¹ Onkao maambo keechi muji na mwakulekelwa ne, anweeba baantu, anweeba muchiiba maambo, pakuuba mu biintu byo muchibila maambo baantu bakwaabo, mwiizhachisha anweeba beene. Pakuuba anweeba muchiba maambo muuba biintu bimootu. ² Mino atweeba twayuuka amba bunchiba maambo bwa Lesa bwaila ku bukiine inge bwaponeena bo ba booba biintu bya byoonkabyo. ³ Mino vulukai kino, anweeba baantu, anweeba muchibila maambo aba booba biintu bya byoonkabyo nangwa muuntu biintu bimo. Bushe mukapuluka ku bunchiba maambo bwa Lesa nyi? ⁴ Nangwa mulaangulukapo pacheeche pa bunoonshi bwa buwaame bwaanji, kubaanda kwa lumanamo lwaanji, kabiiji ne buteekanye byaanji nyi? ⁵ Mino ke na maambo a kipimo kya kukosa kweenu ne muchima ibula kulapila kyo mubeena kwi suungila bukaji anweeba beene pa jooja juuba ja bukaji, ke , juuba ja lumweekesho lwa bunchiba maambo bwaoloka bwa Lesa. ⁶ Aye ukapaana ku muuntu yeense mwaila byuubilo byaanji: ⁷ Kubooba mwaila kutwajijila kwa byuubilo bya waama basaka lukuumo, muneema, kabiiji ne kubula mazhika kaanwa, aye ukebapa buumi bwa myaaka. ⁸ Mino ku booba bekebesha beene, aba babula kukookela bukiine mino bakookela buumbulwa koloka, bukaji ne bukaji bukataampe bukeeya. ⁹ Lesa ukaleeta lumanamo ne makatazho pa muuntu yeense waubile byatama, ku ba Yudea pataanshi, kabiiji ne ba Ngiliki. ¹⁰ Mino lukuumo, muneema, ne muteende ukeeya ku boonse baubileenga bya waama, ku ba Yudea pataanshi, kabiiji ne ba Ngiliki. ¹¹ Pakuuba kafwaako misalululo na Lesa ne. ¹² Pakuuba bavula ba leenga maambo kwakubula muzhilo naabo ba konaika kwa kubula muzhilo, kabiiji bavula baleenga maambo mwaila muzhila ba keba chibila na muzhilo. ¹³ Pakuuba keechi boomvwa mizhilo bo baoloka ku meeso a Lesa ne, mino ke bo ba booba mizhilo bo ba katuumbijikwa. ¹⁴ Pakuuba ba Ngentila, abo byo babula mizhilo, bauba biintu bya mizhilo na bu muuntu, abo beene yo mizhilo, nangwa keechi baji na mizhilo ne. ¹⁵ Na bino bamweesha kuuba amba byuubilo bikebeewa na mizhilo bya neembwa mu michima yaabo. Mipashi yaabo naayo ibeemenako bu kamonyi, kabiiji ne milaanguliko yaabo ibazhaachisha naangwa kwi bemeenako ¹⁶ pa juuba Lesa byo a chibaanga maambo a kuumbaji a baantu boonse, mwaila maambo ami a waama, kupichila mwi Yesu Kilishitu. ¹⁷ Mino inge wa amba'mba wi mu Yudea ne kukookolokela pa mizhilo kabiiji ne kwitoota mwi Lesa, ¹⁸ ne kuyuuka kyaaswa muchima waanji ne kuswiisha bya waama maambo wakaambizhiwa ku mizhilo; ¹⁹ kabiiji inge washininwa amba obeewa mwiine winkwaasho ku ba mpoofu, kyeeya ku booba baji mu mfiinshi, ²⁰ olola bakosama, mufuunjishi wa baana bacheeche, kabiiji amba uji mu mizhila na mutuundu wa maana ne wa bukiine, pano kino kyakoonsha byeepi kukatazha jishiinda ja bwiikalo bwa buumi boobe? ²¹ Anweeba mufuunjisha bakweenu, naanchi keechi mwifuunjisha anweeba beene ne nyi? Anweeba mufuunjisha pa maambo a kwiiba , bushe mwiiba nyi? ²² Anweeba mwaamba amba muuntu keechi wafwainwa kuuba bukeende ne, bushe muuba bukeende nyi? Anweeba mwashikwa ba nkishi, bushe mwiiba ma teempele nyi? ²³ Anweeba mwitootela mu mizhilo, bushe mubula kuneemeka Lesa na kuzhilulula mizhilo nyi? ²⁴ Pakuuba "jizhiina ja Lesa neenwa mukachi ka ba Ngentila maambo a anweeba," noobe byonka byo kyaneembwa. ²⁵ Pakuuba mukaanda wa neema kwi anweeba inge mwa kookela mizhilo, mino inge mwi bazhilulula mizhilo, mukaanda weenu wiikala ke wakubula mukaanda. ²⁶ Inge, kabiiji, muuntu wabula kuuba mukaanda walama byakebewa na mizhilo, naanchi kubula kuuba mukaanda kwaanji keechi ku kayuukanyikwa noobe wauba mukaanda ne nyi? ²⁷ Kabiiji awa wasemekelwe ne kuuba mukaanda ne keechi a kemuzhaachishe anweeba inge wafikizha mizhilo ne nyi? Akino ke na maambo a kuuba amba muji na mizhiilo ya neembwa ne mukaanda, mino mwi bazhilulula mizhilo! ²⁸ Pakuuba aye keechi mu Yudea uji umo paangye ne;nangwa mukaanda waanji keechi awa uji mu mubiji ne. ²⁹ Mino aye mu Yudea awa umo uji mukachi, kabiiji ne mukaanda ke yeewa wa muchima, mu Mupashi, keechi mu nkalata ne. Kutuumbika kwa muuntu wa byoonkabyo keechi kufuuma ku baantu ne mino kufuuma kwi Lesa.