¹ Ba ntaangi ba baantu baikeele mu Yelusalema, kabiji ne baantu boonse bataile bubale bwa kuleeta umo pa ba jikumi mu kwiikala mu Yelusalema, muzhi wazhila, kabiji ne bakwaabo batanu ne bana bashaajile mu mizhi yaabo. ² Keepo baantu ba peesheshe aba boonse bepaine kwiikala mu Yelusalema. ³ Abano bo ba bineemanga ba bibuunji baikele mu Yelusalema. Naangwa byonkabyo, mu mizhi ya mu Yuda kila muuntu waikeele pa biipe byaanji, kubiikapotu ne beena Isalela bamo, ba n'aanga, beena Levi, ba miingilo ba ku nzuubo ya Lesa, ne baana ba bamiingilo bakwa Solomoni. ⁴ Mu Yelusalema mwaikeele baana bamo bakwa Yuda kabiji ne baana bamo bakwa Benjamina. Beena Yuda bajiinga: Ataya mwaana Uziya mwaana Zekaliya mwaana Amaliya mwaana Shefatiya mwaana Mahalalela, wa mu kisemi kya kwa Peleza. ⁵ Kwajiinga Maseya mwaana Baluki mwaana Kola-Hozeha mwaana Hazaya mwaana Adaya mwaana Yoaliba mwaana Zekaliya, wa mukisemi kyakwa Shelaha. ⁶ Boonse ba mu kisemi kya kwa Peleza baikeele mu Yelusalema bajiinga 468. Bajiinga ba balume ba luumbuluka. ⁷ Abano bo ba mukisemi kya kwa Benjamina: Salu mwaana Meshulama mwaana Yoeda mwaana Pedaya mwaana Kolaya mwaana Maseya mwaana Ityela mwaana Yeshaya, ⁸ kabiji ne booba ba muloondejilenga aye, Gabai ne Salai, baantu 928. ⁹ Yoela mwaana Zikeli wajiinga mukuluumpe waabo, kabiji ne Yuda mwaana Hasenuaha wajiinga kapitao wakibiji pa muzhi yeense. ¹⁰ Kufuma ku ba n'aanga: Yedaya mwaana Yoaliba, Yakina, ¹¹ Selaya mwaana Hilekiya mwaana Meshulama mwaana Zadoka mwaana Melaioti mwaana Ahituba, kineemanga mukataampe wa ku nzuubo ya Lesa, ¹² ne bo bajiinga naabo ba ingijile miingilo ya nzuubo, ba balume822, pamo ne Adaya mwaana Yelohama mwaana Pelaliya mwaana Amezi mwaana Zekaliya mwaana Pashehula mwaana Malekiya. ¹³ Bakolojanji bajiinga bakuluumpe ba kisaka, ba balume 242; kabiji ne Amashesai mwaana Azalela mwaana Ahezai mwaana Meshilemoti mwaana Imela, ¹⁴ kabiji ne baloongo baabo, baana balume ba nkoondo bajimuka 128; mukuluumpe waabo wajiinga Zabedyela mwaana Hagedolima. ¹⁵ Kufuma ku beena Levi: Shemaya mwaana Hashuba mwaana Azelikama mwaana Hashabiya mwaana Buni, ¹⁶ ne Shabetai ne Yozabada, abo bafumine mu ba ntaangi babeena Levi kabiji batalaanga pa miingilo yapaangye ya nzuubo ya Lesa. ¹⁷ Kwajiinga ne Mataniya mwaana Mika mwaana Zabedi, wa mu kisemi kyakwa Asafa, wajiinga mukuluumpe watatwiile kupika saante mu miloombelo, ne Bakebukiya, wakibiji mukachi ka baloongo baanji, ne Abeda mwaana Shamua mwaana Galala mwaana Yedutuna. ¹⁸ Beena Levi boonse mu muzhi wazhila bafikile ku naambala 284. ¹⁹ Bakalama ba bibelo: Akuba, Talemona, ne baloongo baabo, batwajijile na kuloonda bibelo, ba balume 172. ²⁰ Kivuluko kya Isalela ne kya ba n'aanga ne beena Levi bajiinga mu mizhi yoonse ya mu Yuda. Kila muuntu yeense waikajile pa biipe byaanji byo a swaine. ²¹ Ba miingilo ba ku nzuubo ya Lesa baikeele mu Ofela, kabiji Ziha ne Gishepa bajiinga bakuluumpe baabo. ²² Mukuluumpe pa beena Levi mu Yelusalema wajiinga Uzi mwaana Bani mwaana Hashabiya mwaana Mataniya mwaana Mika, wa mukisemi kya kwa Asafa, ba nyiimbi pa miingilo mu nzuubo ya Lesa. ²³ Bajiinga muunshi ya mikaambizho ya mfumu, kabiji mikaambizho yakosa yapanyiwe ku ba nyiimbi noobe byo kyafwainwa mooba onse. ²⁴ Keepo Petahiya mwaana Meshezabela, wa mukisemi kya kwa Zelaha mwaana Yuda, wajiinga kulubaji lwa mfumu mu biintu byoonse byatala ku baantu. ²⁵ Ku baangikazhi ne majimi abo, beena Yuda bamo baikeele mu Kiliati Aleba ne baangikazhi ba moonka mwa, kabiji mu Dibona ne baangikazhi ba moonka, ne mu Yekabezela ne baangikazhi ba moonka, ²⁶ ne mu Yeshua, Moladaha, Beti Peleta, ²⁷ Hazala Shuala, ne Belesheba ne ba ngikazhi ba moonka mwa. ²⁸ Bamo baantu ba mu Yuda baikeele mu Zikelaga, Mekonaha ne beekalamo, ²⁹ Ena Limona, Zolaha, Yalemuti, ³⁰ Zanowa, Adulama, ne beekalamo, kabiji ne mu Lakisha mizhi yaayo ne beekalamo. Byonkabyo batebelejile ku kyaana kya Hinoma kufuma ku Belesheba. ³¹ Ba mukisemi kya beena Benjamina baikeele mu Geba, mu Mikemasha, mu Aiya, mu Betela, ne beekalamo, ³² Anatoti, Noba, Ananiya, ³³ Hazola, Lamaha, Gitaima, ³⁴ Hadida, Zeboima, Nebalata, ³⁵ Loda, Ono, ne Ge Halashima. ³⁶ Bamo beena Levi baikeele mu Yuda bebatoongwejile ku baantu bakwa Benjamina.