¹ आमा फासे आमाच वावा केरा लाग्ये काय काहाका, आम्हाल बीहरा होस तुमा केता काहाका तुमाहापने शिफारसपत्राआ गरज हाय काय ? ² तुमा सोता आमा शिफारसपत्रे हाय आमाआ अंतकरणा पे लिखलो एका बीहीरापे वाचलो आन एकाबिहीराल मालुम हाय. ³ शईकी नाह तर जिवंत देवाआ आत्म्याकी कोरलो दोगडा पाट्याप नाहा, तर माहा मांसवाय बोनला दिलुपे पाट्याप कोरलो आमा सेवाआ केता तियार वेले ख्रिस्ताआ पत्र हार एहकी तुमा देखावी देताहा. ⁴ आने ख्रिस्तामुळे देवाआ पे आमा एहकी विश्वास हाय. ⁵ आमा सोता केल्लीबी गोठ आपु वीन ठेरवुने सामर्थ केनारा हाय एहकी नाह तर आमा डीलाआ पात्रता देवाहोवेणे आलले हाय. ⁶ तियाय आमाल नोवा कराराआ सेवक वेराकेता पात्र केये, तो लेखद्वारे केलाे नाहा पेन पवित्र आत्म्याकी केलो हाय काहाका लेख माई टाके पेन पवित्र आत्मो जीवताे केहे. नियमशास्त्र वैभवापेक्षा शुभवृत्त वैभव खुबूज तेजस्वी ⁷ पेन दगडापे कोरलो अक्षराम लेखली मरनु सेवा ओती गौरवी वेयी की, इस्त्राएल लोक मोशा मुयाप तेज जे कमी विरीये तियाप तेजाकी तियामुयाहोवे नोजर लागतुली नेय. ⁸ तर तिया पेक्षा पवित्र आत्म्याआ सेवा जाखो गौरवशाली केअकी वेनारो नाहा ? ⁹ काहाका जिया सेवा परिणाम दंडाज्ञा ती ओती तेजे आथी, तर जिआ परिणाम नीतीमत्व ती तिईयाने कोतो विश्वासाकी जाखी तेज वेरी. ¹⁰ ओतहोच नाहा तर जो तेजस्वी आथो तो जिया तुलनाकी हीनदीन ठेऱ्याहा. ¹¹ काहाका जो नाश वेनारो आथो तो जर तेजयुक्त हाय तर जो शाश्वत हाय तो कोताहाक जाखो तेज वेरी. ¹² तर ताहा आमाहाल एहडी आशा हाय ताहा आमा खुब धिराकी गोगता. ¹³ आमा मोशेहोस केता नाहा, तियाय मुयाप पागी लेदो थाकेता की जो नाश वेला जायरीयोह तो इस्त्राएल लोकाहाल शेवटलुगू वेता आवे नेय. ¹⁴ पेन तिया मोन कठीण केये काहाका आज ते फांगावले तेहकीज जुना कराराआ वाेचनाम नाहा काढलो रीहले हाय तो ख्रिस्ताम दाेबी गीलो हाय. ¹⁵ पेन आजहुदू तो फागावलो तो मोशे ग्रंथ वाचन केतुलो ताहा तिया मुयाप फागोवलो आथो. ¹⁶ पेन ते जाहा प्रभुपाही वोली ताहा तो फागावलो काडाम आवी. ¹⁷ आन प्रभु आत्मा हाय आन जिह प्रभुअ आत्मा हाय तिह मोकलो हाय. ¹⁸ पेन आपु मुयाप फागावलो नाहा हाय आपु बाठाजा एहकी काय आरशाम वेतो तेहकी प्रभु तेजोहोवे वेता हा कलाकलाकी तिया प्रतिरुपात आपु रुपांतर उपजे ई प्रभुअ आत्म्याकी विरीयो.