¹ Cho chasholokele omwo banu bakele na kukunguluka kuli Yesu batolilile lijwi lya Njambi,omwo wemanene kuchikulo cha lishali lya Ngenesaleta. ² Cho wamwene mato abali banatutika ku ngenge ya lishali. Baka kujebela bithi bawathzethele baile na kukusha manda abo. ³ Yesu wakobelele mubwato,buje bwapwile bwa Simoni,cho wsmulombele linga abututiki ha lako kubushondolwetha kununda. Cho watumbamene mu bwato na kulongetha banu. ⁴ Mwamanethele kwendeka ,wendekele kuli Simona, "Twala bwato ha mema a kuloba cho ute maanda obe." ⁵ Simona wakumbwile ngwendi, " Mwene,tunate buthsiki bwoshe nambe bitunakwata kwahi,olojo ha lijwi lyobe, cho njita manda." ⁶ Omwo balingile echi,cho bakwatele bithi babengi, namaanda abo akele nakutabuka. ⁷ Cho banyateyeye bakwabo baje bakele mubwato bukwabo linga beje na kubakwathako. Cho bethzile na kushulitha oshe maato,cho maato abo aputukile kubombela. ⁸ Oloni Simon Petulu,ou wachimwene echi,wathsikamene ku mabuli a Yesu,ngwendi, "Tunda kuli yange,mwafwa nji munu wakubulununa, Mwene." ⁹ Mwafwa wakomokele na boshe bakele nabo,cho bakwatele bithi baje baba mbatele. ¹⁰ Bapwile Yakamba na Yowano.bana ba Zembendiya,baje bapwile bakabipangi ba Simona. Yesu wendekele kuli Simona, " Kethi utewe, mwafwa kufuma thimbu ino cho ukakwata banu honi." ¹¹ Omwo banenele mato hanunda,cho bathethzele byishe na kumukabangeya. ¹² Chasholokele omwo wakele munganda imo,munalume wakele na mbumba wakele kuje bene. Omu wamwene Yesu wathsikamene cho wakele chihanga chendi hathi na kululomba, ngwendi,"Mwene,ngwe unashaka, nji jelethe." ¹³ Cho Yesu wolwele liboko wa mukwatele,wendekele ngwendi,'Njina shaka,kanguka." Haje bene mbumba yahwile. ¹⁴ Waukambeyeye kwilika kuleka oloni wamulekele ngwendi, "Ya ngila yobe,ukalisholole yobe babenya kulikutupilisitu ukane bwana bwa kukanguka kwobe,kwetheketha nomu amilekele Mosesa,chipwe chitanekeyotho kuli bakebo." ¹⁵ Oloni muthzimbu waikeye watundile nakutubakanetha,na mbunga yakama aya banu yethzile hamo na kutolilila mwa longethea na kubakangula kumabethzi abo. ¹⁶ Oloni kakengu washondolokele kuya mu myela ya bulika na kulombela. ¹⁷ Cho litangwa limo wakele na kuongetha,kwakele ba Faliseo na balingethi ba majwi amashiko kuje batundile mwoshe mubinganda bya ku Ngalileya na Yundeya na Yelusalema. Nthzili ya Shukulu yakele nendi ya kukangwitha. ¹⁸ Cho bandolome bamo bethzile banambata halinala munalume wakele na kalepa,cho bethekele kuwana ngila yako mukobeletha mukati mangana bamulangeke halutwe lwa Yesu. ¹⁹ Kubathele kuwana ngila ya kumunenelamo kuli ikeye mwafwa wa mbunga,cho baile hamushongwa wa njubo na kuthotha uje munalume hathi mu mateya,hali nala lyendi,makati ka mbunga,halutwe lwa Yesu. ²⁰ Hakumona likulahelo lyabo,Yesu wendekele kuli bakebo ngwendi, "Munalume,bubi bwobe bana buthambetha." ²¹ Cho baka kuthoneka na ba Faliseo bashangumukile kwihula echi,ngwabo,"Iyajo endeka nakushaula? Iyajo atha kuthambetha bubi kubanga Njambi likalyendi lika?" ²² Oloni Yesu,wathzibukile biyongola byabo,wendekele kuli baebo ngwendi, "Mwafwa bika mulina kulihwile ebi mu bimbunge byeni? ²³ Chika chuma chachathi kwendeka, 'Bubi bwobe banabuthambetha' indi kwendeka ngwange 'Katuka wende'? ²⁴ Oloni Mangana muthzibuke ngweni Muna Munu ali namoko hano hathi ya kukonekela bubi," wendekele kli munalume wakalepa - "Njikuleka ngwange,katuka,ambata linala lyobe uye kunjubo yobe." ²⁵ Haje bene wakatukile ha litwe lwabo wa mabtele linala lyalaleleho. Cho waile ku njubo yendi,naku shangathzala Njambi. ²⁶ Boshe balikomokelele na kushangathzala Njambi.Bathzibile lyoba,bendekele ngwabo, "Tunamono byuma bya kukomowetha lelo." ²⁷ Hanima yebi byuma byosholokle,Yesu watuhukile hanja kutunda haja wa mwene muka kutambula lithimu wa lithzina lya Levi natumbama kutende ya mukakatambul lithimu. Wendekele kuli ikeye ngwendi,Njkabe." ²⁸ Cho Levi wakatukile na kumukaba,wathethzele byoshe kunima. ²⁹ Cho Levi wabwahethelele Yesu kulya kwakama munjubo yendi.Kwakele babengi bakakutambula lithimu na banu bakwabo bathindamenene kumetha na kulya nabo. ³⁰ Oloni ba Faliseo na bakakuthoneka bakele na kuayayabala kuli bandongethi bendi ngwabo, "Mwafwa bikajp mulya na kunwa na bakakutambula lithimu na baka bubi?" ³¹ Yesu wabakumbulwile ngwendi, "Banu bakangule kubethi kuthetela chimbanda;kubanga baje bakakubinja. ³² Kunjethzilile baka buthunga,oloni baka bubi batengulike." ³³ Bendekele kuli ikeye ngwabo, "Bandongethi ba Yowano bakathzili kulya na kulomba. Bandongethi ba Faliseo bakalingi mumo. Oloni bangongethi bobe balai na kunwa." ³⁴ Yesu wendekele kuli bakebo ngwendi,kuma "Iyajo alinga chiwano cha bulo bangethzi bashombola kanda balije oku na shombolwa achili nabo? ³⁵ Oloni matngwa akaija omu shombolwa bakamutunditha kuli bakebo,cho mumatangwa awa bakathzili kulya." ³⁶ Cho Yesu lalo wabatelele chithimo. "Nambe umo wahi atabula chitopeko cha nanga ku kazaku kakaha na kuchitongela a kazaku ka laja. Nga alingamo.cho a tabula cho atabula chitopeko cha chiha,na chitompeko cha nanga ya kazaku kakaha kuchilitombola na nanga ya laja. ³⁷ Nambe umo wahi aka ninyu bibwaha mubinjeke bya bilambu bya laja. Ngwe alinga ngocho, Binyu bya biha bitaka,nabinjeke bya bilambu bilibihila. ³⁸ Oloni binyu bya biha binapandela kubilongela mubinjeke bya bilambu bya biha. ³⁹ Kukwethi umo hanima ya kunwa binyu bya laja ashaka bya biha,endeka ngwendi, 'byalaja bya bi bwa.