¹ Mu mwaka wabu likumi naitanu na ibali ya Peka muna Lemaliya, Ahazi muna Yotamu mwene wa Yunda, washangumukile kuyula. ² Ahazi wakele na myaka makumi abali mukukola thimbu washangumukile kuyula, cho wayulile myaka likumi naitanu naumo mu Yelusalema. Kalingile echi chakele chachibwa mu mesho a Yehoba Njambi yendi; ngwe omu alingile mukulu wendi Ndabiti. ³ Olojo, wendekele mubingila bya bimyene ba Isalela; mukemo bene, wanenethele munendi kwita mu tuhya, kukabangeya bilinga bya kujeneka kufwila bya lifuti, ebi watundithilemo Yehoba kumesho a banu ba Isalela. ⁴ Walambwile milambu nakulumba isense mu myela ya helu, helu lya malundu, na mwithi ya miti yoshe. ⁵ Cho Lezini , mwene wa Alame na Peka muna Lemaliya, mwene wa Isalela, wethzile nakweta ku Yelusalema na kulwa. Bathzengulukile Ahazi, oloni kubathele ⁶ kumuhyana. Hathimbu oyo, Lezini mwene wa Alame watambwile Elati kupwa ya Alame nakutuhula banu baba Yunda kutunda mu Elati. Cho baka Alame bethzile mu Elati omu banayoyela kweta ku lelo. ⁷ Cho Ahazi watumine tunganda kuli Tingilati - Pilezale mwene wa Asilia, ngwendi, "Yange nji ngamba yobe cho njimunobe. Ija unjilwile kutunda kuliboko lya mwene wa Alame na kuliboko lya mwene wa Isalela, aba bananjilukuka." ⁸ Cho ahazi wambatele siliva na ngolinde ije awanene mu njubo ya Yehoba na hakati kabufuko bwa mu nganda ya mwene cho wabitumine kupwa bwana kuli mwene wa Asiku. ⁹ Cho mwene wa Asilia wamutolilile, cho uje mwene wa Asilia waile na kulwitha Ndamasiku, bamo kupwa binthzinda ba Kale. Wathsiyile lalo Lezini mwene wa Alame. ¹⁰ Mwene Ahazi waile ku Ndamasiku nakuliwana na Tingilati - Pilezale mwene wa Asilia. Ku Ndamasiku wawanene mutula. Watumine chifwa cha mutula nomu bautumine kuli kapilisitu Uliya na kusholoka cha byoshe byakupangetha bya shakewele. ¹¹ Cho uje kapilisitu Uliya watungile mutula wakupwa ngwe uje bene amutumininine mwene Ahazi kutunda ku Ndamasiku. Waumanethele thimbu kanda Ahazi kwiluka kutunda ku Ndamasiku. ¹² Omu mwene watundile ku Ndamasiku wamwene uje mutula; Uje mwene washwenene ku mutula nakwana bwana haukemo. ¹³ Wapangele bwana bwakulumba na bwana bwendi bwa manona, wetilile bwana bwendi bwa kunwa, nakushamwina maningaa bwana bwakulemetha ha mutula. ¹⁴ Uje mutula wa bunengu wakele kumesho a Yehoba - watuindithile kulutwe lwa tembele, kutunda mukati ka mutula wendi na tembele ya Yehoba nakuwaka kunto ya mutula wendi. ¹⁵ Cho mwene Ahazi wakambeyeye kapilisitu Uliya, ngwendi, "Ha mutula wakama enyekele lalo mulambu wa mutondo wa kulumba cho mangwethzi wa manona, chona mulambu wakuumba nou wa manona wa mwene, hamo na mulambu wakulumba wa banu boshe wa manona nou wa kunwa. Shamwinaho maninga oshe a mulambu wakulumba na maninga oshe a kulyana. Oloni uje mutula wa bunengu ukapwa wange njikehule mwakulingila." ¹⁶ Uje kapilisitu Uliya walingile bene ngwe omu amukambeyeye mwene Ahazi. ¹⁷ Cho mwene Ahazi watundithileko bipamba na bitumbiko kutunda ku bitumbikilo bya ndanda; cho lalo watundithile mema ha bingombe ba bunengu uje akele mwithi yawo nakuwaka ha mamanya akutunga. ¹⁸ Watundithile ngila yakwendela ije bafwikile hamulonga wa Sabata ije batungile ku tembele, kuyehi na chikobelelo cha mwene hanja lya tembele ya Yrhoba, hamulonga wa mwene wa Asikia ¹⁹ Kwetheka na bing'anda bikwabo hali Ahazi walingile, nkuma kubabithanene mu mukanda wa bilika bya bimyene ba Yunda ndi? ²⁰ Ahazi walalele na bakulu bendi cho bamuthindile hamo nabakulu bendi mu nganda ya Ndabiti. Cho munendi Hezikiya wapwile mwene mu mwela wendi.