¹ Cho Eliya ka Tishimbite, wa kutunda ku Tishimbe mu Ngileyandi, wendekele kuli Ahab ngwendi, " Ngwe Yehoba, ou Njambi wa Isalela omu ayoya, oku njinemana, kukukala mbundu nambe nyonthzi mu myaka ei kubanga njendeke ngocho." ² Lijwi lya Yehoba lyethzile kuli Eliya, ngwalyo, ³ "Tunda kuno uye kumutambela waku mbwela; ukabande kuje kukandonga ka Kelithi, ku mbwela ya Yondani. ⁴ Chikashokoloka ngwe ukanwa mu kandonga kaje, cho njina kambeya tuthzila makololo kukulithila kuje" ⁵ Cho Eliya waile na kulinga omu bamukambeyeye lijwi. Waile nakuyoyela ku kandonga ka Kelithi, ku mbwela ya Yondani. ⁶ Makololo bamunenelele makende na thitu ku mutondo na mangwethzi, cho anwine kutunda mu kandonga. ⁷ Oloni hanima yakwita matangwa kaje kandonga ⁸ Lijwi lya Yehoba lyethzile kuli ikeye, ngwalyo, ⁹ "Katuka, ya ku Zelefathi, eli lyakele lyabaka Sindoni, ukayoyele kuje. Kenga, njina kambeya mfwile mangana akakulithe kuje." ¹⁰ Cho wakatukile nakuya ku Zelefathi, cho omu wetele ku chikolo cha ngnda kwakele mfwile akele nakuchaba bitale. Cho wamuthanene na kwendeka ngendi, "Njalombo kunjinenelako mema amandondo mu njaba mangana njinwe." ¹¹ Hathimbu akele nakuya nakwambata mema wamuthanene, nakwendeka ngwendi," Njalombo unjineneleko bathzubwila ya likende mu maboko obe." ¹² Wakumbulwile ngwendi, "Ngwe omu Yehoba Njambi yobe ayoya, Kanjethiho na likende limo, oloni tubunga twa muliboko tuli mu njaba na tumathzi twatundondo mu nganja. Tala, njinakubungiya tubitale tubali mangana munange wa munalume, mangana twathe kulya, na kuthsa. ¹³ Eliya wendekele kuli ikeye ngwendi, "Kethi uthzube lyoba. Ya ukalinge ngwe omu unendeka, oloni bangela kunji mungila likende lyalindondo nakulinena hanja kuli yange. Cho hanima munga lyobe na munobe. ¹⁴ Mwafwa Yehoba, Njambi wa Isalela, ngwendi, Njaba ya bunga kuikala yamupolongwa, nameme nganja ya mathzi kuyechela kukeluka, kweta kulitangwa eli Yehoba akatuma nyonthzi ha kaye." ¹⁵ Cho walingile ngwe omu Eliya wamulekele. Ikeye na Eliya, hamo na njubo yendi, baile ha matangwa amangi. ¹⁶ Ije Njabu ya bunga kuyahwile, nameme nganja ya mathzi kwechela kukeluka, ngwe mujebene lijwi lya Yehoba lyendekele, ngwe omu ba lyendekele kuli Eliya. ¹⁷ Hanima ya byumebi uje muna uje munakathzi ibenya njabu, wabinjile. Mishongo yendi yamene manene kunenetha kwilika kuthala na mwonyo muli ikeye. ¹⁸ Cho ina wendekele kuli Eliya ngwendi, " Bikajo uli nabyo hali yange, munu wa Njambi? Nkuma unaija kuli yange na kunjanukitha habubi bwange na kuthsiya munange? ¹⁹ Cho Eliya wamukumbulwile ngwendi, "Njane munobe." Wambatele uje mwana wamundondo kutunda mumaboko endi nakuya nendi helu mu chibatulo omu akele nakutumbama, cho walangekele uje mwana ha mwela wendi. ²⁰ Walilile kuli Yehoba na kwendeka ngwendi, "Yehoba Njambi yange, nkuma unanene lalo bukalu hali ou mwfile ou njinakukala nendi, kwitila mu kuthsiya munendi wa munalume?" ²¹ Cho Eliya walyolwelele katatu hali uje mwana; walilile kuli Yehoba nakwendeka ngwendi, "Yehoba Njambi yange, njakulambelela, Njalombo echela mwonyo wou mwana wiluke muli ikeye" ²² Yehoba wathzibililile ku lijwi lya Eliya; mwonyo wauje mwana welukilemo, cho wendukile ²³ Eliya wambatele uje mwana nakumutuhula mu chibatulo chendi kuthikumuka mu njubo; wanene uje mwanike kuli ina na kwendeka, "Tala, munobe ali na mwonyo" ²⁴ Uje munakathzi wendekele kuli Elisha ngwendi, "Ahoni njinathibuka ngwange umunu wa Njambi, cho lalo ngwange lijwi lya Yehoba lili mu kanwa kobe lya buthunga.