¹ Mu mwaka wa likumi na itanu wa chiyulo cha Timbelyese Sezale - ohoni Pontiyasi Pilato wapwile ngubulu wa mu Yundeya, Helonda wa pwile mwne mu Ngalileya,ndolome yendi Filipu wa pwile mwene mu Ngalileya,ndoleme yendi Filipu wapwile mwene mu lifuti lya Ituleya na Talakonita,cho lisaniya wapwile mwene wa mu Ambilene, ² athimbu ya bupulisita bwa helu bwa Anase na Kayafase - lijwi lya Njambi lyethzile kuli Yowano nuna Zakaliya wakele mu mambo. ³ Waile mu mutambela woshe uje wathzengulukile Yondau,kwambulula kumbwitika kwa kutenguluka mangana ba tambule kukonekela kwa bubi. ⁴ Ngwe omu bathonekele mu libulu lya Isaya kapolofita, "Lijwi lya uje ali na kutambeka mu mambo, 'Bwahetheni ngila ya Mwene,ololeni bingila byendi. ⁵ Binema byoshe baka bishulitha,cho na malundu oshe na minkinda baka binyekumuna,cho na bingila bya kupenga penga baka byolola,na aje ana kalabala baka tungaho bingila, ⁶ Cho banu boshe baka mona kwoboka kwa Njambi. ⁷ Cho,Yowano wendekele kuli bije bimbunga bya kele na kwija kuli ikeye mukuba mbwitika ngwendi, "Eni bana ba manyoka! Iyajo na minyanyametha kutewa buteni obu buli na kwija? ⁸ Choni,imeni bushuka butela kufwika kutenguluka ku bubi. Cho kethi mushangumuke kwendeka yeni babenya ngweni, "Tuli na Abilahama uje nemanenako natha kwindula wa mamanya kupwa bana ba Abilahama. ⁹ Nambe honi lyapwa ngimbu baibwahetha ya kubatwitha mithzi ya miti. Chojo chiti choshe chije ku chimi bushuka bwa bubwa baja chibatithzola naku kachumbila mutuya." ¹⁰ Mbunga ya twaleleleleho ku mwihula,ngwabo, "Bika honi tuna pande kulinga?" ¹¹ Wamukumbulwile kuli bakebo ngwendi, "Oshe munu ali na mikanjo ibali,napande kuli pangela na munu uje na jeneka,cho munu ali na byakulya alinge chifwa chimo." ¹² Bakakutambula lithimu nabo lalo bethzile mu kubambwitika,cho bendekele kuli ikeye ngwabo, "Mulongethi,bikajo twapandela kulinga?" ¹³ Wendekele kuli bakebo ngwendi, "Kethi mutambule bimbongo bya bingi kutubakana biba mikambeya kutambula." ¹⁴ Cho maswalale bamo lalo ba mwihwile,ngwabo, "Indi yetu honi? Bika tuna pande kulinga?" Wendekele ngwendi, "Kethi mukatambule bimbongo ku banu boshe mulipuku,cho kethi muka bangeye munu woshe bya makuli.Cho pweni bana banapwithamo ha bifweto byeni. ¹⁵ Choni omu banu bakele na chinyangabili cha k kengelela kwija kwa Kilisitu,boshe bakele na kulyothzola mu bimbunge bya hali,Yowano,amo ikeye napande kupwa Kilisitu. ¹⁶ Yowano wamukumbulwile na kwendeka kuli boshe ngwendi,"Ngechi mwange,nji mi mbwitika na mema,oloni munu umo ali na ndthzili manene kunjitubakana ali na kwija,cho nawa ku njatha nameme kuthzitula mikole ya bing'aku byendi. Aka mi mbwitika na mundthzindthzime wa kuthzila cho nawa na tuhya. ¹⁷ Shewa yendi ili muliboko ya kupepetha bwino lijungu na ku nangulwila tiliki muchishete. Oloni lije lijungu aka lyeneyeka na tuya tuje kuba katha kututhzima." ¹⁸ Mu bingila bya bingi ebi lalo,Yowano wakele naku longetha muthzimbu wa ubwa ku banu. ¹⁹ Omwo Helonde uje ngubulu ba mwendekele ha kushombola Helondiya munakathzi wa ndolome yendi,cho na bilinga bikwabo bya bibi bije bya lingile Helonde, ²⁰ wa bi kumbathanene byoshe hamo,cho Yowano ba mukwatele na ku mwaka mukamenga. ²¹ Cho chasholokele,omwo banu boshe baba mbwitikile, Yesu naikeye bamu mbwitikile,cho athimbu wakele na kulomba,melu a shokolokele, ²² cho mundthzindthzime wa kuthzila muchifwa cha katela wa shulikilile hali ikeye,na lijwi lya tundile mwilu na kwendeka ngwabo, "Yobe umunange, uje njathzema,uje njabwahelele muli ikeye." ²³ Omu Yesu shangumukile bolongethi bwendi, wakele na makumi atatu amyaka ya kuthemuka. Wapwile (nge omo banu bakele na ku muthinganyekela) ²⁴ uje muna Mattati,muna Levi,muna Meleki,uje muna Njanai,muna Yosefa. ²⁵ Yosefa wapwile muna Metatiyasi.muna Amosi,muna Nahumi,muna Eseli,muna Nangai, ²⁶ muna Maate, Mataliya,muna Semeine,muna Yoseke,muna Yonda. ²⁷ Yunda wapwile muna Yowanane,muna Lehesa,muna Zelumbambele,muna Shletiele,muna Neli, ²⁸ muna Meleki,muna andi,muna Kosamu,muna Elemandamu,muna Ela, ²⁹ muna Yoshuwa,muna Eliyazale.mun Njlimu,muna Matata,muna Levi. ³⁰ Levi wapwile muna Simona,muna Yunda,muna Yosefa,muna Njoname,muna Elyakime, ³¹ muna Meleya,muna Mena,muna Mataka,muna Natane,muna Ndabiti, ³² muna Njesi,muna Obende,muna Mbowasi,muna Salamoni,muna Nasone. ³³ Nasone wapwile muna Aminandabe,muna Andemine,muna Alama,muna Hazelone,muna Peleze,muna Yunda, ³⁴ muna Yakomba,muna Isaka,muna Abilahama,muna Tela,muna Nahole, ³⁵ muna Salunga,muna Leu,muna Pelenge,muna Embale,muna Sale. ³⁸ Sale wapwile muna Kainane,muna Alefakesande, muna Shemi,muna Nowa,muna Lameki, ³⁷ muna Matusale,muna Enoke,muna Yelende,muna Mahalele,muna Kainane. ³⁶ Muna Enose,muna Sete,muna Alama, muna Njambi.