¹ Choni Namani, ntwama wa mashwalale ba mwene Alamu, wakele mukulunu na kathingimiko mukumona cha shukulu yendi, mwafwa kwitila muli ikeye mukemo Yehoba wanene kuhyana kuli ba Alamu. Wakele lalo wakutakama manene, munu wa kukaluka, oloni wapwile muka mbumba. ² Baka Alamu baile nakulwa cho bambatele mwana mumbanda kutunda ku lifuti lya Isalela. Wapangelele munakathzi wa Namani. ³ Wuje mumbanda wendekele kuli shukwaina ngwendi, "" Ngwe ngwabo shukulu yange nakele nakupolofita uje ali ku Samaliya! Ngwe nathaka shukulu yange ku mbumba yendi. ⁴ Cho Namani wakobelele nakuleka uje mwene ebi endekele uje mwanike wa mumbanda wakutunda ku lifuti lya Isalela. ⁵ Cho uje mwene wa Alama ngwendi,"Ya oni cho njituma mukanda kuli mwene wa Isalela." Namani waile cho wambatele ma talenda likumi a siliva, bimbathzubwila bya ngolinde makulakathzi atanu na limo, na buthzalo bweka bwakuthzala likumi. ⁶ Wambatele lalo uje mukanda wa mwene wa Isalela uje wendekele ngwabo, "Aha omu banenene ou mukanda kuli yobe, umona ngwobe njinatumu ngamba yange Namani kuli yobe, umukangule ku mbumba yendi." ⁷ Omu mwene wa Isalela atendele uje mukanda, watabwile buthzalo wendi, nakwendeka ngwendi ,"Nkuma yange Njambi, wa kuthsiya na kwana mwonyo, ebi ou munalume ashaka anjikangule munu wa mbumba yendi? Chasholoka wakuthetela kushangumuka kulibyanangena nange" ⁸ Cho omu Elisha munu wa Njambi wathzibile ngwabo uje mwene wa Isalela natabula buthzalo bwendi, watumine lijwi kuli mwene ngwendi, "Bukajo unatambwila buthzalo bwobe? Echela oni aije kuli yange, cho athzibuka ngwendi kuli kapolofita mu Isaleka. ⁹ Cho Namani wethzile na tubalu twendi na makalu endi nakwimana ku chikolo cha njubo ya ¹⁰ Elisha. Elisha watumine kanganda kuli ikeye, ngwendi, "Ya ukalimbwitike obe ibenya mu ndonga ya Yondani ka tanu na kabali, cho na mushuni wobe babwilwitha; ujela. ¹¹ Oloni Namani walubalele nakutundako nakwendeka ngwendi, "Kengeni, njinathinganyekele ngwange atuhuka na kwija kuli yange na kwimana nakuthana halithzina lya Yehoba Njambi yendi, cho olola liboko lyendi ha mwela nakukangula mbumba yange. ¹² Nkuma kukwethi Ambana na Phalapa, ba ndonga bamu Ndamasika, mema amabwa kutubakana oshe amu Isalela? Kunjatha kujwelamo na kujela?" Cho watengulukile nakuya mu butenu. ¹³ Cho bingamba ba Namani bethzile kuyehi nakwendeka kuli ikeye ngwabo, "Tate yange, oshe nga kapo;ofita nakukambeyeye kulinga byuma byabikalu, nkuma ngwe kubwabipangele? Bingahi, oni, omu endeka kuli yobe ngwendi, 'Limbwitike cho ujela?" ¹⁴ Cho wathikumukile nakulimbwitika ibenya katanu nakabali mu ndonga ya Yondani, kutabela ku kukambeya cha munu wa Njambi. Mushuni wendi bawilwithile lalo ngwe mushuni wa mwana wa mundondo, cho bamukangwile. ¹⁵ Namani welukile kuli munu wa Njambi, ikeye hamo na mbunga yendi, nakwija nakwimana kuli ikeye. Wendekele ngwendi, "Kenga, ahoni njinathzibuka ngwe kukwethi Njambi mu kaye koshe kubanga mu Isalela lika. Cho ngachijoni , njalombo ambata bwana kutunda kuli ngamba yobe." ¹⁶ Oloni Elisha wamukumbulwile ngwendi, 'Omu ayoya Yehoba, oku njinemana yange, kunjilambula nambe chimo." Namani wathindiyiye Elisha ambate bwana, oloni abyanene. ¹⁷ Cho Namani wendekele ngwendi, "Oshe embwe, cho njikulomba unjechele njibyane kuli ngamba yobe mikasha ibali ya mule wa libu, mwafwa kutunda lelo, ngamba yobe kakalambula mulambu wa kwenyeka nameme kulyana kuli tu njambi tuli twoshe oloni Yehoba. ¹⁸ Muli echi chuma chimo echela Yehoba akonekele ngamba yobe, ngwe ngechi, omu mwene wange akobela munjubo ya Limoni , omu njilithsikametha muje mu njubo ya Limoni, echela Yehoba akonekele ngamba yobe muli eyi ng'anda." ¹⁹ Elisha wendekele kuli ikeye ngwendi, "Ya mukwoloka." Cho Namani waile. ²⁰ Wendele lika kanunda kakehi, omu Ngekazi, ngamba ya Elisha munu wa Njambi wendekele kuli ikeye ngwendi, "Kenga, shukulu nechela ou Namani ka Alame kwitila mukujeneka kutambula kutunda kuliboko lyendi bwana obu nanenele. Omu ayoya Yehoba, Njimushatukila nakutambulako bimo kuli ikeye." ²¹ Cho Ngehazi wakabele Namani hanima. Omu Namani amwene munu umo kumushatukila, washulukile kutunda mu likalu lyendi akaliwane nendi nakwendeka ngwendi, "Byuma byoshe bili bwino?" ²² Ngehazi ngwendi, "Byoshe bili bwino. Shukulu najitumu, ngwendi, 'Kenga, aha kuli yange kunaija bakwenje babali kutunda mu lifuti a lilundu lya Efulemu bakubana ba tupolofita babanalume. Njalombo ubaneko talenda ya siliva na buthzalo bubali bwakuthzala." ²³ Namani wakumbulwile ngwendi, " Njinabwahelela kukwana ma talenda abali."Namani wakwathele Ngehazi nakukuta ma talenda abali a siliva mubikasha bibali, na buthzalo bwakutengulula bubali, nakubyaka hali bingamba bendi babali, aba bambatelele Ngehazi bije bikasha bibali bya siliva. ²⁴ Omu etele Ngehazi ku lilundu, watambwile bije bikasha bya siliva kutunda kumaboko abo na kushweka mu njubo' nakutuma baje banalume kuya, cho baile. ²⁵ Omu Ngehazi wakobelele nakwimana kuli shukwaina, Elisha wendekele kuli ikeye ngwendi, "Unatundu kuli?" Wakumbulwile ngwendi, "Kwahi noku naile ngamba yobe." ²⁶ Elisha wendekele kuli Ngehazi ngwendi, "Nkuma munthzinthzime wange kuwakele nobe omu uje munalume natengulwile likalu lyendi nakuliwana nobe? Nkuma ikeko thimbu yakutabela bimbongo na buthzalo , lihya lya olibe na mibinyu, bimaanga nabi ngombe, na bingamba babanalume naba babanakathzi? ²⁷ Choni mbumba ya Namani ikala hali yobe na chithemunwina chobe myaka yoshe." Cho Ngehazi watundile ku mesho endi, na mbumba yakutoka mubila woshe ngwe masheleshele a mbunda.