¹ Chojo Yesu,akulinga wa shulilemoni na muthzinthzime wa kuthzila,welukile kufuma ku Ndonga ya Yondau cho na muthzinsthzime wa mu twamenene mu mumbo, ² mujoni liabolo wa mwethekele ha matangwa makumi awana. Cho kalileho nameme chimo mu matangwa oshe aje,ngechioni ku mamanenethelo wa thzibile njala. ³ Chojo n liabolo wendekele kuli ikeye ngwendi, " Umona ngwe chili bene u Muna Njambi,cho shika eli limanya manganoni li tenguluke bilya." ⁴ Olojo Yesu wa mu kumbulwile ngachije ngwendi, "Bachithoneka ngwabo, 'Munu katha kuyoya na bilya lika embwe."' ⁵ Cho na lyabolo wa twamenene Yesu helu na kumu taletha bumwene bwoshe bwa muno mu kaye mu Kapyapyaka thimbu. ⁶ Chojo na lyabolo wendekele kuli ikye ngwendi, "Nji kwana ndthzili yoshe ba byna kuli yange,cho nange njinatha ku byna kuli yange, cho nange njintha ku byna kuli uje woshe nji thzanga. ⁷ Chonini ebi byoshe bipwoni byobe,ngwe umononi ubulyma athi na kunjilemetha." ⁸ Olonini Yesu wa kumbulwile na kwendeka kuli ikeye ngwendi, 'Bachithoneka ngwabo,'ukalemetha Shukulu Njambi yobe,cholalo ikeye lika iuka pangela." ⁹ Cho lyabolo wa twamenenene Yesu ku Yelusalema na kuka mulondeka a mushongwa wa tembele,cho wendekele kuli ikeye ngwendi, "Umona ngwe chili bene u Muna Njambi,cho lyethekele yobe babenya kufuma hano. ¹⁰ Mwafwa bachithoneka ngachije ngwabo, 'Aka shika tungelo twendi a mulonga wobe,chojo bakaku kabwila,' ¹¹ Cholalo ngwabo, 'Bakaku kabwila mu maboko abo,ngechi uka jeneka ku tanuka lindi lyobe a limanya. ¹² Olonini a kumu kumbulula,Yesu wendekele kuli ikye ngwendi,"Bachendeka ngwabo, 'Kethi wetheka Shukulu Kalunga kobe embwe." ¹³ Olonini mwa lingile na manethaku mwetheka Yesu,cho liabolo wachi mu thethzele tahi kutata lalo thimbu ikwabo. ¹⁴ Chojo na Yesu welukiloni ku Ngalileya na binthzili bya munthzithzime,cho na muthzimbu wendi wailw puho ku mitambela yoshe yoshe ya lije lifuti. ¹⁵ Chojo nendi wa shangumukile kwambulula mu Masinangonga abo cho na banu boshe bakele na ku mu shangathzala. ¹⁶ Cho wethzile lu Nazaleta,kuje kubakele na kumulelela,chojo,ngwe omwoni chakele chithemwa chendi,wakobelele mu Sinangonga ha litangwa sapalalochojo wemanene na kutunda mu kutambekela. ¹⁷ Chojo na libulu lya kuthzenga lya kapolofita Isaya ba lyanene kuli ikeye. Cho nendi wa thzengumwine lije ibulu kuthzenga na kuwana aje bathonekele ngwabo, ¹⁸ "Mundthzindthzime wa Shukulu uli a liyange,mwafwa na njibwabetha ngechi njambulula bing'anda bya bibwa ku tuhutu. Nanji tumukwija na kwambulula ku patuka kuli baje bana fungulula na kwana lalo kumona ku tupuputwa,nakupatula baje bali na kunjayandetha, ¹⁹ na kwambulula mwaka wa ngothzi ya Shukulu." ²⁰ Cho wathzengele lalo lije libulu lya kuthzenga,cho watumbamene hathi. Chojo na mesho a baje boshe bakeloni muje mu Sinangonga atalele shwii hali ikeye. ²¹ Cho nendi waputukile kwendeka kuli bakebo ngwendi, "Lelolino awa mathona ana li shulithila mu matwi eni boshe." ²² Cho banu boshe bakele kuje bendekele bya bibwa hali ikeye na kuli komokela lalo ku majwi a ngothzi ajoni wakele na kufuma mu kanwa kendi,chojo behwile ngwabo, "Kumani ou kethi muna Yosefa tahindi?" ²³ Chojo wendekele kuli bakebo ngwendi, "Chili bene mukendeka kuli yange echi chithimo cha kulinga ngwabo, 'Ndotolo,likangwithe yobe babenya, Na byoshoni bije tuna thzibile ngwabo una lingile mu Kapenauma,bilingyoni na munganda ya mwombo lyobe."' ²⁴ Oloni wendekele kuli bakebo ngwendi, Chili bene njimileka ngwange,na umo wahi kapolofita uje iba tambula mwimbo lyendi. ²⁵ Olojo mu buthunga njimileka ngwange mubakele bafwile babengi mu lifuti lya Isalela a thimbu ya Elinja,ajoni lilu balishokele ha myaka itatu na bingonde bitanu naimo chojo na njala ya kama manene yethziloni muje mu lifuti. ²⁶ Olojo Elinja kubamu tumine kuli nambe umo wa baje,kubanga ku Zelepasi mu lifutu lya Sindoni,kuli uje fwile ya kele kuje. ²⁷ Cholalo kwa kele baka mbumba babengi mu Isalela a thimbu ya kapolofita Elisha,olojo nameme umo wabo iba kangangwile wahi kunanga Namani uje wku Silya likalyendi lika." ²⁸ Chojo banu boshe baje bakele muje mu Sinangonga ba lubalele manene akuthziba bing'anda ebi. ²⁹ Cho boshe bemanene,cho bamu kitukilile na kumukokokela kunja ya nganda,na kumutwala helu lya munkinda uje batungilile ije nganda yabo,ngwabo mangana baka mumbiloni mu chimbongo. ³⁰ Olonini ikeye wa shilothzokele mukati kabo na kuliila kumwela weka. ³¹ Cho kathinoni waile lalo ku Kapelanauma ije nganda yakele mu Ngalileya,chojo wa shanguukile kuba longetha a liatngwa lya Sapalalo. ³² Chojo na banu balikomokelel ha bilongetha byendi,mwafwa wakele na kwendeka na mooko. ³³ Chojo mujoni mu Sinangonga mwakele lalo na munalume uje wakele na muthzithzime wa lymba lya kujwala.cho watambekelele na lijwi lya helu ngwendi, ³⁴ "Naana! Bikajo uthetela kulinga kuli yetu yobe, Yesu wa ku Nazaleta? Indi unaija honi na kutu nyongetha tahi? Njakuthzubuka yobe - wa kuthzila wa Njambi!" ³⁵ Olojo Yesu wakandele uje lyamba,na kwendeka kuli ikeye ngwendi, "Kethi wendeke! Tunda muli muli ou munu!" Cho nauje lyamba wamumbilile hathi uje munalume mukati kabanu boshe,chojo watundile kuli uje munu,aku jeneka ku mu bulumna mungila imo manene ikwabo. ³⁶ Chojo na banu boshe balikomokelele,cho boshoni bakele na kwendeka ali echi kuli umo na mukwabo, Cho bendekeloli ngwabo, "Majowni muka awa? Akulinga natha ku shika mindthzindthzime ya kujwala na moko na binthzili chojo na bakebo banonoka na kutuhuka." ³⁷ Chojo na muthzimbu wendi wa putukile kuya mpuho mu bimbango bya uje mwela woshe. ³⁸ Cho Yesu wafumine mu Sinangonga na kuya na kukobela munjubo ya Simoni. Chojo bainamweno ya Simoni bakele na kubabala lithikathika,cho bamulombele bukwathi. ³⁹ Cho nendi wa kulamenene hali ikeye na likelyo lya mufumine. Cho aje bene nendi wa katukile na ku putuka kuba pangela. ⁴⁰ Omwoni lithathe lya kele na ku lauka,banu banene boshoni baje bakele na ku babala mishongo ya kulithethzathethza kuli Yesu. Chojo nendi wa kambekele maboko endi ali umo na mukwabo wabo nakubakangwitha. ⁴¹ Chojo na mamba na bakebo bakele na kutunda mu babethzi babengi,oku bali na kutambekela ngwabo, "Yobe Muna Njambi." Olonini Yesu watenukilile baje mamba cho kaba tabethele kwendeka,mwafwa ba muthzubukile ngwabo ikeye Kilisitu. ⁴² Chojo omwni lyakile.cho waile ku mwela uje wa shondolokele ku banu. Olonini mayongomena a banu akele na kumuthetela chojo ethzile kuje kwa kele. Cho bethekele ku mubindika ngwabo kethi a bathethze lalo bakebo na kuya kweka. ⁴³ Oloni ikeye wendekele kui bakeboi ngwendi, "Njapande kwambulula muthzimbu wa ubwa wa bumwene bwa Njambi ku binganda bikwabo bya bingi,mwafwa echi chikechoni chije banji tumina hano." ⁴⁴ Chojo wa twaleleleho na kwambulula muje mu Masinangonga a mu Njundeya yoshe.