¹ Choni hathimbu ei Ahabu wakele na chithemunwina chakweta makumi atanu na abali mu Samaliya.Yehu wathonene mikanda nakuituma ku Samaliya, kuli baka kuyula a Tezileo, kwakelako bakuluna nabaka kulela ba chithenunwina cha Ahabu, ngwendi, " ² Chithemunwina cha shukwanyo ko chili neni, cho muli lalo na makalu na tubalu na nganda banaka chipatanga na bikubo bya nthzita. Choni, omu bene ou mukanda wuja kuli yeni, ³ shakuleni mu chithemunwina cha shukulu yeni munuwamubwa wakutela nakumwaka ha litanda lya ishe, nakuilwitha kulema cha ndonda ya shukulu yeni." ⁴ Oloni balijakamenene nakukwendeka mukati kabo babenya ngwabo, " Kengeni baye bimyene babali bonowele kwimana kuli Yehu. Cho twatha bati kwimana?" ⁵ Cho uje munalume ou wakele na kutala bumwene bwa mwene, na munalume ou watalele ha nganda, na bakulunu lalo, nabaje ba kolethele banike, belwithile lijwi kuli Yehu, ngwabo," Tubingamba bobe. Tukalinga byoshe obyo ukatukambeya kulinga. Kutupwitha uli woshe kupwa mwene. Linga echi chachibwa mu mesho obe." ⁶ Cho Yehu wathonekele mukanda wa muchibali kuli bakebo, ngwendi, " Oshe muli kuthambwela lyange, cho oshe mukathzibilila ku lijwi lyange, mwapande kubatula mitwe ya chithemunwina cha shukulu yeni, nakwija kuli yange ku Yezileo imene hathimbu ino bene." Cho chithemunwina cha mwene, makumi atanu na abali mukutuma, bakele hamo na banalume banganda bakulema, aba bakele nakubakoletha. ⁷ Cho omu mukande wethzile kuli bakebo, bambtele bana babanalume ba mwene nakubathsiya, banu ba kweta makumi atanu na aabali, kwaka mitwe yabo mubingalo, nakuituma kuli Yehu ku Yezileo. ⁸ Kanganda wethzile kuli Yehu, ngwendi," Bananehe mitwe ya bana ba mwene." Cho wendekele ngwendi, " Yakeni mu milumba ibali kuje kwakukobelela kwa chikolo kweta ku chimene." ⁹ Ku chimene Yehu watuhukile na kwimana, nakwendeka kuli banu boshe ngwendi," Kumwethu namulonga kengeni; Njalwile na shukulu wange nakumuthsiya, oloni iya nathsiyile boshe aba? ¹⁰ Aha mwapande kuthzibuka ngwe kukwethi mbathzubwila ya lijwi lya Yehoba, lijwi eli endekele kuletha na naanga ya Ahabu, ikawila hathi, mwatwa Yehoba malingi, echi endekeleho kwitila muli ngamba yendi Eliya." ¹¹ Cho Yehu wathasïyile boshe aba bathaleleho mu naangu ya Ahabu ku Yezileo, na boshe tupilishitu bendi, kweta nomu noumo wahi wathaleleho. ¹² Cho Yehu wakatukile nakuya; waiye ku Samaliya. Hthimbu akele nakweeta ku Mbeti Ekendi ya tunyungi, ¹³ waliwanene nabandolome ba Ahaziya mwene wa Yunda. Yehu wandekele kuli bakebo ngwendi, Yeni beya? " Bamukumbulwile ngwabo, Tubandolome ba Ahaziya, cho tunakuthikumuka nakumeneka bana ba mwene na bana ba lishano Yezembele." ¹⁴ Yehu wendekele kuli banu bendi ngwendi, " Bambateni na mwonyo." Cho babambatele na mwonyo nakubathsiyila halithima lya Mbeti Ekendi; boshe banalume makumi awana nababali kathethzeleho nambe umo na mwonyo. embwe. ¹⁵ Omu atundileko Yehu, waliwanene na Yehonandabu muna Lekabu ba nakwija nakuliwana nenali: Yehu wamanekele nakwendeka kuli ikeye ngwendi, "Bati mbunge yobe ili nange ngwe omu mbunge yange ili na yobe nali?" Yehonandabu wakumbulwile ngwendi, "Ili nobe." Yehu wendekele ngwendi, "Oshe ali nange, njane liboko lyobe." Cho wanene liboko lyendi kuli Yehu, na Yehu wajundwile Yehonandabu helu hamo mu likalu. ¹⁶ Yehu wendekele ngwendi, "Ija nange umone chipepa change cha Yehoba." Cho wakele na Yehonandabu kwendela hamo nendi mu likalu lyendi: ¹⁷ Omu bethzile ku Samaliya, Yehu wathsiyile boshe baje bathaleleho kutunda ku chithemunwina cha Ahabu mu Samaliya, kweta nomu wanyongethele kuthemuka cha thabu mukulyononokela, ngwe mu bene baamulekele laja kuli lijwi lya Yehova, eli wendekele kuli Eliya. ¹⁸ Cho Yehu wakungulwile banu boshe hamo nakwandeka kuli bakebo ngwe nali; "Ahabu wapangelele Mbale kabundondo , oloni Yehu amupangela manene. ¹⁹ Cho ngachijeoni njithaneneni thupolofit boshe ba Mbale, boshe baje bamulethele, na tupilisitu benali boshe. Kethi mwechele umo athaleho, matwa njili na mulambu wakama wakulambula kuli Mbale. Woshe owo kaija kapu na mukubakwatha, na bithinganyeka bya kuthsiya baka kulemetha Mbale. ²⁰ Yehu wandekele ngwendi, Akeni thimbu yakukala na kukunguluka cha Mbale." Cho baitambakanene. ²¹ Cho Yehu watumine mwoshe boshe ba Isalela na boshe bakakulemetha Mbale baije, mangana ngwabo kethukukale munalume wakuthalaho kwija Bethzile mu tembele ya Mbale,cho yashulite kutunda kushongo imo kweza ikwabo. ²² Yehu wendekele kuli uje munalume wanyungile chitumbikilo cha kapilisitu ngwendi, "Tuhula mikanjo ya boshe bakalemetha Mbale." Cho uje munalume wanenele mikanjo kuli bakebo. ²³ Cho Yehu waile hamo na Yehonandabu muna Lekebu munjubo ya Mbale, cho wendekele kuli baka kulemetha Mbale ngwendi, "Theelenimo nakumona ngwe bathungu bene kumwethi muno neni wakutunda kubingamba ba Yehoba, oloni bakakulemetha Mbale lika." ²⁴ Cho baile mukwana milambu na bwana bwa kulimba. Aha Yehu wangwile banalume batanu naba tatu aba be manene hanja, cho wabalekele ngwendi, "Oshe umo wa banalume aba njinena mumaboko eni atewa, woshe owo echela owo munu katewa, mwonyo wendi ba wambata hamulonga waije natewe." ²⁵ Choni omu bene wamanethele Yehu kwana bwana bwakulumba, wendekele kuli kapitau nakuli ba kulunu ngwendi, "Kobeleni mubathsiye. Kethi kupwe umo atuhuka hanja." Cho babathsiyile nabubela bwa mukwale, na kapitau na ba kulunu ba bombilile hanja nakuya muchibatulo chamukati ka njubo ya Mbale. ²⁶ Bakokelemo bingunthzi byamamanya bije byakele munjubo ya Mbale, cho babyenyekele. ²⁷ Cho babujwile binguthzi bya Mbale, nakunyongetha ije njubo ya Mbale nakuipwitha chimbushu, echi nakulelo chichili. ²⁸ Omwo mukeko anyongethele Yehu bakakulemetha Mbale kutunda kuli ba Isalela. ²⁹ Oloni Yehu kathethzele bubi wa Yelomboamu munu Nembati, kwitila mubukebo walingithile Isalela kubulumuna - mukulinga ngwe, kulemetha cha ngombe wa ngolinde my Mbetelena Ndani: ³⁰ Cho Yehoba wendekele kuli Yehu ngwendi, " Wamuloga wakulinga mwamubwa mukwetetha echi chinapwile chakuthingama mu mesho ange, chi unalingi kunjubo ya Ahabu kwetheka nebi byakee mu mbunge yange, chithemunwina chobe chhi katumbama ha litanda lya Isalela kweta ku chikota chamuchiwana." ³¹ Oloni Yehu kakeleko mbunge ya kwenda mu mashiko a Yehoba, Njambi wa Isalela, na mbunge yendi yoshe. Katengulukile kutunda ku bubi bwa Yelomboamu, obu alingithile Isalela kubulumuna. ³² Munatangwa aje Yehoba waputukile kubatulako bimbathzubwila kutunda ku Isalela, cho Hazale wahyanene ba Isalela ku nginga ya Isalela. ³³ Kutunda ku Yondau kuya ku mbwela, lifuti lyoshe lya Ngileyandi, Ngandite, naba Lubenite, naba Manasite, kutunda ku Aloya, ei yakala ku mingulunga yaba Amoni, kwita mu Ngileyandi kweta mu Mbashani. ³⁴ Kwetheka na mithzimbu ikwabo ya hali Yehu, nabije byoshe walingile, na nthzili yendi yoshe, nkuma kubabithonene mumukanda wa bilika bya bimyene ba Isalela ndi? ³⁵ Yehu walalele nabakulu benali, cho bamuthsinalile mu Samaliya. Cho munenali Yehohazi wapwile mwene mu mwela wendi. ³⁶ Thimbu ije wayulile Yehu hali ba Isalela mu Samaliya yakele myaka makumi abali naitanu na itatu.