¹ Kapolofita Elisha wathanene umo wa bana ba tupolofita wamwalume na kwendeka kuli ikeye ngwedi, "Libwahethe uye bangethzi, cho ambata ou mutumwa wamathzi wandondo uye ku Lamoti Ngileyandi. ² Omu weta, tonda Yehu muna Yehoshafati muna Nimishi mukati ka bakwabo, nakumutwala mu chibatulo chamu kati. ³ Cho wambate ou mutumwa wamathzi nakuwetila ha mutwe wendi nakwendeka ngwobe, 'Yehoba nendeka ngechi: "Njinakubwa betha kupwa mwene wa Isalela." Cho shokolola chikolo, nakutewa; kethi wishwale." ⁴ Cho iye mukwenje kapolofita wa mwanike, waile ku Lamoti Ngileyandi. ⁵ Omu etele, Kengeni, bakulunu baba ka nthzita batunamene. Cho uje kapolofita wa mwanike wendekele ngwendi, "Njinaija ha bungethzi bwa bwihi kuli yobe, mukulunu." Yehu wakumbulwile ngwendi, "Kuli umo uli muliyetu?" Uje kapolofita wa mwanike wamukumbulwile ngwendi, "Kuli yobe, mukulunu." ⁶ Cho Yehu wakatukile nakukobela mu njubo nauje kapolofita watilile mathzi ha muhtwe wendi nakwendeka kuli Yehu ngwendi, "Yehoba, Njambi wa Isalela, nendeka ngechi, njinakubwanetha kupwa mwene hali banu ba Yehoba, hali Isalela. ⁷ Wapande kuthsiya nanga ya Ahabu shukwanyoko mangana njathe kumwilwithila maninga a bingamba boshe ba Yehoba aba bathsiyile kuliboko lya Yezembele. ⁸ Mwafwa nanga yoshe ya Ahabu ikanyonga, cho njikabatulako kuli Ahabu mwana woshe wamunalume, apwe ndungo nambe wakuthzithika. ⁹ Njikalingitha njubo ya Ahabu kupwa ngwe njubo ya Yelomboamu muna Njembati cho ngwe njubo ya Mbasha muna Ahinja. ¹⁰ Tutali bakalya Yezembele mu Yezileo, cho kukukapu nambe umo akumu thsinda." Cho uje kapolofita washokolwele lipito nakutewa. ¹¹ Cho Yehu watahakile hanja kuli bingamba ba shukwaina, cho umo wendekele kuli ikeye ngwendi, " Bili bwino buma byoshe? Bika byanethzilile ou mukwetu wakuthzaluka kuli yobe?" Yehu wabakumbulwile ngwendi, " Munu ou mumutanekeya na byuma ebi akendeka mubithzibuka." ¹² Bendekele ngwabo, "Owo makuli.Tuleke." Yehu wakumbulwile ngwendi, "Nendekele ebi nabije kuli yange, nakwendeka lalo ngwendi, 'Ebi bikebyo nendeka Yehoba ngwendi: Njinakubwabetha kupwa mwene hali Isalela.'" ¹³ Cho umo na umo bwathibwathi wahulwile buthzalo bwahakamwa nakubwaka mwithi ya Yehu helu lya bindendelo. Bapembethzelele bi tolombita nakwendeka ngwabo, "Yehu mwene." ¹⁴ Mungilei Yehu muna Yehoshafati muna Nimishi wakwatele nthzita na Yolamu. Choni Yolamu wakele nakulinga Lamoti Njileyandi, ikeye aba Isalela boshe, hamulonga wa Hazale mwene waba Alame, ¹⁵ oloni mwene Yolamu welukile ku Yezileo nakumuthaka bimbandu ebi bamubulumwine baka Alame, omu alwile na Hazale mwene waba Alame. Yehu wendekele kuli bingamba ba Yolamu ngwendi, "Oshe echi chikecho kuthinganyeka chobe, cho kethi kukale umo wakutewa na kutunda mu nganda, hakulinga baye nakwambulula ou muthzimbu mu Yezileo." ¹⁶ Cho Yehu wendele mu likalu kuya ku Yezileo; mwafwa Yolamu wakele kuje nakuhwima. Choni Ahaziya mwene wa Yunda wathzile nakumona Yolamu. ¹⁷ Mukakunyunga wemanene ha kaposhi mu Yezileo, cho wamwene ije mbunga ya Yehu hathimbu bakale nakwija ha lyala; wendekele ngwendi, " Njinakumona mbunga ya banu inakwija." Yolamu ngwendi, "Ambateni muka kabalu, nakumutuma akaliwane nabo; mwihuleni ngweni, 'Munakwija mukwolokandi?'" ¹⁸ Cho munu bamutumine hanima ya kabalu nakuliwana nabo; wendekele ngwendi, " Mwene nendeka ngechi: 'Munakwija mukwolokandi?'" Cho Yehu wendekele ngwendi, "Ulinge bati na kwoloka? Tenguluka na kwendela kunima yange. " Cho mukakunyunga walekele mwene ngwendi, " Uje kanganda naliuana nabo, oloni kethi na kwiluka." ¹⁹ Cho watumine munu wamuchibali hanima ya kabalu, ou ethzile kuli bakebo nakwendeka ngwendi, " Mwene nendeka ngechi: ' Munakija mukwolokandi?'" Yehu akumbulwile ngwendi, "Mulinge nacho bika kwoloka? Tenguluka nakwendela kunima yange." ²⁰ Mukakunyunga wambulwile lalo, "Naliuana nabo, oloni kethi nakwiluka. Mwafwa mungila banakwendethelamo likalu ikeko ngila akendethelamo Yehu muna Nimishi; anakwendetha na bukenya." ²¹ Cho Yolamu wendekele ngwendi, "Bwahetheni lukalu lyange." Babwahethele likalu lyendi, cho Yolamu mwene wa Isalela na Ahaziya mwene wa Yunda balondeleho nakuya, munu ha munu mu likalu lyendi, nakuluwana na Yehu. Bamuwanene ku bikwata bya Namboti ka Yezilete. ²² Omu Yolamu wamwene Yehu, wendekele ngwendi, "Unakwija mu kwolokandi, Yehu?" Wakumbulwile ngwendi," Kwoloka muka kuliho, oho bilinga byabumponya bya bukwithzi na bulothzi bya nyoko Yezembele binatumu?" ²³ Cho Yolamu watengulwile likalu lyendi nakutewa nakwendeka kuli Ahaziya ngwendi, "Kuli kutubandelela, Ahaziya." ²⁴ Cho Yehu wakokele buta bwendi na nthzili yakushula nakwasha Yolamu mukati kabithsili byendi; mukili wapulyathanene mu mbunge yendi, cho wathzimininine mwithi ya likalu lyendi. ²⁵ Cho Yehu wendekele kuli Mbindika mukulunu wendi ngwendi, "Mwambateni naku mumbia mu lihya lya Namboti uje ka Yezilite. Ichithinganyekeni omu yobe nange twachovwele hamo kuli ishe Ahabu, Yehoba wakele obu bupolofita kutunda kuli ikeye. ²⁶ Hazau njinamwene maninga a Namboti na maninga a bana bendi - mwanendeka Yehoba - cho buthunga bene njikunenetha kubifwetela kuno kulihya - mwanendeka Yehoba. Choni, munoneni nakumumbila mulihya eli, kwetheka na lijwi lya Yehoba." ²⁷ Omu Ahaziya mwene wa Yunda wamwene echi, watewele kukanduka mukwakwa wakuya ku Mbeti Hangani. Oloni Yehu wamukabele, nakwendeka ngwendi," Muthsiyileni naikeye mu likalu, " cho bamwashelele kuje kukuthikumuka ku Ngale, echi chakala kuyehi na Imbileyamu. Ahaziya atewelele ku Mengindo nakuthsilako. ²⁸ Bingamba bendi bambatele mubila wendi mu likalu kuya ku Yelusalema nakumuthsinda mu mbumbo yendi hamo nabaishe mu nganda ya Ndabiti ²⁹ Cho chakele mu mwaka wabu likumi naumo wa Yolamu muna Ahabu omu Ahaziya ashangumukile kuyula hali ba Yunda. ³⁰ Omu Yehu wethzile ku Yezileo, Yezembele wachithzibile, cho wakwitile bulombo ha mesho endi, wabwahethee bingambu byendi, nakukenga banja mu njanena. ³¹ Hathimbu wakele nakukobela Yehu ha chikolo, wendekele kuli ikeye ngwendi, "Uli nakwija mu kwoloka ndi, obe Zimuli, mukakuthsiyanga wa shukwanyoko?" ³² Yehu wakengele helu mu njanema nakwendeka ngwendi, " Iya ali kuliyange? Iya?" Cho bambanda babali nambe batatu bamushumbilile hanja. ³³ Cho Yehu wendekele ngwendi, "Mumbileni hathi." Cho bamumbilil Yezembee hathi, na maninga endi amo athapukile ha mbango naha tubalu, na Yehu wamulyatangelele na myanja yendi. ³⁴ Omu akobelele Yehu munganda, walile na kunwa. Cho wendekele ngwendi, " Kengoni kuchithingo echi munakathzi na kumuthsinda, mwafwa muna mwene wamunakathzi." ³⁵ Baile nakumuthsinda, oloni kubawaneneho chilyo chendi kubanga chikola, myanja, na bikwatetho bya maboko endi. ³⁶ Cho belukile nakuleka Yehu. Wendekele ngwendi, "Eli likelyo lijwi lya Yehoba eli wendekele kwitila muli ngamba yendi Eliya uje ka Tishumbite, ngwendi, 'Mulifuti lya Yezileo tutali bakalya mishuni ya Yezembele, ³⁷ cho mubila wa Yezembelo ukapwa ngwe bwilo ku mabu a mahya mulifuti ku Yezileo, mangana kethi kukapwe umo akatha kwendeka ngwendi, " Ou ikeye Yezembele.""'