¹ Onkao maambo byo twabingishiwa ku lwitabilo, tuji na mutende ne mwine Lesa monka mwi Nkambo yetu Yesu kilishitu. ² Monka mwi aye mo twatwelejile mu buno bupe bo twaimanamo, konka ku kwitaabilo kabiji twasekelela mu luketekelo lwa kuketekela lukumo lwa Lesa. ³ Namo kechi monkamo ne, nanchi twasekela ne mu bya malwa byetu. kasa twayuuka amba malwa aleta butekanye. ⁴ Butekaanye nabo buleta bulumbuluk, bulumbuluke nabo buleta luketekelo. ⁵ Ne luketeekelo kechi luleta bumvu ne maambo butemwe bwa Lesa bebukumbaanya mu michiima yeetu ku mupaashi wazhila ye twapewa. ⁶ Maambo byo twakiji banekena, mu kimye kyafwainwa kilishitu wibafwijile babula kwakamwa Lesa. Maambo muuntu kechi amufwile mololoketu ne. ⁷ Byonkabyo mu kimye kimo umo ukonsha kufwila muuntu wawaama. ⁸ Pakuuba aye Lesa witumwesha butemwe bwanji mwine bo etutemenwe, maambo byo twakijiinga bandenga maambo, kilishitu witufwijile. ⁹ Kukizhapo, bino, amba twabingishiwa na mashi anji, kine tukapulukila mwi aye ku bukaji bwa Lesa. ¹⁰ Maambo byo twakijinga balwanyi, twabwezhiwe kwi Lesa kupichila mu lufu lwa mwananji, kukizhapo, panyuuma yakubwezhiwa jibiji, tukapulukila na bumi bwanji. ¹¹ Namo kechi monkamotu ne, bino twasekela ne mwi aye Lesa monka mwi Nkaambo yetu Yesu kilishitu, mo twatambwila kuno kubwezhiiwa. ¹² Byonkabyo, bundengamaambo byo bwatweleele pano pantaanda ku muuntu umo, ne lufu nalo lwatwelele na bundengamaambo. kabiji byonkabyo ne lufu lwakumbeene ku baantu boonse, maambo boonse balengele maambo. ¹³ Maambo mizhilo byo yaji ikyangye kupanwa, bundenga maambo kaasa bujipo panopantanda, kepaji bubi kwakubula muzhilo ne. ¹⁴ Kabiji byonkabyo, lufu lwatangijile kufuma kwi Adama kufikankwi Mosesa, ne kuboba babujile kulenga maambo nobe byazhilulwile Adama, aye uji kyakumweenako aye waishile. ¹⁵ Bino nanchi akya kya bupe kechi kyayila mwaila muzhilulwile ne. Maambo bavuula bafwile, namuzhilulwila wa umo kine kabiji bupe bwa Lesa ne kyo apaana mu bupe bwa yewa muuntu umo, Yesu kilishitu, byakilishitu kwibakumbana bavula! ¹⁶ Kabiji akya kya bupe kechi kiji pamo ne kyokya kyamwekejile mu bundengamaambo bwa yewa muuntu umo ne. Maambo bunchiba maambo bwaishile pa muzhilulwila umo ne kuleta luzhatisho, pakuuba akya kya bupe kyaishile pa mizhilulwila yavula ne kkuleeta lubingisho. ¹⁷ Maambo umvwe, na maambo a muzhilulwila wa muuntu umo nanchi kine ne abo bataambula bupe bwavuula ne bololoke bwa bupetu bakatangijila mu buumi kupitila mu umo Yesu kilishitu. ¹⁸ Kabiji byonkabyo, byo lwaishile luzhachisho ku baantu boonse, byonkabyo mwingilo wa mololoke umo utwala ku lubingizho ne bumi ku baantu boonse. ¹⁹ Maambo kupichila mu umo wazhilulwile ne bavuula balengelwe bundengamaambo, kabiji ne mukupichila mu wakokela umo bavuula balengelwe baololoka. ²⁰ Bino muzhilo waishile mukuvuuzha mizhilulwile bino pakwachile bundengamaambo, Bupe bwakwachilepo ne kukizhapo. ²¹ Akino kya mwekene amba, bundengamaambo byo bwatangijile mu lufu, byonkabyo bupe bukonsha kutangijila kupichila mu bololoke bwa bumi bwa myaaka kupichila mwi Yesu kilishitu Nkaambo yetu.