¹ Kabiji waambile kwiabo amba, "kine nemwaambila namba, pobaji bamo baimana pano baakabula kumona lufu nangwa pacheche poso bakamone bufumu bwa Lesa bwafika nabulume," ² Panyuma yakupitapo moba atanu na jimo, Yesu wasendele petelo, ne Yowano waile nabo kumuutumba, waalepa bunke bwabo. Kabiji waalukile ungi kumeeso abo. ³ Ne bivwalo byanji byaalukile kebitoka, byatokeshatu too, kafwako nangwa umo wapanopantanda wakonsha kwibitokesha byonkabyo ne. ⁴ Ponkapo kwibamwekejile bana balume babiji Elaija ne Mosesa sa besamba ne yesu. ⁵ Petelo wamukumbwile yesu amba, "Laabi, pano pantu petuwamina kwikala, leekai tushimikepo maankuka asatu, imo yenu imo yakwa Mosesa, imo yakwa Elaija." ⁶ (Maambo kewayukile kyakwamba ne, mambo bachininenga bingi.) ⁷ Kabiji kwaishile jikuumbi kasa jibavweta. ne jiwi jafumine mujikumbi amba, "wuumo ye mwaanami yenatemwa.Muvwai. ⁸ "Kabiji ponkaapotu, pakutala konse kechi bamwenepo nangwa umo ne, poso Yesu yenka. ⁹ Pa kwiikila ku mutumba, aye wibakambizhe amba kechi mubuulepo muntu nangwa umo kwomwamona ne, posotu mwana muntu asanguke mubaf. ¹⁰ kabiji neabo balamine bino byambo bunke bwabo,bino sabeipuzha abo bene na bene amba "kusanguka kwa mubafu " kyatala mukaa. ¹¹ Ne abo bamwipwizhe amba, "maambo ka banembeshi baambile amba kya fwainwa Elaija akaye patanshi.? ¹² Kumvwa aye wibakumbwile amba, Elaija wiiya patanshi mukubwezha byonse bintu mo byaji. kabiji maambo kyobyanembelwa amba mwaana muntu ukamona byaamalwa byavula nekusulwa? ¹³ Pakuba amiwa ne mwambila namba kine Elaija waiya kala, kabiji bamubile byonse byo asakilenga, monka mobyanembelwe." ¹⁴ Kabiji byobafikile kubaana babwanga, bamwene jikumbi jikatampe sajibabumba ne banembeshi kasa bepachika nabo. ¹⁵ Kabiji ponkapotu pakumona yesu, jikumbi jonse jakuminye bingi bamunyemejile ne kuumwimuna. ¹⁶ Ne aye wibepwizhe baana baji babwanga amba, "mwenakwipachika ka?" ¹⁷ Umo waamujibumba wakumbwile amba, "mufunjishi, nemuletela mwananmi. Pakuba uji na mupashi wa kamaama. ¹⁸ Kimukwata ne kumuponya panshi ne kapofu ku kanwa, ne kushenka meeno, kabiji wauuma ne po. Kabiji nebambila baana benu babwanga namba bamupangemo bino baji kumukankalwa. ¹⁹ Kumvwa aye wibakumbwile amba, Anweba kisemi kyabula lwitabilo, amiwa nkekala neenu yaaka inga? muletai kwiamiwa," ²⁰ Neabo baamuletele ko aji. Pokankapotu pakumona yesu, awa mupashi wamusunkakenye muntu, ne kupona waponene panshi nekwalangana ke alangane nekapofu kukanwa. ²¹ Kabiji Yesu wamwipwizhe shanji amba , "lelo myaka inga yo aikala naakyo?" ne aye wakumbwile amba kufumatu kubwanike bwanji. ²² Kabiji javula kimutaya mumujilo nangwa mu meema na kusaka kumonauuna. Pakuba inge mwaakonsha kuuba kiintu, mwitubile lusa ne kwiitukwasha." ²³ Kumvwa yesu wakumbile amba , '''Kaana anweba mwakonsha? Byonse byaakonsheka kubiwa kwi aye waitaabila." ²⁴ Ponkapotu shanji mwaana waabikile ne kwaamba na mipolo amba, Naitabila!" ²⁵ Ponkapotu Yesu byo ejimwene jiibumba kasa jifwenya kubwipi nako aji, Waamunye mupashi wabipa, nekumwambila amba , "Obewa mupashi wa kamaama ne newashinka matwi nakukaambizha naamba, Fumaamo mwi aye, kabiji kechi ukatwelemo jibiji mwi aye ne." ²⁶ Ne aye mupashi pakutama ne ku musunkakesha Wafuminemo. Ne mwaana waalukile ke pamo nobe waafwa, onkao maambo bavula baambile amba wafwa. ²⁷ Pakuba yesu wamukwachile pakuboko ne kumushikula wamushikwile ne aye waimene. ²⁸ Ne yesu byoatwelele munzubo, baana banji ba bwanga bamwipwizhe kwaabunke bwabo amba, " Atweba maambo kakumupangamo?" ²⁹ Neaye wibaambile mba, "musango uno kechi waayuka kufumamo pakiintu kiingi ne kana milombelo yami." ³⁰ Kabiji baafumineko ne kupita mu Ngalileya. maambo kechi waasakile muuntu nangwa umo kuyuuka kobaji ne, ³¹ Maambo wafunjishenga bana banji babwanga. ne kwibambila mba, "Mwaana muuntu waya apanwe mu maaboko abaantu, ne abo bakamwipaya. kabiji pakumwipaya, pakaapita mooba asatu akusanguuka." ³² Pakuuba abo kechi baumvwine akya kyambo mokyaila ne, kabiji bachininenga kuumwipuuzha. ³³ Kabiji baishile Kapenama. Ne byo atwelele munzubo aye wibepwizhe mba, "Bika byomwajikwisambanga mu jishinda?" ³⁴ Pakuba abo bazhindaminetu nzoo. Maambo mujishinda bepachikilenga abo bene na bene amba mukuulumpe wetu ngani? ³⁵ Ponkapo aye waikele, ne kwibeta bajikumi na babiji wibambijile amba, "kaana muuntu wasaka kwikala mutanshi ekale mwanyike ne wa mwingilo wa bonse.? ³⁶ Kabiji waashikwile kaanyike ne kwikemika mukachi. Ne kumushikula na maaboko anji ne kwibaambila amba, ³⁷ "Awa ukataambula uno mwanyike mujizhina jami wantambula amiwa ; neyewa wantambula amiwa, kechi wantambula amiwa ne pakuba wataambula awa wantumine amiwa. ³⁸ kabiji Yoano wamwambijile amba, "twamweene umo kasa apangilamo bandemona monka mujizhina jenu ne atweba twamukainye, Mambo kechi witulondela atweba ne ." ³⁹ Kumvwa yesu wibambile amba , "kumukanya ne, pakuba kafwaako ukoba kiintu kya buluume mujizhina jaami ukakonsha kungambila bibi bukiji ne. ⁴⁰ Pakuba awaa wabula mulwanyi wetu ye wa kwetu. ⁴¹ Kabiji yense ukemupa kaapu waamema akutoma maambo mwibamukisemi kya kilishitu, kine nemwambila namba kechi ukapuswa kumfweto yami ne. ⁴² Kabiji awa ukatuntwisha bano bacheche bangitabila amiwa, kyawama kumukashila jibwe jikatampe panshingo yanji ne kumutaila kumukola. ⁴³ kabiji kuboko kobe kwakutuntwiisha, wiikuchibeko. Mambo kyakuwamina obewa kutwela kukila nabulema kukila kwikala namaaboko abiji kabiji nekutaiwa mungeyena, mumujilo ubula kuzhima. ⁴⁴ Amo muuzambo wabo kufwa ne, ne mujilo ubula kuzhima. ⁴⁵ Kabiji umvwe kulu kobe kwaatunwisha kuchibeko. Maambo kyakuwamina obewa kutwela nabulema kukila kwikala na maaulu abiji kabiji nekutaiwa mungeyena mumujilo ukabula kuzhima. ⁴⁶ Amo muzaambo wabo kufwa ne, ne mujilo ubula kuzhiima. ⁴⁷ Kabiji umvwe jinso jobe jakutuntwisha, jilobolemo mambo kyakuwamina obewa kutwela na jinso jimo kukila kutwela namenso abiji kabiji nekutaiwa mumgeyena. ⁴⁸ Amo muzaambo wabo kufwa ne, ne mujilo ubula kuzhima. ⁴⁹ Maambo bonse bakalungwa na mujilo. ⁵⁰ Mukele wawama, Pakuba umvwe mukele waaluka wasamuka, mukamutobeshe byepi? Ikalai na mukele mwi anwe bene, nekwikala namutende mwi anwe bene na bebe.