¹ ताहा आमाप देवाआ दया की ई सेवा आमाल देवाम आल्ली हाय ताहा आमा नाराज नाहा वेते. ² आमा लाजवाणु आन गुप्त गोठ्या सोडल्या हाय आमा कपटाकी वागताहा नाहा काहका आमा देवाआ वचन केडाल ठोगता नाहा तर देवाआ नजरीहुबूर खेरो प्रकट केराकेता आमा आपुहूबूंर बाठा लोकाहा सतत विवेक बुध्दील खेरो माने पोटावताहा. ³ पेन आमा सुवार्ता फागावली गेली हाय तर जिया नाश वेरीयो तिया केता ती फागावाली गेली हाय. ⁴ जो ख्रिस्त देवा प्रतिरुप हाय तिया गौरवाआ सुवार्ता उजवाडो तियाहाल उजवाडो नेय वेरा जोजे काहाका एहकी जे विश्वास थोवते नाहा तिया मोन या युगाआ दुष्ट देवाताहाय आधलो केले हाय. ⁵ काहाका आमा सोता घोषणा केता नाहा पेन ख्रिस्त येशु जो प्रभु हाय तियाआ आमा घोषणा केता आणे येशु केता आमा तुमा दास हाय. ⁶ काहाका ज्या देवाय उजवाडाल आधारामने उजवाडो वे आख्यो तो आमा मोनाम येशु ख्रिस्ता मुयाकी देवाआ गौरवाआ ज्ञाना उजवाडो पाडा केता उजवाडो वेलो हाय. प्रेषितांहा कोमी शोक्ती आन देवा सामार्थ ⁷ पेन आमा इ धन आमाप कादवा बासनाम हाय या अर्थी की सामर्थ्याकी पराकाष्ठा आमा नाहा पेन देवा हाय. ⁸ आमाहाप चोमखीने संकटे आवते पेन आमा आजीबी चिपलाय गिये नाहा, आमा कानेबाने हाय पेन नारास वेय नाहा. ⁹ आमा फासला पोडले आथे पेन तियाल सोड्यो नाहा आमा एठा पोडले हाय तेबी आमा नाश वेयो नाहा. ¹⁰ आमा सदा आमा डिलाम येशु मरण लिन जाते तेबी याकेता की आमा डिलाम येशु जीवन प्रकट वेरा जोजे. ¹¹ काहाका आमा जेबी जीवते हाय ते येशुकेता मरणाम कायम तियाल हापाय गीले हाय, काहाका आमा मरणाम देहाम येशु जीवन प्रकट वेरा जोजे. ¹² काहाका आमाम मरण बी पेन तुमाम जीवन ई काम केहे मायुय विश्वास थोव्यो आय गोग्यो इ पवित्र शास्त्राम लिखलो हाय तिया प्रमाणे आमा विश्वास थोवलो हाय आन ताहा गोग्यो. ¹³ मायु विश्वास थाेवलो हाय आन तियाल आय आखुहू, इया पवित्रशास्त्राम लेखल्या होस आमाही विश्वास थोवलो हाय आन तियाल आख्यो, काहालका आमाहाव तोच विश्वासा आत्मो हाय.

¹⁴ काहाका आमा इ जाते की प्रभु येशुल जियाय उठव्यो तो आपुल बी येशुआरी उठवी आन आम्हान तुमाअरी तो देखावी. ¹⁵ आखा गोठ्या तुमाकेता हाय काहाका ही विपुल कृपा कोता तेबी जाहा उपकाराकी देवाआ गौरवाआ वारदर वादर वेतो जा जोजे. वाइज वाआ खातोर दुख पेन सार्वकालीक आनंद ¹⁶ काहाका आमा खचते नाह पेन जर आमा ई बारे देहेबी नाश विरीयो हो तेबी आय आत्मो ई दिह दिह तो नोवो वेतो जाय.

¹⁷ काहाका ई जो ओलको दुख काय तोतपुरतो हाय तो आमाकेता खुब जाहखो मोडो आशा कायमच तो गौरवाआ वोजो तियार केह. ¹⁸ आमी आमा देखाणाऱ्या गोठ्या वेते नाहा पेन नाय देखाणाऱ्या गोठीहोवे वेते काहाका देखाणाऱ्या गोठ्या तातपुरतया हाय पेन नेय देखाणाऱ्या गोठ्या कायमुज हाय.