4 ¹ Яҳудонинг ўғиллари Перез, Ҳезрон, Карми, Хур ва Шобал эди. ² Шобалнинг ўғли Реайаҳдан Йаҳат туғилди. Йаҳатдан Ахумай ва Лаҳад туғилди. Булар зораҳликларнинг авлодлари эдилар. ³ Мана булар Этамнинг ўғиллари ― Йезреэл, Ишма ва Идбаш эди. Уларнинг синглиси Ҳазлелпони эди. ⁴ Гедорнинг отаси Пенуэл ва Хушаҳнинг отаси Эзер эди. Булар Бейт-Леҳемнинг отаси Эфратаҳнинг тўнғичи Хурнинг ўғиллари эдилар. ⁵ Текойнинг отаси Ашҳурнинг Хелаҳ ва Наарат исмли иккита хотини бор эди. ⁶ Наарат унга Аҳуззамни, Ҳеферни, Темени ва Ҳахаштарини туғиб берди. Булар Нааратнинг ўғиллари эдилар. ⁷ Хелаҳнинг ўғиллари Зерет, Зўхар ва Этнан эди. ⁸ Гаккоздан Ануб, Зобебаҳ ва Ғарум ўғли Аҳархелнинг авлодлари туғилди. ⁹ Йабез ўз биродарларидан кўра ҳурматлироқ эди. Онаси: “Мен уни азоб билан туғдим”,- деб уни Йабез, деб атади. ¹⁰ Йабез Исроилнинг Худосига илтижо қилиб: “Эҳ, қани эди, Сен Ўз баракаларингдан менга баракат берсанг, менинг чегараларимни кенгайтирсанг, мен қайғурмаслигим учун мени ёвузликдан асраб, Сенинг қўлинг мен билан бирга бўлса эди”,- деди. Шунда Худо унинг сўраганларини унга берди. ¹¹ Шуҳаҳнинг биродари Келубдан эса Эштоннинг отаси Меҳир туғилди. ¹² Эштондан Бейт-Рафа, Пасейаҳ ва Ийр-Наҳашнинг отаси Техиннаҳ туғилди. Булар Рехабнинг аҳолисидир. ¹³ Кеназнинг ўғиллари Отниэл ва Серайаҳ эди. Отниэлнинг ўғли Ҳатат эди. ¹⁴ Меонотайдан Ўфраҳ туғилди. Серайаҳдан эса дурадгорлар водийсининг отаси Йўаб туғилди, чунки улар дурадгорлар эдилар. ¹⁵ Йефуннеҳ ўғли Калебнинг ўғиллари эса Иру, Элаҳ ва Наам эди. Элаҳнинг ўғли Кеназ эди. ¹⁶ Йеҳалелиэлнинг ўғиллари Зиф, Зифаҳ, Тириа ва Асариэл эди. ¹⁷ Эзранинг ўғиллари Йетер, Меред, Эфер ва Йалон эди. Йетердан Мером, Шаммай ва Эштемоаҳнинг отаси Ишбаҳ туғилди. ¹⁸ Мереднинг яҳудолик хотини унга Гедорнинг отаси Йередни, Сўкоҳнинг отаси Хебер ва Заноаҳнинг отаси Йеҳутиэлни туғиб берди. Булар Меред хотинликка олган Паронинг қизи бўлмиш Битийаҳнинг ўғилларидир. ¹⁹ Наҳамнинг синглиси бўлмиш унинг бошқа хотини Годийаҳ унга Кейлаҳнинг отаси Гармий ва маақаҳлик Эштемоаҳни туғиб берди. ²⁰ Шимоннинг ўғиллари Амнон, Риннаҳ, Бенҳанан ва Тилон эди. Ишийнинг ўғиллари Зоҳет ва Бензоҳет эди. ²¹ Яҳудо ўғли Шелаҳнинг ўғиллари эса Лекаҳнинг отаси Эир, Морешаҳнинг отаси Лаадаҳ ва Ашбеа хонадонидан зиғир толали мато тўқувчи авлодлар, ²² яна Йоким ва Хозебанинг аҳолиси, Мўабда ҳукмронлик қилган Йоаш ва Сараф, ҳамда Йашубилеҳем эди. Бироқ булар бурунги воқеалардир. ²³ Улар кулол бўлиб, боғ ва девор тўсиқлари ичида яшар эдилар. Улар бу ерда подшоҳнинг иши учун яшар эдилар. ²⁴ Шимўннинг ўғиллари Немуэл, Йамин, Йариб, Зераҳ ва Шоул эди. ²⁵ Шоулнинг ўғли Шаллум, унинг ўғли Мибсом, унинг ўғли Мишмо эди. ²⁶ Мишмонинг ўғиллари – Ҳамуэл, унинг ўғли Заккур, унинг ўғли Шимей эди. ²⁷ Шимейнинг ўн олти нафар ўғли ва олти нафар қизи бор эди. Бироқ унинг биродарларининг ўғиллари кўп эмас эди. Яҳудо ўғилларининг авлодларидан кўра уларнинг барча авлодлари кўп эмас эди. ²⁸ Улар Беир-Шебада, Моладаҳда, Ҳазар-Шуалда, ²⁹ Балаҳда, Эземда, Толадда, ³⁰ Бетуэлда, Хормаҳда, Зиклагда, ³¹ Бейт-Маркаботда, Ҳазар-Сусаҳда, Бейт-Бирей ва Шарайимда яшар эдилар. Булар Довуднинг ҳукмронлигигача бўлган уларнинг шаҳарлари эди. ³² Уларнинг яна қишлоқлари билан бирга бешта шаҳари – Этам, Аин, Риммон, Тохен ва Ашан бор эди. ³³ Шунингдек, ушбу шаҳарларнинг атрофида Баалгача жойлашган уларнинг барча қишлоқлари эди. Булар Шимўн ўғилларининг яшаш жойлари ва уларнинг насабномасидир. ³⁴ Мешобаб, Йамлех ва Амазийаҳнинг ўғли Йосийаҳ, ³⁵ Асиэл ўғли, Серайаҳ ўғли, Йосибиаҳнинг ўғли Йўэл ва Йеҳу, ³⁶ Элиҳоэнай, Йакобаҳ, Йешоҳайаҳ, Асаҳийаҳ, Адиэл, Йесимиэл ва Бенайаҳ, ³⁷ Шемайаҳ ўғли, Шимрий ўғли, Йедайаҳ ўғли, Аллон ўғли, Шифи ўғли Зиза – ³⁸ ушбу номлари айтиб ўтилганлар ўз қабилаларида ҳокимлар эди ва уларнинг оталарининг хонадони кўп бўлакларга бўлинди. ³⁹ Улар ўз подаларига жой излаш учун Гарор ва водийнинг шарқий томонигача келдилар. ⁴⁰ Улар яхши ва серўт жойни, кенг, тинч ва хавфсиз ерни топдилар, чунки у жойда улардан олдин фақат кам сонли хаумликлар яшар эдилар. ⁴¹ Яҳудонинг подшоҳи Ҳизкийаҳнинг кунларида, ушбу исмлари бўйича ёзилганлар келиб, у ерда бўлганларнинг чодирлару масканларни бузиб ташлаб, уларни мутлақо қириб ташладилар ва уларнинг жойларига ўрнашиб олдилар, чунки у жойда уларнинг подалари учун жойлар бор эди. ⁴² Улардан баъзилари, яъни Шимўн ўғилларидан беш юз киши Сеир тоғига кетдилар. Ишийнинг ўғиллари Пелатийаҳ, Неарйаҳ, Рафайаҳ ва Узиэл уларнинг устидан бошлиқ эдилар. ⁴³ Улар ўша ерда омон қолган амолеқларнинг қолдиғини қириб ташладилар ва ҳозирги кунгача ўша ерда яшамоқдалар.