محاکمه در حضورِ پیلاتُس و هیرُدیس
1
اَمی موقع اَمَی شورا بلند وابُدِن و اَنَه شا پَلو پیلاتُس بو
2
و از اَنَه شکایت شوکه شو گُت ، اِ مَردو پیدا مو کِردِه که قومِ اَما گمرا شَه که و اَما از پَرداختِ خِراج اَ قیصر مَنع شَه که و اِدعا اُشِه مسیح و پادشاه اِسی
3
پس پیلاتُس از اَنَه اُش پُرسی آیا تو پادشاهِ یهود اِسِش ؟ در پاسُخ اُشگُت ، تو اَگُتایش .
4
اَمی موقع پیلاتُس اَ سَرانِ کاهنیا و جماعت اعلام اُشکه سَبَبی بَرَی محکوم کِردَی اِ مَرد پیدا ناکِردام
5
اما اَنَیا به اصرار شو گُت ، اَنَه در سرتاسرِ یهودیَه مَردُم را با تعالیمِ خوت تحریک اَکِردوی از جلیل شروع اُشکِردِه آلا اَ اِنکِه رَسِدِه
6
چون پیلاتُس اِدِش شُنُفت شَه وِس بِفَمِه آیا اَنَه جلیلی اِسی
7
و چون اُش فَمی که از قلمرو هیرودیس اِسی اَنَه اَپَلو وی اُشفِرِسا چون هیرودیس در اَمی موقع در اورشلیم اَند
8
هیرودیس چون عیسی اُشبینا خیلی شاد بُیس چون خیلی خواهانِ دیدارِ اَنَه اَند پس بنا بر هر چه دربارَی عیسی اُش شُنُفتِسُن امید اُشَن آیتی از اَنَه ببینِه
9
پس پرسشیای زیادی از عیسی اُشکه اما عیسی جوابی اَ اَنَش نِدا
10
سرانِ کاهنیا و علمایِ دین که اَنکَه اَندِن سخت اَ اَنَه اتهام شا زَت
11
هیرودیس و سربازیاش نیز اَ اَنَه بی حرمتی شو که و استهزا یَش شو که پس رِدایی فاخر بر اَنَه شو پوشَنا و اَ پَلو پیلاتُس شو واگَردَنا .
12
در اَمی رُز هیرودیس و پیلاتُس بنایِ دوسی با یَک دیگَشو دا ، چون جلوتر دشمن اَندِن .
13
پیلاتس سَریای کاهنیا و بزرگیای قوم و مَردُم را فرا اُشخَواند .
14
وشَه اَنَیا گُت ، "اِ مَرد را به تهمتِ شوراندَنِ مَردُم ، نَزدِ مَه شو آردِه مَه در حضورِ شما اَنَه امتحانُم که هیچ دلیلی بر صحتِ تهمتیای شما پیدام نِکِه
15
نظر هیرودیس نیز اَمی اَند چواِ اَنَه اَ پَلو مَه تو فِرِسَدِه چیزی که اَبینِدوی کاری اُش نِکِردِه که مستحقِ مرگ بو .
16
پس اَ اَنَه شلاق اَزَنِن و آزاد اَکُنِن
17
در هر عید پیلاتوس باید یَک زندانی شازَر آزاد بُکَن
18
اما اَنَیا یَک صدا فریاد شا زَت اَنَه اُشواسی و باراباس بَرَی اَما آزاد بُکُن
19
باراباس بسببِ شورشی که در شهر بُسُن و نیز بسببِ قتل در زندان اَند
20
پیلاتوس که شَوِس عیسی آزاد بُکُن یَک بارَه دِگَه با اَنَیا حرف اُشزَت
21
اما اِدَیا اَمدِه فریاد شا زَت اَ صلیبُش بُکُن اَ صلیبُش بُکُن
22
سومین بار اَ اَنَیا اُشگُت چواِ ؟ چه بدی اُش کِردِه مَه که هیچ دلیلی بَرَی کُشتَنِه اَنَه پیدا اُم نِکِردِه پس اَنَه تازیانَه اَزَنِم و آزاد اَکُنِم
23
اما اَنَیا با صدایِ بلند با اصرار شا وِس اَ صلیب اوچو سرانجام فریادِشو غالب بُیس
24
و پیلاتوس حکمی که شاوِس صادِر اُشکه
25
اَنَه مَردی که بسببِ شورش و قتل در زندان اَند و جمعیت خواهانِ آزادیش بُدِن رها اُشکه و عیسی را اَ اِدَیا اُش سِپُرد تا به دادخواهِ خوشو با اَنَه رفتار بُکُنِن
26
چون اَنَه شا بو مردی شمعون نام از اهالیِ قیروان که از مزرَعَه اَ شهر دا آند شو گِرِت و صلیب را بر دوشِ اَنَه شو نا وادار شو که اَنَه پشتِ سَرِ عیسی حمل بُکُن
27
گروهِ زیادی از مَردُم از جملَه زِنیای که بر سینِه خوت شا کوفت و شیون شا که از پیِ اَنَه رَوانَه بُدِن
28
عیسی روی اُش واگَردَنا و اَ اَنَیا اُشگُت ای دُتیای اورشلیم بَرَی مَه گیریخ مَکُنی بَرَی خوت و بیچیاتو گیریخ بُکُنی
29
چون زمانی دا که اَگوی خوش بحالِ زِنیای نازا ، خوش بحالِ رحمیای که هرگز نزادَند و سینَیای که هرگز شیر شو نَدَدِه
30
در اَمی موقع اَ کوهیا اَگواِن اَ رو اَما بِریزی و اَتَپَیا که اَما مُ بِپوشَن
31
چون اَگَه با چوبِ تر اِندِه بُکُنِن با چوبِ خشک چه اَکُنِن ؟
32
دو مَردِ دِگَه که هر دو جنایتکار اَندِن شا بو تا با اَنَه بُکُشِن
33
چون اَ مکانی که جمجمَه نامُشَن رَسِدِن اَنَه با دو جنایتکار اَ صلیب شو که یکی اَ سمتِ راس اَنَه و دیگری اَ سمتِ چپ
34
عیسی اُشگُت ای پدر اِدَیا شو بِبَخش چون نادَنِن چواَکِرداین اَمی موقع قرعَشو بِس تا جَمَیای اَنَه اَمیونِ خوشو تقسیم بُکُنِن
35
مَردُم اَ تماشا وَیسَیسُنِن و بزرگیای قوم با تمسخُر شا گُت اَنَیا نجات اُشدا اَگَه مسیح اِسی برگزیدَی خدا خوت نجات آدِه
36
سربازیا نیز اَنَه اَ اِستیهزا شو گِرِت اِدَیا اَ اَنَه نَزیک بُدِن شرابِ تُرُشِدَه
37
اَ اَنَه شا دا و شا گُت اَگَه پادشاهِ یهود اِسِش خوت نجات آدِه
38
نوشتَی نیز به اِ عبارت بَرَی سَرِ اَنَه نصب شو کِردِسُن که اِدِه اِسی پادشاه یهود
39
یکی از دو جنایتکاریای که اَ صلیب آویختَه بُسُن اهانت کنان اَ اَنَش گُت مَگَه تو مسیح نیسِش پس اَما و خوت نجات آدِه
40
اما اَنَه یکی دِگَه اَنَه سرزنُش اُشکه و اُشگُت از خدا نا تَرسِش ؟ تو هم اَ زِرِ اَمی حُکمِش .
41
مکافاتِ اَما به حق اِسی چون سزایِ اعمالِ اَمای اما اِ مَرد هیچ تقصیری اُشنی
42
پس اُشگُت ای عیسی چون اَ پادشاهیِ خوت رَسِدِش مَه نیز اَ یاد بیا
43
عیسی پاسُخ اُشدا آمین اَ تو اَگواِم اِرُز با مَه در فردوس اِسِش
44
حودِ ساعتِ ششم اَند که تاریکی تمامِ اَنَه سرزمین اُشگِرِت و تا ساعت نهم ادامه اُشَن
45
چون خورشید از درخشِدَه وَیسا در اَمی موقع پردَه مهرابگاه از میون پَرَه بُیس
46
اَمی موقع عیسی اَ بانگ بلند فریاد اُشزَت ای پدر روح خوت را اَ دَسیای تو اَسپُرِم . اِدِه اُشگُت و نفسِ آخر اُشکَشی .
47
فرماندَی سربازیا با دِدَی اِ واقعَه خدا را تمجید شو کِه و شو گُت به یقین که اِ مَرد بیگناه اَند
48
مردمی که اَ تماشا جمع بُسُنِن چون هر چه رُخ اُش دایسُن شو بینَیسُن در حالی که اَ سینَی خوشو شا کوفت اَنکَه ترک شو که
49
اما اَمَی آشنایای اَنَه از جملَه زنیای که از جلیل از پی اُش روانَه بُسُنِن دور وَیسَیسُنِن اِ وقایع را نگاه شا که
50
در اَنکَه شخصی یوسف نام حضور اُش اَند که مردی نیک و درستکار اَنه هر چند عضوِ شورا اَند
51
با رای و تصمیمِ اَنَیا موافق نی اَند یوسف از مردمیای رامه یکی از شهریای یهودیا اَند و مشتاقانَه انتظارِ پادشاهی خدا شَه کَشی
52
اَنَه اَ پَلو پیلاتوس چو و جسدِ عیسی را طلب اُشکه
53
پس اَنَه اَزیر شاو در کتانی اُش پیچی و در مقبَرَه ای تراشیدَه از سنگ اُشنا که تا بحال کسی در اَنکَه دفن نِبُسُن
54
اَنَه رُز رُزِ تهیه اَند و چیزی اَ شروعِ شبات نِوامُندِسُن
55
زنیای که از جلیل از پیِ عیسی اُندِسُنِن اَ دنبالِ یوسف چِدِن و مکانِ مقبَرَه و چگونَه قرار گِرِتَی جسدِ اَنَه شو بینا
56
پس اَ خونَه واگِشتِن حنوط و عطریا آمادَشو که و در رُزِ شبات طبق حکمِ شریعت آروم بُدِن