¹ Nteke ye mapa ezanga kovinu, ekomaki pene, ² Ba nganga nzambe minene mpe batangi mibeko bolukaki koboma yesu, kasi baba ngaki bobele bayi mboka. ³ Satana ayingeli O motema ya yuda iskaroto, moko na bayekoli zomi na babale, ⁴ Ye ayokanaki elongo na ba nganga nzambe minene mpe bakonzi ya ba sinzili, na lolenge ya bokangi yesu ⁵ Basepeli mpe bayokani elongo mpo nakopesa yuda mosolo. ⁶ Babembanaki, mpe balukaki ntaka elongobani mpo na bokongi yesu, nakokebaka ete etuluku ya bato bamona bango te. ⁷ Ekomaki bango O mokolo mwa pasika, mokolo mwa lipa ezanga kovimba bokoti kingo ya mwana meme, ⁸ Yesu atindaki petelo mpe yoane, koloba na bango boye bokenda kobongisela biso moliya mwa pasika, mpo tiliya. ⁹ Bango koyanola ye baye mokonzi, olingi tobongisa milulu mya nga wapi? ¹⁰ Ye koyanola bango boye yokamela, tango ekokoka bino kati ya engumba, ekomona bino moto moko, akumbi mbeki ya mayi, bomolanda O ndako ekoyingela ye, ¹¹ Mpe boyebisa O kolo ya ndako boye mokonzi alobi na yo wapi esika akolia lipati la pasika elongo na bayekoli ba ye ¹² Pe moto yango akolakisa bino eteni moko ya monene ya ndako na likolo, etandami malamu; bólengela kuna.» ¹³ Bakei, bongo bakuti kaka ndenge alobaki na bango, pe balengeli Pasika. ¹⁴ Tango ngonga ekómi, afandi na mesa pe bantoma esika moko ná ye. ¹⁵ Alobi na bango: «Nazalaki na posa penza kolia Pasika oyo elongo na bino, liboso ’tè ngai námona pasi; ¹⁶ pamba té, nalobi na bino, nakoki kolia yango lisusu té tii yango ékokisama na Bokonzi ya Nzambe.» ¹⁷ Akamati nkeni, azongisi matondi, bongo alobi: «Bókamata oyo pe bókabola yango na kati na bino; ¹⁸ pamba té, nalobi na bino [’tè] banda lelo nakoki komela lisusu mbuma ya vinu té tii Bokonzi ya Nzambe ésila koya.» ¹⁹ Sima ya kokamata lipa, pe sima ya kozongisa matondi, abuki yango pe apesi bango, alobi: «Oyo ezali nzoto na ngai, epesami po na bino; bósalaka boye po na kokanisa ngai.» ²⁰ Se ndenge moko na nkeni, sima ya limpati, alobi: «Nkeni oyo ezali boyokani ya sika na makila na ngai oyo esopani po na binoa. ²¹ Kasi tala, moto oyo azali kokaba ngai azali elongo na ngai na mesa. ²² Po, Mwana ya moto azali kokende ndenge esi’ekatamá; kasi mawa na moto oyo ye azali kokabama na nzela na ye!» ²³ Pe babandi kotunana na kati na bango nani alingi bongo kosala likambo yango. Nani aleki ²⁴ Kowelana ebimi na kati na bango: nani na kati na bango akoki kotangama moto alekib? ²⁵ Alobi na bango: «Bakonzi ya bikolo bakonzaka yango, pe bato oyo bazali na bokonzi likolo na yango bamibengaka bato malamuc. ²⁶ Ézala bongo té po na bino. Kasi na kati na bino, oyo aleki ázala lokola leki, pe oyo azali kokamba, lokola mosalid. ²⁷ Ya solo, nani aleki, oyo azali na mesa, to oyo azali kosalela? Ezali té oyo azali na mesa? Ngai nazali katikati na bino lokola moto oyo azali kosalela batoe. ²⁸ Bino, bozali nde bato oyo baumelaki na ngai elongo na komekama na ngai, ²⁹ pe ngai natie Bokonzi po na bino ndenge pe Tata na ngai atiaki po na ngai, ³⁰ po bólia pe bómela na mesa na ngai na Bokonzi na ngai, pe bokofanda na bangwende po na kosambisa mabota zomi na mibale ya Israel. ³¹ Simon, Simon, tala Satana asengaki bino po na koyungula bino lokola blé. ³² Kasi ngai nasambeli po na yo, po bondimi na yo ésila té; pe yo, sima ya kobongwana, lendisa bandeko na yo.» ³³ Piere alobi na ye: «Mokonzi, nabongami kokende elongo na yo ná na boloko ná na liwa.» ³⁴ Alobi na ye: «Piere, nalobi na yo, lelo liboso ’tè soso élela okowangana mbala misato ’tè oyebi ngai té.» Libenga ya mbongo, saki pe mopanga ³⁵ Pe alobi na bango: «Tango natindaki bino na libenga ya mbongo té, na saki té, na sapato pe té, bozangaki eloko?» Bazongisi: «Eloko moko tég.» ³⁶ Alobi na bango: «Kasi sik’oyo, oyo azali na libenga ya mbongo ákamata yango, ndenge moko pe na oyo azali na saki, pe oyo azali na mopanga té, áteka kazaka na ye po na kosomba yango. ³⁷ Pamba té, nalobi na bino, esengeli ’tè oyo ekòmamá, ékokisama kati na ngai: Atangamaki na molongo ya bato mabe. Ya solo, oyo etali ngai ekómi kokokisamah.» ³⁸ Balobi: «Mokonzi, tala, mipanga mibale ezali awa.» Alobi na bango: «Ekoki na yango.» ³⁹ Abimi pe akei engebene na momesano, na ngomba ya ba-Olive, bongo bayekoli na ye balandi ye. ⁴⁰ Awa asili kokóma na esika yango, alobi na bango: «Bóbondela, po bókota na komekama té.» ⁴¹ Sima akei mwa-mosika na bango, lokola molai babwakaka libanga, agumbi mabolongo, asambeli, ⁴² alobi: «Tata, soki olingi, longola nkeni oyo mosika na ngai. Nzokande, ézala mokano na ngai té, kasi ya yo ésalama.» ⁴³ [[Bongo anzelu moko, uta na likolo, abimeli ye, azalaki kolendisa ye. ⁴⁴ Ayoki somo monene, bongo akómi kosambela na molende, pe motoki na ye ekómi lokola matanga ya makila ezali kotanga na se.]] ⁴⁵ Atelemi sima ya losambo, akei epai ya bayekoli, bongo akuti bango balali na mawa. ⁴⁶ Alobi na bango: «Po na nini bozali kolala? Bótelema, bóbondela po bókota na komekama té.» Bakangi Yesu ⁴⁷ Azalaki nanu koloba, tala, bato ebele, pe oyo azalaki kokamba bango, moto oyo abengamaka Yudasi, moko ya ba-Zomi na mibale, abelemi na Yesu po na kopwepwa ye. ⁴⁸ Yesu alobi na ye: «Yudasi, na kopwepwa nde ozali kokaba Mwana ya moto?» ⁴⁹ Awa basili komona likambo oyo elingi koya, bato oyo bazali zingazinga na ye, balobi: «Mokonzi, tokobeta na mopanga?» ⁵⁰ Pe moko na bango abeti mosali ya mokonzi ya banganga-Nzambe pe akati ye litoi ya mobali. ⁵¹ Kasi Yesu azwi maloba, alobi: «Bótika bongo.» Asimbi ye na litoi, bongo abikisi ye. ⁵² Bongo Yesu alobi na bakonzi ya banganga-Nzambe, na bakonzi ya bakengeli ya tempelo pe bampaka oyo bayeelaki ye: «Bobimi na mipanga pe na mangenda, lokola nde nazali moyibi. ⁵³ Mokolo na mokolo, nazalaki ná bino na tempelo, pe bokangaki ngai té. Kasi oyo ezali ngonga na bino pe bokonzi ya molilii.» ⁵⁴ Bakangi ye, bongo bakei na ye pe bakotisi ye na ndako ya mokonzi ya banganga-Nzambe. Piere azalaki kolanda na mosika. ⁵⁵ Basali móto na katikati ya lopango, bongo bafandi lisanga. Piere afandaki na katikati na bango. ⁵⁶ Awa mosali moko ya mwasi asili komona ye afandi pembeni ya mwinda, atali ye nyee, alobi: «Moto oyo pe azalaki ná ye.» ⁵⁷ Kasi ye awangani, alobi: «Mwasi, nayebi ye té.» ⁵⁸ Mwa-moke sima, moto mosusu amoni ye, bongo alobi: «Yo pe ozali moko na bango.» Kasi Piere alobi: «Ndeko, ngai té.» ⁵⁹ Soki ngonga moko sima, moto mosusu atingami, alobi: «Ya solo, moto oyo pe azalaki elongo na ye, pamba té azali pe moto ya Galilea.» ⁶⁰ Piere alobi: «Ndeko, nayebi makambo ozali koloba té.» Kaka na tango wana, awa azalaki nanu koloba, soso eleli. ⁶¹ Mokonzi abaluki, bongo atali Piere. Pe Piere akanisi liloba ya Mokonzi oyo alobaki na ye: «Liboso ’tè soso élela lelo, okowangana ngai mbala misato.» ⁶² Abimi libanda, bongo aleli na mawa mingi. ⁶³ Bato oyo bazalaki kokengela ye, bazalaki koseka ye pe kobeta ye. ⁶⁴ Bazipi ye elamba na miso, bongo balobi na ye: «Lakisa ’tè ozali profete! Nani abeti yo?» ⁶⁵ Pe bazalaki kofinga ye na maloba mosusu mingi. ⁶⁶ Tango tongo etani, likita ya bampaka ya ekolo −bakonzi ya bangangaNzambe ná Balakisi-Mibeko− esangani, bongo bamemi ye liboso ya LikitaMonene na bango. ⁶⁷ Balobi: «Soki ozali Kristo, yebisa biso.» Ye azongiseli bango: «Soki nayebisi bino, bokoki kondima ngai té, ⁶⁸ pe soki natuni bino, bokokoka koyanola té. ⁶⁹ Kasi banda lelo Mwana ya moto akofanda na loboko ya mobali ya Nguya ya Nzambej.» ⁷⁰ Bango nyonso balobi: «Ozali bongo Mwana ya Nzambe?» Ye azongiseli bango: «Bolobi ’tè ezali ngai.» ⁷¹ Bongo balobi: «Tozali lisusu na bosengá ya litatoli? Biso moko toyoki yango na monoko na ye.»