¹ Bethzile kuthambwa ya lishali, mufuti lya Ngalasa. ² Omo Yesu wakele nakundunda mu bwato, hajebene kwethzile munalume watundile ku bihilo na muthzithzime waubi. ³ Uje munalume wakele na kukala ku bihilo. kukwakele na umo wakumubyanetha lalo, nambe lilenge. ⁴ Bithimbu byabingi bamukutile tukunju na malenge. Wabatwile malenge na tukunju watunyongethele. Naumo akele nathzili ya kumuhyana wahi. ⁵ Buthsiki na mutanya mu bihilo na minkinda, walilile naku tambekela nakulitetanga mamanya akubambuka. ⁶ Omo wamwene Yesu haloko, washatukile na kuthikama hathi kuli ikeye. ⁷ Wlilile na liju lyakukanyama. "Bika ushaka yange kulinga nobe, Yesu muna Njambi wakama manene? Njakulabelela yoube kuli Njambi babenya, kethi unjiyandethe." ⁸ Mwafwa wakele na kwendeka kuli ikeye ngwendi, "Tunda mumunalume ou, obe muthzithzime wawubi." ⁹ Wamwihwile, "Lithzi lyobe yobe iya?" Wamukumbulwile ngwendi, "Lithzi lyange yange mbunga, mwafwa tubabengi." ¹⁰ Wamulambelelele manene nakutwlelelaho ngwe kethi abatundithe muli uje munalume. ¹¹ Cho kwakele butanga bwakama bwabingulu bakele nakulya kumukulo wa malundu, ¹² bamulambelele ngwabo, "Tutumeni tu kakobele mu bi ngulu, tutabetheni kukobela muli bakebo." ¹³ Mukemo waitabethele; mithzithzime yayibi yatundile nakubela mubingulu, na kuthzambwila kumungulunga wa lnlundu nakubela mu lishali, batanga bwakweta ku makulukathzi abali abingulu anyongelele mu lishali. ¹⁴ Cho baje bakele na kulitha bingulu batewele na kukambulula bije byalingikile munganda na kuthambwa ya lifuta, na banu baile nakumona byalingiwile. ¹⁵ Cho bethzile kuli Yesu bamwene munalume wa mamba, uje nene bayandethele ku mamba, natumama, nathzala mubukangule; cho bethzile lyoba. ¹⁶ Baje bamwene bije byasholokele kuli uje munalume wa mamba babalumbunwine mukushula, chonawa babalekele bya bingulu. ¹⁷ Cho baputukile kulambelela ngwabo atunde mu lifuti lyabo. ¹⁸ Omo akele na kutunda mubwato, uje munalume akele na mamba amulambelele ngwe akakale nemdi. ¹⁹ Oloni Yesu kamutabethele, wendekele ngwendi, "Ya kunjubo yobe na ka banu bobe ukabaleke bina kulingila Shukulu, nomu nakusholwela ngothzi." ²⁰ Cho waile na kuputuka kwambulula mu binganda likumi byuma byakama Yesu wamulingilile, na banu boshe bakomokele. ²¹ Omo Yesu wajabukile lalo hathambwa mubwato, mbunga yakam yakungulukile nakumu thzengeleka, omu akele kungenge ya lishali. ²² Cho kwethzile umo wantwama bamu Sinangonge walithzina lya Jailosi ethzilw, cho mwa mumwene, awililile kumendi endi. ²³ Wamulambelele lalo na lalo ngwendi "Munange wamundondo wamunakathzi ali muyehi na kuthsa. Njakulombo, ija ukambeke maboko obe hali ikeye enduka na kuyoya." ²⁴ Cho waile nendi na mbunga yakama yamukabangeyele na kumu shwena nakumuthzengeleka. ²⁵ Chonawa kwakele mukathzi uje akele nakwita maninga hamyaka likumi na ibali. ²⁶ Weyandele manene muba ndotolo nakupangetha byoshe akele nabyo, mungila ya kutonda kulikangula oloni mushongo wakolele. ²⁷ Omo wathzibile mithzimbu ya Yesu, ethzile munima yendi mu mbunga nakukwata kumukanjo. ²⁸ Cho wendekele ngwendi, "Ngwe njikwata lika ku buthzalo bwendi, Njikanguka." ²⁹ Omo wamukwatele, maninga echele kwita, wthzibile mubila wendo una likangula kubukalu. ³⁰ Oho bene Yesu wathzibile bithsili bya kokewa mu mubila wendi. Watengulukile kumbunga na kwendeka ngwendi, "Iya nanjikwatele ku buthzalo bwange?" ³¹ Bandongethi bendi ba mukumbulwile, "wamono eyi mbunga yakuthzenguluka, bati wihula nakukwatele?" ³² Oloni Yesu watengulukile amone iya wachilingile. ³³ Uje munakathzi, hathzibuka byalingika kuli ikeye, wathzile lyoba na kujaja. Wethzile na kuwa hathi na kwambulula buthsunga bwoshe. ³⁴ Wendekele kuli ikeye, " Munange, lukulahelo lwobe lwakuyoyetha. Ya mukuhunda ukalikangule kubukalu bwobe." ³⁵ Omo wakele nakwendeka, bamo banu bethzile kutunda kuli batwama ba Sinangonga, mu kwendeka ngwabo, " Munobe nathsi. Bika upakethzela mulongethi lalo?" ³⁶ Omu Yesu wathzile uno muthzimbuko uno muthzimbu bakele nakwendeka, wendekele kuli ntwama wa Sinangonga ngwendi, "Keti uthzibe lyoba. Kulahela lika." ³⁷ Katabethele nambe umo kuya nendi kubanga lika Petulu, Yakomba na Yowano, ndolome wa Yakomba. ³⁸ Bethzile ku njubo ya ntwama wa Sinangonga kuje banu bakele na kunena miyoyo manene; bakele na kuthikwothzoka na kulila na kutambakana manene. ³⁹ Omu wakobelele mu njubo, endekele kuli bakebo, bika mwalubala na kuthikwothzoka?. Ou mwana kathsile nalala. ⁴⁰ Bamu jolele. Oloni wa batuhwile hanja boshe na kwambata ishe ya mwana na ina na boshe bakele nendi, nakuya kuje kwakele mwana. ⁴¹ Wambatele liboko lya mwana na kwendeka ngwendi, "Talitha Koumo!" Kulumbununa, "Mwanika wa munakathzi wa mundondo. Njendeka kuli yobe, induka." ⁴² Haje bene mwana wendukile na kwenda (mwafwa akele na myaka likumi na ibali). Haje bene lalo balikomokelele na kulihayamena. ⁴³ Waba lekele mukukanyama ngwendi kethi kukale umo napande ku thzibuka echi. Cho wabalekela kumwanako bimo alye.