¹ Naanchi biika byo a shuukilwamo mu Yudea? kabiiji muji kumweenamo ka mu mukaanda? ² kyaneema mu mashiinda oonse. Kitaanshi, ba Yudea be bapeele lumweekesho kufuuma kwi Lesa. ³ Pakuuba inge kyajiinga byeepi ba Yudea kwa kubula lwiitabilo? Bushe kubula kwiitabila kwaabo kukasuula bukishiinka bwa Lesa nyi? ⁴ keech kikeekala byo byo ne. Mino, lekai Lesa atanwe kwiikala wa kiine, naangwa baantu boonse ba bubela. Noobe byo kyaneembwa amba, "Mwafwainwa kumweeka kwiikala baoloka mu byaamba byeenu, kabiiji amba mwafwainwa kupita byo mukeeya mu bunchiba maambo." ⁵ Mino inge bumbulwa koloka bweetu bwa mweesha kooloka kwa Lesa, twakoonsha kwaamba amba ka? Twakoonsha kwaamba amba Lesa keechi waoloka pa kuleeta bukaji bwaanji pe atweeba nyi? (amiiwa mbeena kwiingijisha lupata lwa bu muuntu.) ⁶ Keechi kikeekala byo byo ne! Pakuuba pano Lesa wakoonsha kuchibila maambo byeepi Ntaanda? ⁷ Mino inge kupichila mu bubela bwaami bukiine bwa Lesa bunanuna lukuumo lwaanji, maambo ka kyo ba kinchibila maambo noobe ne ndenga maambo? ⁸ Babujilaka kwaamba, noobe byo betubeepela byo baamba, kabiiji noobe byo baswiisha bamo amba atweeba twaamba amba, "Lekai atweeba tuube byatama, byonkabyo amba bya waama bikoonshe kwiiya"? Luzhaachisho lwaabo lwaoloka. ⁹ Maambo ka kabiiji? Otubeena kwiifumyako atweeba beene? Nangwa pacheechetu ne. Pakuuba atweeba twibapa kala maambo ba Yudea ne ba Ngiliki pamo, boonse bwaabo, a kwiikala mu bundenga maambo. ¹⁰ Kino kiji noobe byonkabyo kyaneembwa amba: "Kafwaako nangwa umo waoloka, ne umo ne; ¹¹ Kafwaako nangwa umo umvwiish ne; kafwaako nangwa umo ukeeba Lesa ne. ¹² Boonse ba aluluka ne kufuumako; boonse pamo baikala ke batuutu. Kafwaako nangwa umo uba byawaama ne, ine, nangwa umo ne." ¹³ Mijibu yaabo kyo kileende kya shiinkuka. Majimi abo abeepa bubela. Sumu ya miloolo iji muunshi ya mivuumbo yaabo." ¹⁴ "Tunwa twaabo twayuula na mafiingo ne byalula." ¹⁵ "Maulu abo apeelawizha ku kwiichila mashi. ¹⁶ Boono ne buyaanji biji mu mashiinda abo. ¹⁷ Abe baantu keechi bayuuka jishiinda ja muteende ne." ¹⁸ "Keechi kuji kwaakamwa Lesa ke meeso abo ne." ¹⁹ Pano atweeba twayuuka byoonse bya amba mizhilo, yaamba ku booba baji muunshi ya mizhilo, byonkabyo amba tuunwa toonse tuzhiindame, kabiiji ne ntaanda yoonse ifwe nao kwi Lesa. ²⁰ Pakuuba kafwaako muuntu ukabiingishiwa na miingilo ya mizhilo ku meeso anji ne. Pakuuba kupichila mu mizhilo mo mwiishila maana a kuyuuka bundenga maambo. ²¹ Pano luno kufumyako mizhilo bololoke bwa Lesa bwa sololwa, ako mizhilo ne ba ngauzhi ko baikela na bukamonyi- ²² bololoke bwa Lesa kupichila mu lwiitabilo mwi Yesu Kilishitu lwa booba boonse beetabila. Pakuuba keechi kuji lupusano ne. ²³ Pakuuba boonse baleenga maambo, kabiiji ba pelelela ku lukuumo lwa Lesa, ²⁴ kabiiji ba biingishiwa kyatuutu na buupe bwaanji kupichila mu bukuunzhii abya buji mwi Kilishitu Yesu. ²⁵ Pakuuba Lesa wapaine Kilishitu Yesu noobe kitapisho kupichila mu lwiitabilo mu mashi anji. Aye wapaine Yesu noobe kya kuyuukilako kya bunchiba maambo bwaanji bwaoloka, maambo a kulekela kwa bundeenga maambo byaubiiwe kala mu buteekanye bwaanji. ²⁶ Abino byoonse byaubiwe maambo a kumweesha bololoke bwaanji pa kino kimye kyo tujipo, byonkabyo amba akoonshe kwiikala waoloka kabiiji wa kubiingisha awa uji na lwiitabilo mwi Yesu. ²⁷ Pano kabiiji kwaitoota kuji pi? Kwafumishiwaapo. Kupichila mu ng'anyi musaango wa muzhilo? Wa miingilo nyi? Ino, mino kupichila mu muzhilo wa lwiitabilo. ²⁸ Naanchi twapwiisha amba muuntu wabiingishiwa na lwiitabilo kwakubula miingilo ya mizhilo. ²⁹ Nangwa Lesa ye Lesa wa ba Yudea tu nyi? Naanchi keechi ye Lesa wa ba Ngentila ne nyi? Ee, wa ba Ngentila naabo. ³⁰ Inge, kya kiine, Lesa umo, aye ukabiingisha ba mukaanda na lwiitabilo, ne babula kuuba mukaanda kupichila mu lwiitabilo. ³¹ Naanchi atweeba pano tuleengulule mizhilo kupichila mu lwiitabilo nyi? Keechi kikoonshe kwiikala byo byo ne! Mino, atweeba tukookele mizhilo.