¹ Po ba biikile tuyuukilo bajiinga Nehemiya, ndama kyaalo, mwaana Hakaliya ne Zedekiya, ² Selaya, Azaliya, Yelemiya, ³ Pashehula, Amaliya, Malekiya, ^{4 8} Hatusha, Shebaniya, Maluka, ⁵ Halima, Melemoti, Obadiya, ⁶ Danyela, Ginetona, Baluki, ⁷ Meshulama, Abiya, Mijamina, Maziya, Bilegai, ne Shemaya. abe bajiinga ba n'aanga. ⁹ Beena Levi bajiinga: Yeshua mwaana Azaniya, Binui wa mukisemi kya Henadada, Kadimyela, ¹⁰ kabiji ne beena Levi bakwaabo, Shebaniya, Hodiya, Kelita, Pelaya, Hanana, ¹¹ Mika, Lehoba, Hashabiya, ¹² Zakula, Shelebiya, Shebaniya, ¹³ Hodiya, Bani, ne Beninu. ¹⁴ Ba ntaangi ba baantu bajiinga: Paloshi, Pahati-Moabu, Elama, Zatu, Bani, ¹⁵ Buni, Azegada, Bebai, ¹⁶ Adoniya, Bigevai, Adina, ¹⁷ Atela, Hezekiya, Azula, ¹⁸ Hodiya, Hashuma, Bezai, ¹⁹ Halifa, Anatoti, Nebai, ²⁰ Magepiashi, Meshulama, Hezila, ²¹ Meshezabela, Zadoki, Yadua, ²² Pelatiya, Hanana, Anaya, ²³ Hoshea, Hananiya, Hashuba, ²⁴ Haloheshi, Pileha, Shobeka, ²⁵ Lehuma, Hashabenah, Maseya, ²⁶ Ahiya, Hanana, Anana, ²⁷ Maluka, Halima, ne Banaha. ²⁸ Ku baantu boonse bashaala, bajiinga ba n'aanga, beena Levi, bakalama ba bibelo, ba nyiimbi, ba miingilo ba ku nzuubo ya Lesa, ne boonse befumisheko abo beene ku baantu ba mu ntaanda be paine abo beene ku mizhilo ya Lesa, pamo ne bakazhi baabo, baana baabo ba balume ne ba bakazhi, boonse bajiinga na maana ne milaangwe, ²⁹ banuungile pamo na baloongo baabo, ne bineemanga byaabo, ne kwiikasa abo beene na jifiingo ne luchipo pamo mukweenda mu mizhilo ya Lesa, ayo yo be bapeele kwi Mosesa kalume wa Lesa, kabiji ne kunemeka ne kukookela mikaambizho ya Yehoba Lesa weetu yoonse ne mafuunde anji ne malamuna anji. ³⁰ Atweeba twalaile amba keechi tukapaana baana beetu ba bakazhi ku masoongola ku baantu ba mu ntaanda ne naangwa kusoongwela baana beetu baana baabo ba bakazhi ne. ³¹ Kabiji twalaile amba inge baantu ba mu ntaanda baleeta biintu naangwa bijimwa mu kupotesha pa juuba ja Sabaado, keechi tukebapota pa Sabaado ne naangwa juuba jiji joonse jazhila ne. Kila mwaaka wa butanu na bubiji tukalekanga majimi etu kukookoloka, kabiji tukaleka makoongole etu onse. ³² Twaswiile mukaambizho wa kupaana ma koota asatu a shekele kila mwaaka a mwiingilo wa nzuubo ya Lesa, ³³ ne kumona shiinkwa wa bajiipo, ne wa mulaambo wa nkunwa wa joonse, bitapisho bya kusooka pa Sabaado, ne kijiilo kya n'oondo upya, ne bijiilo byatoogolwa, ne ya milaambu yazhila, ne milaambu ya bundenga maambo mukuleenga mfuuto ya Isalela, kabiji ne ya miingilo ya nzuubo ya Lesa weetu. ³⁴ Atweeba-ba n'aanga, beena Levi, ne baantu-tutaye bubale bwa milaambu ya nkunyi. Bubale busakusala kisemi kya kuletanga nkunyi mu nzuubo ya Lesa pa kimye kyatoongolwa kila mwaaka, ya kusooka pa kyakusookelapo bitapisho kya Yehoba Lesa weetu, byonkabyo kyaneemba mu mizhilo. ³⁵ Twalaile kuleeta ku nzuubo ya Yehoba bipaangwa bitaanshi bya byalwa mu mushiji weetu, kabiji kila mwaaka bipaagwa bitaanshi bya ku kila kichi. ³⁶ Babeji ba baana beetu ba balume, ne ba ba n'oombe beetu-moonka mwaila bya neembwa mu mizhilo-kabiji ne babeji ba mu bipaka bya ba n'oombe beetu ne ba mu mataanga a mikooko yeetu tukaleeta ku nzuubo ya Lesa weetu, ku ba n'aanga beengila mu nzuubo ya Lesa weetu. ³⁷ Tukaleeta bya kukaandula bitaanshi ne milaambu ya nkunwa, kabiji ne kipaangwa kya ku kichi kyoonse ne binyu bipya, ne maanyi, ku ba n'aanga, kwa kulamina biintu bya mu nzuubo ya Lesa weetu. Tukaleeta kubeena Levi bya bujikumi kufuma ku maloba etu maambo beena Levi bataambula bya bujikumi mu magyaangi moonse mo twiingila. ³⁸ N'aanga, mwaana Alona, wafwainwa kwiikala na mwiina Levi inge bataambula bya bujikumi. Beena Levi bafwaniwa kuleenta kya bu jikumi pa bya bujikumi ku nzuubo ya Lesa weetu mu bibaamba bya mu nzuubo mwa kulamina biintu. ³⁹ Pakuuba baantu beena Isalela ne baana bakwa Levi bafwainwa kuleeta bya misoonko ya nkunwa, binyu bipya, ne manyi ku bibaamba bya kulaminamo biintu ako kwasuungwa malamuna a zhila kabiji ako ba n'aanga babeena kwiingila, ne bakalama ba bibelo, ne ba nyiimbi ko beekala. Atweeba keechi tukalekelesha nzuubo ya Lesa weetu ne.