¹ Naanchi tusa kwaaamba ka amba Abalahama, mushaakulu weetu kweesakanya ku bumuuntu, bo ataine? ² Pakuuba inge Abalahama wa biingishiwe na miingilo, aye inge wakoonsheshe kwiikala na mwa kwiitotela, mino keechi ku meeso a Lesa ne. ³ Pakuuba naanchi bineembelo byaamba amba ka? "Abalahama waitabijile Lesa, kabiiji kyabajilwe kwi aye amba waoloka ⁴ Pano ku yeewa wiingila, mfweeto yaanji keechi ibalwa noobe kya buupe ne, mino noobe kya nkoongole. ⁵ Mino ku yeewa ubula kwiingila mino witabila mu yeewa ubiingisha babula kwakamwa Lesa, lwiitabilo lwaanji lubalwa amba waoloka. ⁶ Davida naaye waamba mapeesho pa muuntu awa ye a peenda Lesa amba waoloka kwa kubula miingilo. ⁷ Aye waamba amba, "Batookwa aba bo balekela byuubilo bya mizhilulwila yaabo, kabiiji aba bo bavweetela buubi bwaabo. ⁸ Watookwa muuntu awa ye bakabula kuvulukila maambo kwi Nkambo." ⁹ Naanchi kuno kutookwa kwa ambiiwetu ku boonka ba ba mukaanda nyi, nangwa ne ku booba babula mukaanda nyi? Pakuuba atweeba twaamba amba, "Liitabilo lwabajilwe kwi Abalahama noobe bololoke." ¹⁰ Lwa bajilwe byeepi kwi aye? lwajiinga kasa a kyaangye nangwa panyuuma ya kubiiwa mukaanda nyi? Keechi kyajiinga panyuuma ya kubiiwa mu kaanda ne, mino sa a kyaangye! ¹¹ Abalahama wataambwile kayuukilo ka mukaanda noobe kya kushiinka pa bololoke abwa bo ajiinga naabo na lwiitabilo sa a kyaangye kubiwa mukaanda. Ene maambo ajiinga ku muleenga aye kwiikala shaabo boonse betabila mino keechi baubiwa mukaanda, byonkabyo amba bololoke bukoonshe kubalwa kwi abo. ¹² Aye ye shaabo ne baubiwa mukaanda keechi baubiwatu mukaanda ne mino ne booba beenda mu ntaampulo ya lwiitabilo alwa sheetu Abalahama lo ajiinga naalo sa a kyaangye kubiwa mukaanda. ¹³ Pakuuba mulaye kwi Abalahama ne ku baana baanji aba ba koonsha kwiikala ke ba nsaanyi ba ntaanda keechi baishijile kupichila mu muzhilo mino kupichila mu bololoke bwa lwiitabilo. ¹⁴ Pakuuba inge aba bekajila ku mizhilo bo ba kwiikala ba nswanyi, lwiitabilo be luleenga ke lwatuutu, kabiiji ne mulaye keechi uba kiintu ne. ¹⁵ Pakuuba muzhilo uleeta bukaji, mino pabula muzhilo, keechi paji maambo ne. ¹⁶ Pakuuba na ano maambo ke na lwiitabilo, mukuuba amba mulaye akoonshe kukookolokela pa buupe kabiiji ne kupaanwa ku baana boonse ba kwa Abalahama-keechi ku boonkaba baji muunshi ya mizhilo ne, mino ne ku booba babana lwiitabilo lwa kwa Abalahama. Aye ye sheetu weetu atweeba boonse, ¹⁷ moonka mo kyaneembelwa amba, "Amiiwa nakutoongola obeewa kwiikala shaabo wa byaalo byavula." Abalahama wajiinga mukyeenyi kya yeewa wa mupeele, aye wajiinga, Lesa, aye upaana buumi ku baafwa ne kwiita biintu byabulako kwiikalako. ¹⁸ Mu luketekelo aye waitbijile mwabujilwe kufwainwa luketekelo, amba aye wakoonsha kwiikala shaabo wa byaalo byavula, kwesakanya na byo ba mubujile amba, "Byonkabyo ne baana boobe byo byo ba kekala." ¹⁹ Kwa kubula kunekena mu lwiitabilo, aye wa mweene amba mubiji waanji noobe wafwa(maambo aye wakomene peepi myaaka kitoota), kabiiji ne kuufwa kwa muunda mwa kwa Saala. ²⁰ Mino na maambo a mulaye wa Lesa, Abalahama keechi wazhinaukilenga mu kubula lwitabilo ne. Mino, aye ba mukoseshe mu lwiitabilo kabiiji wapaine lukuumo kwi Lesa. ²¹ Aye wayuukishetu amba akya kyalaya Lesa, aye wakoonsha kwi kifikizha. ²² Onkao maambo akino naakyo, kya bajilwe kwi aye amba waoloka." ²³ Mino byaambo "Byabajilwe kwi aye" keechi bya neembelwe na maambo anji ne. ²⁴ Bya neembelwe ne kwi atweeba, kabiiji bikabajilwa kwi atweeba baitabila mwi aye wabushishe Yesu Nkambo yeetu kufuuma ku baafwa. ²⁵ Awe ye wapainwe na maambo etu kabiiji wabushiwe na maambo a kubiingishiwa kweetu.