईलो हाय आन पाछो उठलो हाय तिईयाखातोर तिईयाइ जिवााजोजे. ¹⁶ तिईयाल इयाखातोर आमाआ केडोल शरिलाकी ओहखुतेहे नाहा हो आमाआ ख्रिस्ताल शरिलाकी ओहखुतेहेले तेबी आमी या आगला ओहखुते नाहा. ¹⁷ तिईयाल केडो माआहु ख्रिस्ताम वेअेरी ते तो नीव उत्पत्ती हाय जुनाे तो वि गिईलो हाय वेरा तो नोवो वेअलो हाय, ¹⁸ ई देवाईने वेअलो हाय तिईयाई येशु ख्रिस्ताईने आपोआरी समेट केअलो हाय आन समेटा सेवा आमान देदली हाय. ¹⁹ तहकीज लोकाआ अपराध तिईया हिशोबाम ना तेहता देवा तोरती ख्रिस्ताद्वारे समेट केअतेलो आने समेट वोचन तिईयाई आमाआप होपवुलो हाय. मोन वोलवुनू संदेश ²⁰ ताहा आमा ख्रिस्ता बाजुकी वकील वेअले हाय जेहकी का तुमान आमाहिने देव विनंती की रिईलो हाय ख्रिस्ताबाजुकी आमाआ तुमान आखी रिईलो हाय, तुमाआ देवा आरी समेट केअले अेहडे वी जा.

²¹ काहाका जिईयाल पाप मालुम नाहा आथो तो आपोखातोर पाप अेहेकी वेअेयो, तेहकीज आपो तिईयाखातोर देवाल मानिन चालणारे अेहेडे वेअेरा जोजे.