¹ Pano Sanabalata byo a umvwiine amba tubeena kushimika nsakwa, muchima muunda wamupiile, kabiji wajiinga na bukaji bukataampe kabiji wibasekeleenga ba Yudea. ² Ku meeso a baloongo baanji ba balume ne ku meeso a nzhita ya Samaliya, wa ambile amba, "Bano ba Yudea bakonyaangala babeena kuuba ka? Bakabweezha muzhi waabo jibiji nyi? Bakapaana bitapisho nyi? Bakabweezha jibiji maabwe avwaangakana na biswaaswa byapiile nyi?" ³ Tobiya mwiina Amonyi wajiinga naanji kabiji wa ambile amba, "Inge lubwaala wakaanjilapo pa kyookya kyo babeena kushimika, kisakupona paanshi ne nsakwa yaabo ya maabwe!" ⁴ Umvwai, Lesa weetu, maambo atweeba twasuulwa, babweezhezhai myeendeleko yaabo pa mitwe yaabo abo beene ne kwibapaana ku kwiibonauna mu ntaanda ya buzha. ⁵ Keechi muvweete pa mizhilulwiila yaabo kabiji lekai bundenga maambo byaabo bubule kwiimushinkimana, bazhiingijisha bashimika. ⁶ Byonkabyo twatuungile kibaamba kimo ne bibuumba byoonse bebivwaangile ke kichika kya kuleepa, maambo baantu bajiinga nakizaku kya kwiingila. ⁷ Pakuuba Sanabalata, Tobiya, Atabiya, beena Amonyi ne beena Ashadoba byo ba umvwiine amba mwiingilo washimukulula nsakwa ya Yelusalema yailenga paluutwe, a a mapuunzha a kibaamba aonaikile be ashiinka, ne bapiilenga na bukaji bukataampe bapiilenga mukachi ka michima yaabo. ⁸ Poonkapo baumvwan'ene pamo kabiji baishile nakulwa na beena Yelusalema ne kuleeta malwaan'ano. ⁹ Atweeba twaloombele kwi Lesa weetu ne kubiikapo maloonda noobe bukiikizhi mute ne bufuku maambo a mooyo. ¹⁰ Poonkapo baantu ba Yudea ba ambile amba, "Bulume bwa batuunta biintu bubeena kuuya na kupwa. Kuji biswaaswa byavula keechi twakoonsha kwiingila mwiingilo wa kutuunga nsakwa ne." ¹¹ Balwaanyi beetu ba ambile amba, "Keechi bakayuuka ne naangwa kumona ne kanaatu tukaye mukachi kaabo kwibeepaya, ne kuleka mwiingilo." ¹² Pa kyookya kimye ba Yudea baikajilenga peepi naabo baishile kufuma kulubaji koonse koonse ne kwaamba kwi atweeba bimye jikumi, kwiitujimuna pa biintu byo baubilenga pe atweeba. ¹³ Naanchi ne babiikile baantu mutubibese tuche tuche twakibuumba pa mpuunzha pa shaala patooka. Nebabiikile kisemi pa kisemi na mapoko atwa kubiji, mafumo ne miketo. ¹⁴ Poonkapo natajile , ne kwiimana, ne kwaamba ku babineemanga, ne bakuluumpe, kabiji ne ku baantu bakwaabo amba, "Keechi mwiibakamwe abo ne. Itai ne kumuvulula Nkaambo, yeenka aye mukuluumpe mwiibilwile bisemi byeenu, baana beenu ba balume ne ba bakazhi, ne mazuubo enu." ¹⁵ Kyaishile pakuuba amba balwaanyi beetu byo ba umvwiine amba ba Yudea baumvwa kala milaanguluko yeetu, kabiji Lesa wi bavulaan'anya milaanguluko yaabo, aba boonse babweelele ku nsakwa, au ku mwiingilo waanji au ku mwiingilo waanji. ¹⁶ Kufuma ku jooja juuba kipamo kya bakuluumpe ba miingilo bashimukulwiilenga nsakwa, kipamo kya balaminenga mafumo, makebo ne mata a mikaanda ne bivwaalo bya nkoondo, kabiji bakuluumpe kasa baimene kunyuuma ya boonse beena Yuda. ¹⁷ Ne booba batuungilenga nsakwa, aba batuunchilenga biintu baseendelenga kubooko kumo, ne kubooko kumo kasa baji nakyeela kya nkoondo. ¹⁸ Kabiji bashimikilenga boonse kasa bavwaala mapoko abo mu mbuunda yaabo byo byo baingijilenga. Muuntu wakwiimba ntoloompita yaanji yaluseengo lwa mukooko mulume waikajile kwiipi ne amiiwa. ¹⁹ Poonkapo nebaambijile ba bineeme ne bakuluumpe ne baantu bakwaabo naamba, "Uno mwiingilo mukataampe kabiji uji pavula, ne atweeba twa abeenamo pa nsakwa, aba kwaleepa nabakwaabo. ²⁰ Mwafwainwa kunyeemena ku mpuunzha komu koomvwa luseengo wavuma ne kupwiila koonka. Lesa weetu uketulwiila." ²¹ Kabiji twaingijilenga mwiingilo. Kichika kya booba bakwaachile mafumo kufumatu mabaanga kufika ne ku kuseela kwatubaanga baanga. ²² Kabiji na ambile ku baantu pa kyonkakya kimye amba, "Muuntu yeense wamulume ne ba miingilo baanji bakalaale bufuku boonse mukachi ka Yelusalema, pakuuba amba beekale ba maloonda kimye kya bufuku kabiji ne kimye kya mute beekale ba mwiingilo." ²³ Pakino amiiwa, naangwa baloongo, naangwa bamiingilo baami, naangwa baana balume ba maloonda baloondela amiiwa, kafwaako wavwajile bya kuvwaala bikwaabo ne, kabiji yeense wa mwi atweeba waseendele kyaanso, naangwa pakuya ku meema.