¹ Poonkapo mwajiinga kujila kukataampe mu baantu ne bakazhi baabo na maambo a baloongo baabo ba Yudea. ² Kabiji kwajiinga ne bakwaabo ba ambile amba, "Na maambo a ba nsoongwa lume ne ba nsoongwa kazhi beetu motwavujila. Byonkabyo lekai tutaambule kajo tuje ne kwiikala na buumi." ³ Kabiji kwajiinga ne bakwaabo ba ambile amba, "Tubeena kupotesha biswa byeetu, ne min'aanzan'aanza yeetu, ne mazuubo etu betupe kajo na maambo a kipowe kya nzala." ⁴ Bakwaabo naabo ba ambile amba, "Twakoongola maali a kusoonkela majimi etu ne min'aanzan'aanza yeetu. ⁵ Byonkabyo pano mibiji ne mashi etu kyokimootu ne a baloongo beetu, ne baana beetu bajitu pamo noobe baana baabo. Betukaanjikizhe kupotesha baana beetu ba balume ne ba bakazhi kwiikala bazha. Bamo baana beetu ba bakazhi ba kyaangye kwiikalapo bazha ne. Pakuuba keechi mu ngovu yeetu ya kukwaasha kino maambo bamo ba balume kataataka beekale na biswa byeetu ne min'aanza n'aanza yeetu." ⁶ Nazhiingijile biingi byo naumvwiine kujila kwaabo ne bino byaambo. ⁷ Poonkapo nalaangulukile pakino, ne kusaanshijila ku bamaana ne ba bineemanga nakuchiinchika. Ne baambijile boonse naamba, "Mwanuunga kikoloto, yeense ku muloongo waanji." Keepo na koonkenye kipwiilo na maambo a abo ⁸ ne kwibaambila amba, "Noobe kwi atweeba, tuji, na maambo a kusaka kweetu, twapotele baloongo beetu ne kwibafumya mu buzha bwa baloongo beetu ba Yudea bo ba poteeshe mu byaalo, pakuuba mupotesha ne baloongo beenu ba balume abo bapotelwe jikwaabo kwi atweeba!" Bajiinga nzoo ne kutanaapo kyaambo naangwa kimo kya kwaambapo ne. ⁹ Na ambile jikwaabo amba, "Kyo mubeena kuuba keechi kya waama ne. Keechi mwafwainwa kweendanga na kuchiina Lesa weenu nakukikizha kweendeleka kwa mikoka yabalwaanyi beenu ne nyi? ¹⁰ Amiiwa ne baloongo baami ba nsoongwalume na ba miingilo baami babeena kwiba koongwela maali ne kajo. Bino twafwainwa kuleka kuchiba maambo pa bino bikoloto. ¹¹ Bweezhai kwi abo leelo joonka biswa byaabo, ne min'aanza n'aanza yaabo, ne ma olivi, kabiji ne mazuubo abo ne maali, ne kajo, binyu bipya, kabiji ne maanyi onka o mwaseendele kufuma kwi abo. ¹² Poonkapo ba ambile amba, "Tukabweezha byotwaseendele kwi abo, kabiji kafwaako byo nkaseendako kwi abo. Tukooba byo mukaamba." Keepo naichile ba n'aanga, kabiji ne kwiibachipisha kuuba byobalaile. ¹³ Napetulwiile kivwaalo kyaami ne kwaamba amba, "Lesa ebafumyeemo mu nzuubo yaanji ne bya bunoonshi bya muuntu wa mulume awa ubula kulama kulaya kwaanji. Byonkabyo ebafumyemo kabiji mwiikale mwaabula biintu." Boonse ba pwiijile ba ambile amba, "Amena, " kabijibatakaikile Yehoba ne baantu baubile byonka byo beeba laile. ¹⁴ Byonkabyo kufumatu kimye kyo nasajilwe kwiikala kineemanga waabo mu mpuunzha ya Yuda, kufuma mu mwaaka wa makumi abiji kufikatu ne mwaaka wa busatu wa mfumu Atazakeshi, myaaka jikumi na bubuji, naangwa keechi baloongo baami ba balume bajile byakuja bya nengezhezhe kineemanga. ¹⁵ Pakuuba bineemanga byafuminepo byajiinga ku meeso ami ba manyikile biseendwa ku baantu, kabiji be batwajile boonse makumi ana ama sheekele ajiinga a siliva ku byakuja byaabo ne binyu. Naangwa ba miingilo baabo bajiinga na bu nkaambo ku baantu. Pakuuba keechi nekyuubile kino na maambo a kwaakamwa Lesa ne. ¹⁶ Byonkabyo natwaajijilatu kwiingila pa bibuumba, kabiji keechi twapotelepo mpuunzha ne, kabiji ne ba mwiingilo baami boonse ba pwiijile koonka ku mwiingilo. ¹⁷ Kutebulu waami kwajiinga ba Yudea ne ba bineemanga, 150 ba balume, bushiiya bwa booba baishile kwi atweeba kufuma moonka mu byaalo biituzhookolokele atweeba. ¹⁸ Poonkapo abya byaneengezhiwe pa juuba pa juuba pajiinga n'oombe, ne mikooko itanu ne umo yasajilwe, kabiji ne ba n'oonyi, kabiji ne mooba jikumi ne binyu po byapelela mu kuvula, pa bino byoonse keechi nakebeleenga mfweeto ya kajo ka ndamakyaalo ne, maambo bano baantu baneemenwe. ¹⁹ Ngitai ngyuuke, Lesa waami, ku bya waama, na maambo a byoonse byo naubila baantu.