¹ Mubyobya bimye, kwajinga jibumba jikatampe, kabiji kechi bajinga nabyakuja biji byoknse ne. Yesu wayiitile baana banji babwanga kabiji waambile kwi abo, ² " Naubila lusa jibumba, mambo baikala ne amiwa kemoba asatu kabiji kechi bajapo kajo ne. ³ Inge ne batume kumizhi yaboo kwakubula kuja basa kutembuka mujiishinda. Kabiji bamo bafuma kwalepa." ⁴ Kumvwa bana banji ba bwanga ba kuumbwile amba, "Kwepi kotwafwainwa kufumya kajo kakwibekutisha abe baantu? " ⁵ Kabiji wibepwizhe , " Muji na bashinkwa banga? " Ba asukile amba, " Batanu na babiji." ⁶ Wakambizhe jibumba kwiikala panshi. Kabiji washikwile banshinkwa batanu na babiji kabiji wapikile sante, ne kwibatebaula, Wapaine ku bana baji ba bwanga amba bakatule , mu bwingi bwa bantu ne abo bebatujilenga mu bwingi bwa jibumba. ⁷ Kabiji bajinga ne na tumasabi tucheche, ne kwitupesha ne kukambizha bana banji ba bwanga ne kwi twabanya bulongo. ⁸ Kabiji bajile ne kwikuta, ne kutola bibese byashajilepo, misaansa itanu naibiji. ⁹ Abo bajinga pepi biumbi bitanu. Ponkapo wibatumine. ¹⁰ Ponkapotu kanjijile mu bwaato na bana ba bwanga, kebaye ne ku mande a aku Ndalamanuta. ¹¹ Ne ba Faliseo baishile batatwile kumupachika amba. Tubena kusaka kayukilo ka mwiulu, na kumweseka. ¹² Ponkapo watajizhishe mumupashi wanji ne kwamba amba, " Maambo ka kino kisemi kikeba kayukilo? Kiine nemwambila namba, kafwako kayukilo ka mwiulu ka kapanwa mukino kisemi." ¹³ Kabiji wibashile, nekutwela mubwaato jibiji wayile kubushiya. ¹⁴ Ponkapo bana baji babwanga balubile kusenda shinkwa ne abo. Kechi bajingapo nangwa naumo shinkwa mubwato ne. ¹⁵ Ne aye wibajimwine ne kwamba amba, " Twajijila mukumona mu mbizho ya ba Faliseo kabiji ne mbizho yakwa Heloda. " ¹⁶ Bana babwanga baambañene bene ba bene, " Maambo akubula shinkwa." ¹⁷ Ne Yesu pa kwikiyuka, wibambile amba, "Maambo ka o mwambañena na maambo akubula shinkwa? Mukyangye ku yukanyi? Nangwa kumvwisha nenyi? Michima yenu yaikala ya kosanyi? ¹⁸ Muji na menso, ke mumona nenyi? Muji na matwi, ne kumvwa nenyi? Kechi mwavuluka nenyi? ¹⁹ Byo natebawile bashinkwa batanu kubantu biumbi butanu, mwashikwile byaba bya minsaasa inga?" Ba mwambile amba, " Jikumi na bibiji." ²⁰ Kabiji byo natebawile bashinkwa batanu na babiji kubaantu biumbi bina, mwashikwile misaansa inga yayujile na bibese? " Bamwambile amba, " Itanu naibiji." ²¹ Ne aye wibambijile amba, "Mukyange kumvwanyi?" ²² Kabiji baishile ku Betesenda. Baantu bamuletejile mpofu wamulemene ku musaashijilapo amba Yesu wamu kwate aye. ²³ Yesu wamukwachile mpofu ku maboko, ne kumutwala pangye ya muzhi. Kabiji byo amushipijile mu menso anji ne ku mubika maboko, wa mwipwizhe amba, "Wamonapo kintunyi? " ²⁴ Ponkapo wainwine menso, ne kwamba amba, " Namona baantu babena kwenda nobe bichi." ²⁵ Kabiji wamubikile maboko pa menso anji jibiji ne aye washikwile menso anji ne kumona, jibiji kabiji wamwene bintu byoonse bulongo. ²⁶ Yesu wamutumine kunzubo yanji nekwaamba amab, "Kanda uyemu muzhi ne." ²⁷ Yesu wayile na bana banji ba bwanga mu mizhi ya Kasalea Filipa. Ne mu jishinda waipwizhe bana banji ba bwanga, "Nanchi baantu bantela amba ne ñanyi?" ²⁸ Bamukumbwile ne kwamba amba, " Yoano mubatishi. bakwaabo amba, 'Elaija', kabiji ne bakwabo, 'Umo mu bangauzhi. "' ²⁹ Ponkapo wibepwizhe, "Pakuba aneba muntela amba ñanyi?" Kumvwa Petelo amba, " Yenu Kilishitu. " ³⁰ Ne aye wibabujile amba, kubulapo nangwa umo pe amiwa ne. ³¹ Kabiji watatwile kwibafunjisha kyafwainwa mwaana muuntu amone bya malwa byavula, bakamukane ku bakulumpe ne ku bañanga bakatampe, ne kumwipaya, kabiji pa kapita mooba asatu uka sanguka. ³² Wambile bino byambo bulongo. Kabiji Petelo watwajile ku mbaji ne kutatula kumukanya. ³³ Pakuba aye pa kwaluluka ne kwibatala bana banji ba bwanga wamukainye Petelo wambile amba, "Pichiila kunyuma yami, Satana! Kechi ubena kubika mulaangwe yobe kubintu bya Lesa, kana kubintu byaabaantu. ³⁴ Ponkapotu waichile jibumba ne bana banji ba bwanga pamo, ne kwibambila amba, "Uvwe paji ukeba kundoondela ami, mulekai ekane mwiine, ashikule musalabu, andondele ami. ³⁵ Maambo awa usaka kupulusha mweo wanji ukamutaya mweo wanji ne awa ukataya mweo wanji maambo abyambo byami byawama, ne kwipusha. ³⁶ Kabiji nangwa muuntu ukanonka ntanda yonse ne kutaya mweo wanji ukajiilamo ka? ³⁷ Kabiji namba ikika kyo akapana muuntu kya kupimpula na mweo wanji? ³⁸ Uji yense ukangubila bumvu maambo ami mu bya bukeende ne butame bwa kisemi, ne mwana muuntu ukamubila bumvu byo akeya mulukuumo lwa ba shanji na ba malaika bazhila."