¹ O mobu zomi na mitano ya boyangeli ya Tibele Cezar, o tango yango Ponso Pilato azalaki mokonzi engumba Yudea, Helode azalaki mokonzi ya engumba Galileya, Filipo, ndeko na ye azalaki mokonzi ya etuka ya Itule mpe ya Trakonitide, Lusaniasi ezalaki mokonzi ya Abilene, ² mpe o tango ya banganga nzambe minene Anna mpe Kaifa, liloba ya Nzambe eyaki epai ya Yoane mwana na Zakalia, na esobe. ³ Azalaki kotambola nzinga-nzinga ya ebale Yuladeni, koteya libatisi ya kobongola motema mpe kolimbisama ya masumu. ⁴ Ndenge ekomama na mokanda ya mosakoli Yisaya: « Yoka mongongo ezali kobelela na esobe: "Bongisa nzela ya Mokonzi, lalisa mabele! ⁵ Lobwaku nyoso ekozipama, ngomba nyoso ya minene mpe mike ikokitisama, nzila itengama ikonyolisama, nzila ya mabanga ikolalisama, ⁶ mpe moto nyoso akomona loboko ya Nzambe. "» ⁷ Boye Yoane azalaki koloba na etuluku oyo eyaki mpo na kobatisama na ye: « Bino, libota ya nyoka! Nani akebisi bino mpo na kokima kanda oyo ezali koya? ⁸ Bobota mbuma ezali komonisa ete bobongoli mitema mpe boloba te: "Tata na biso Abalayama", pamba te nalobi na bino ete Nzambe azali na makoki ya kobongola mabanga oyo bana ya Abalayama. ⁹ Tala, epasola ezali pene mpo na kokata misisa ya nzete. Boye nzete nyoso oyo ezali kobota mbuma malamu te ekokatama mpe ekobwakama na moto.» ¹⁰ Sima na yango, etuluku batuni Yoane: «Sik'oyo tosala nini?» ¹¹ Ayanoli bango koloba: «oyo azali na kazaka mibale apesa moko na oyo azangi, mpe oyo azali na biloko ya kolia asala mpe bongo.» ¹² Bakongoli na mpako bayaki mpe mpo bazwa libatisi mpe balobi: «Molakisi, tosengeli kosala nini?» ¹³ Azongiseli bango: «Bozwaka te mbongo koleka oyo esengeli bozwa.» ¹⁴ Basoda basusu batunaki mpe ye: « Bongo biso, tosala nini?» Ayanoli bango: «Bosala mobulu te, bosala moto mabe te. Bosepela na lifuta na bino.» ¹⁵ O tango bato bazalaki kozila boyei ya Klisto, moko na moko azalaki komituna na motema na ye soki Yoane azali Klisto. ¹⁶ Yoane azongiselaki bango: «Ngai nazali kobatisa bino na mayi, oyo azali koya sima na ngai, azali na nguya koleka ngai mpe ngai nakoki kolongola singa ya sapato na ye te. Ye akobatisa bino na Molimo Mosnto mpe na moto. ¹⁷ Ye moko akokombola elanga na ye, akobomba mbuma malamu na ebombamelo na ye mpe mbuma ya mabe akobwaka yango na moto ya libela. ¹⁸ Na nzela na maledisi ebele, Yoane ateyaki bango sango malamu. ¹⁹ Tango bapamelaki mokonzi Helode mpo abalaki Helodiasi, mwasi ya ndeko na ye, mpe makambo mosusu mabe ye asalaki, ²⁰ abakisaki lisusu mbeba oyo: akongaki Yoane na boloko. ²¹ Esalamaki ete tango bato bazwaki libatisi, Yesu mpe abatisamaki. Boye tango azalaki kosambela, likolo efungwamaki, ²² mpe Molimo Mosanto akitaki likolo na ye na lolenge ya ebenga. Mpe mongongo kouta likolo: «Yo ozali mwana na ngai ya bolingo, kati na yo nazwaka esengo.» ²³ Tango Yesu abandi mosala na ye, azalaki pene na mbula tuku misato, azalaki (ndenge bazalaki kokanisa) mwana na Yozefu, mwana na Heli, mwana ²⁴ na Matta, mwana na Lewi, mwana na Melki, mwana na Yannai, mwana na Yozefu, ²⁵ mwana na Mattatiasi, mwana na Amosi, mwana na Nahumu, mwana na Hesli, mwana na Naggai, ²⁶ mwana na Maate, mwana na Mattatiasi, mwana na Semeine, mwana na Yoseki, mwana na Yoda, ²⁷ mwana na Yoanani, mwana na Resa, mwana na Zorobabele, mwana na Salatiele, mwana na Neri, ²⁸ mwana na Melki, mwana na Addi, mwana na Kosam, mwana na Elmadam, mwana na Er, ²⁹ mwana na Yesu, mwana na Eliezer, mwana na Yorim, mwana na Mattati, mwana na Lewi. ³⁰ Mwana na Simeona, mwana na Yuda, mwana na Yozefu, mwana na Yonam, mwana na Eliakim, ³¹ mwana na Melea, mwana na Menna, mwana na Mattata, mwana na Natam, mwana na Dawidi, ³² mwana na Jesse, mwana na Yobede, mwana na Boazi, mwana na Sala, mwana na Naasson, ³³ mwana na Aminadab, mwana na Admin, mwana na Arni, mwana na Hezron, mwana na Perez, mwana na Yuda ³⁴ mwana na Yacobo, mwana na Izaki, mwana na Abalayama, mwana na Terah, mwana na Nahor, ³⁵ mwana na Serug, mwana na Reu, mwana na Peleg, mwana na Eber, mwana na Shelah, ³⁶ mwana na Kainan, mwana na Arphaxad, mwana na Sem, mwana na Nowa, mwana na Lemek, ³⁷ mwana na Mathusaleme, mwana na Enoka, mwana na Yareth, mwana na Mahaleleele, mwana na Kainan, ³⁸ mwana na Enos, mwana na Seth, mwana na Adamo, mwana na Nzambe.