¹ Poonkapo Eliashiba n'aanga mukataampe waimene na baloongo baanji ba n'aanga, kabiji ba shimikile kibelo kya mikooko. Bekizhijikile ne kubiikako biinzhilo byakyo. Bekizhijikile kwaleepa na kyaamba kyafika ku kitoota kabiji kwaleepa noobe kyaamba kya Hananela. ² Kulutwe yaanji kwajiinga baana balume baingijilenga bamu Yeliko. Kabiji waloondejile waloondakene naanji wajiinga Zekula mwaana Imeli kasa engila. ³ Baana ba balume bakwa Hasenana bashimikile kibelo kya masabi. Bashimikile myaamba yakyo , ne kubiikamo biinzhilo byakukashilako ne tipiingilo. ⁴ Melemota naaye waneengezhezhe kibese kyaloondejilepo ye mwaana wakwa Uliya mwaana Hazoza, waloondakene naabo Meshulama waneengezhezhe ye mwaana Belekiya. Belekiya mwaana Mesheabela waloondakene naabo Zadoka waneengezhezhe waloondakene naabo Zadoka waneengezhezhe. Ye mwaana Baana. ⁵ Waloondakene naabo Tekao ne kuneengezha mino ba bineemanga baabo bakaine byo bebakaambizhe ku bebataangijila. ⁶ Yoada mwaana Pasea, ne Meshulama mwaana Besodeya ba neengezhezhe kibelo kyakala. Babiikile myaamba yaakyo, ne biinzhilo, ne mwakukobeka ne tupiingilo twaabyo. ⁷ Baloondejilepo bajiinga baana balume bafumine ku Gibeona ne Mizipa-Melatiya mwiina Gibeona ne Yadonyi mwiina Melonota-bineeme bya ndama kyaalo bwakijile ne bushiiya bwa mukola wa Ofelata. ⁸ Waloondejilepo Uziela mwaana Hanaya, wa mubaseendwe ba golide, wamuloondejile wajiinga Hahana, wa mubooba baleenga binuunka buloongo bashimukulwiile nsakwa ya Yelusalema yaleepa. ⁹ Waloondejilepo Lefwaya mwaana Hula wa waamishe wajiinga kineemanga kukila kichika mu nkaambi ya Yelusalema. ¹⁰ Waloondejilepo Yedaya mwaana Halumafe waloondakene naabo ne ku waamisha patalan'ene na nzuubo yaanji wa muloondejile Hatushi mwaana Hashabaneya wa waamishe. ¹¹ Malakiya maana Halima ne Hashuba mwaana Pahata-Moabu waneengezhezhe kibese kikwaabo pamo na kyaamba kya bitofu kya kusokelapo. ¹² Waloondejile abo Shalumi mwaana Haloheshi, ba bineemganga kukila pakichika kya kaambi ya Yelusalema, waneengezhezhe pamo na baana baanji ba bakazhi. ¹³ Hanuni ne baangikazhi beena Zanoa baneengezhezhe kibelo kya ku musaanza bekishimikile jikwaabo ba biikilemo biinzhilo ne mishiinko yaakyo ne tupiingilo twaakyo. ¹⁴ Malakiya mwaana Lekaba kineemanga wa mu nkaambi ya Bete-Hakelema waneengezhezhe ba wamishishe kibelo kya mbolezha. Wikishimikile ne kubiikamo biinzhilo byaakyo, ne twakukobekamo, ne tupiingilo. ¹⁵ Shalumi mwaana Kalohoze kineemanga wa mukyaalo kya Mizipa, wa neengezhezhe kibelo kya Nsulo ne kushimukulula ne kwi ituunga ne kibiikapo musemi kabiji wabiikilemo ne biinzhilo byaakyo ne twakukobekamo ne tupiingilo. Kabiji watuungile ne nsakwa ya kukizhiba kya Shiloma kwiipi na ku mpoka ya mfumu, kufika ne kubyakwiikijilapo pa kufuma mu muzhi wa Davida. ¹⁶ Nehemiya mwaana Azebuba, kineemanga kukila pa kichika kya nkaambi ya Bete-Zula, ye waneengezhezhe mpuunzha kufika kwatalan'ana na bileende byakwa Davida, ne ku mwaana mulume walengele kizhiba, kufiika ne ku nzuubo ya mwaana mulume kiyaangala. ¹⁷ Kufuma kwi aye beena Levi baneengezhezhe ne kubiikamo Lehim mwaana Bani ne wamuloondejile, Hashabiya, Kineemanga wa kichika kya nkaambi ya ku Keila. ¹⁸ Baloondakene naanji ne kuneengezha baloongo baanji ne kubiikapo Bamwai mwaana Henadada kineemanga kukila pa kichika kya nkaambi ya Keila. ¹⁹ Wamuloondejile wajiinga Ezela mwaana Yeshua kineemanga wakila Mizipa waneengezhezhe kibese kikwaabo kyatalen'ene. ²⁰ Wamuloondejile wajiinga Baluka mwaana Zabai waneengezhezhe na kichima kibese kikwaabo kufuma ko bachila lubuumbulu kufika ne kukibelo kya nzuubo yakwa Eliashiba n'aanga mukataampe. ²¹ Wamuloondejile Melemota, mwaana Uliya mwaana Hakoza wa waamishe kibese kufuma ku kibelo kya nzuubo yakwa Elishaba kufika ne kuunsa ya nzuubo yakwa Elishaba. ²² Baloondejilepo ba n'aanga, baana balume bafumine ku mpuunzha ya zhookolokele Yelusalema, ne kuwamisha. ²³ Panyuuma yaabo Benjamina ne Hashuba wa waamishe patalan'ana na nzuubo yaabo waloondakene naabo Azaliya mwaana Mase mwaana Ananiya wa wamishe nzuubo yaloondela pobeekala. ²⁴ Panyuuma yaanji Binuwi mwaana Henadada wa wamishe kibese, fukuma ku nzuubo yakwa Azaliya kufika ne poyaachimpukila nsakwa. ²⁵ Palala mwaana Uzai wa waamishe poyaachimpukila nsakwa ne kyaamba kyaleepa kyasoompokela ku nzuubo ya mfumu konka kukipaango kya bakalama kufuma pe aye Pedaya mwaana Paloshi wa waamishe. ²⁶ Pano ba miingilo baikajilenga ku Ofela ba waamishishe kufika ne patalan'ena kibelo kya meema ku musela ne ku kiikizha nsakwa. ²⁷ Kufuma aye beena Tekoita ba waamishishe kibese kikwaabo kyatalan'ene na kyaamba kyanemesha kyaleepa noobe nsakwa ya Ofela. ²⁸ Ba n'aanga ba waamishishe kuluutwe ya kibelo kya baambili, au patalanena na nzuubo yaanji mwiine. ²⁹ Panyuuma yaabo Zadoka mwaana Imela wa waamishe kibelo kyatalan'ana ku nzuubo yaanji mwiine. Waloondakene na Zadoka mwaana Shemeya mwaana Shekaniya kalama wa kiinzhilo kumusela, wa wamishishe. ³⁰ Waloondejilepo Hananiya mwaana Shemaya mwaana Shekaniya, ne Henuna mwaana wabutanu na umo mwaana Zalafe, wa waamishe kibelo kikwaabo. Kufuma aye Meshulama mwaana Belekiya wa waamishe kyatalan'ana na mo aikalaanga. ³¹ Waloondakene naanji wajiinga Malakiya, umo wa mubaseendwe ba golide, wa waamishe mu nzuubo yazhila ya ba miingilo ne bapotesha batalan'ene na kibelo kya kukoonkenyamo peulu ya kyakwiikalamo pa kuchiimpukila. ³² Baseendwe ba golide ne basulu ba waamishe pakachi ka peulu ya pakwiikala pachiimpukila ne kibelo kya mikooko.