¹ Ba Faliiseo ne bamo banembeshi bafumine ku Yelusalema bamuzhokolokele. ² 2 Ba mweene amba baana baanji ba bwaanga baamo bajiile na mabooko abo oba zhiluulwile, ao, kwakubula koowako. ³ ( Pakuuba bafaliiseo ne ba Yudea boonse kechi baaja kwakuubula kowa kumaboko ne, maambo bakakachiila ku kisemwa kya bakulumpe. ⁴ Kabiji inge bafaliseo bafuuma ku kisankanyi, kechi baja umvwe kechi baowa ne, kabiji ba kakaachila bukiji ku bya kisemwa bikwabo byavula, nobe kaovwa ma nkomeki, mapuki, bikoopo bya mukuba, kabiji ne bipoona pobekala pakuja.) ⁵ Ba Faliseo ne banembeshi ba mwipwiizhe Yesu amba, " Maambo ka baana benu babwanga kyoba babujila kwenda mwaila kisemwa kya bakulumpe, byo baja shinkwa wabo kwakubula koowa kumaboko?" ⁶ Mino aye wibambile amba, " Isaya wa awile bulongo pe anweba ba kamfutuumfutu. Wa nemba amba, 'Abe baantu banemeka amoiwa na bya tunwa twabo, mino michima yaabo iji kwalepa ne amiwa. ⁷ Bupoopweshi bwatutu bo bampopweela amiwa, kufunjishanga mikambizho yabantu nobe ma fuunjisho abo.' ⁸ Mwaleka mukambizho wa Lesa ne kulama bukiji kisemwa kya baantu." ⁹ Kabiji aye wibambile amba, " Mwakana mukaambizho wa Lesa pakuuba amba mukonshe kulama kisemwa kyenu! ¹⁰ Pakuba Mosesa wa ambile amba, 'Nemeka bashoobe ne bainoobe, ' kabiji, 'Awa wambila kibi shaanji nangwa inaanji ukafwa kine.' ¹¹ Mino anweba mwamba amba, ' Inge muntu wa amba ku bashaanji nangwa bainaanji, " Bukwasho boonse bo mwakonsha kutambula kwi amiwa ke kobaana"' (kokwamba amba, ' Kya paanwa kwi Lesa') , ¹² Pano anweba kechi mwamuswisha kwibobila kiji kyonse bashaanji nangwa bainanji ne. ¹³ Mubena kulenga mukambizho wa Lesa ke waatu na kisemwa kyenu kyo mwafikizha. Kabiji ne bintu byavula bipasha byo muuba. " ¹⁴ Aye waichile jibumba jibiji ne kwibambila amba, " Umvwai kwi amiwa, anweba boonse, kabiji mumwishe. ¹⁵ Kafwako kifuma pangye ya muuntu kyakoonsha ku muzhiluulula inge kyatwela mukaachi kanji ne. Pakuba akya kifuma mukachi ka muuntu kyo kimuzhiluulula." ¹⁶ Inge muuntu uji yense uji namatwi, lekai aye omvwe. ¹⁷ Pano Yesu byo ashiile jibumba kabiji watwelele mu nzubo, baana baanji babwanga ba mwipwizhe pa kishimpi. ¹⁸ Yesu wa ambile amba, " Nanchi ne anweba mukijitu kwakubula milangwe nyi? Kechi mu moona amba kyonse kitwela mukachi ka muntu kufuma pangye kechi kyakoonsha ku muzhilulula ne, ¹⁹ maambo kechi kyakoonsha kuuya mu muchima wanji ne, pakuba kiya muunda yaanji kabiji nekulupukila mukyoloonyi, kajo konse katookeshiwa nyi? " ²⁰ Wa ambile amba, " Akya kiluupuka mu muuntu kyo kimuzhilulula. ²¹ Pakuuba mukachi ka muuntu, mu muchima, muluupuka milaanguluuko ibi, bulaalelale, bwivwi, kwipayañana, ²² bukende, lunkuumbwa, buubi, bujimbijimbi, bya bunya, lwiso, buubela, kwitoota, ne kukosaama. ²³ Bino byonse byataama bifuuma mukachi, kabiji byo bizhilulula muuntu." ²⁴ Waimene kufuma kookwa ne kuya ku maande aku Tila ne Shidona. Akwa waile mu nzuubo kabiji kechi wasakile muuntu naangwa umo kuyuuka koajinga ne, mino kechi wifiile ne. ²⁵ Kine, poonkapotu mwaana mukazhi wajinga namwaana wa mucheche wa mukazhi na mupaashi wabiipa wa umvwiile nkuuwa pe aye, waishiile ne kupoonena ku maaulu anji. ²⁶ Paano mwaanamukazhi wajinga mu Giliki, wa mukisaaka kya bena Sailofenisha. Wa musaanshiijile aye kufumya ndemoona mu mwana anji. ²⁷ Wa mwambile ku mwaana mukazhi amba, " Lekai baana bacheche pataanshi be bajishe . Pakuba kechi kyafwainwa kushiikula shinkwa wabaana ne kutaya ku bakaabwa ne. " ²⁸ Mino aye wa mukuumbwile ne kumwambila amba, " Ee, Nkambo, naangwa bakaabwa muunshi ya tebuulu baja bukuuku bulakaata pa kuuja baana." ²⁹ Wa mwambijiile mwana mukazhi amba, " Maambo wa amba bino, yanga wakasuuluka. Ndemoona wafumamo mu mwanoobe." ³⁰ Ne aye waile ku nzubo yaanji kabiji wataine mwanaanji wa laala pa mwaanya, ne ndemona waya. ³¹ Kabiji waile jibiji kufuma ku maande aku Tila, ne kupichiila mu Shidona kuuya ku kalunga ka ku Ngalilea kufika ne ku maande aku Ndekapolishi. ³² Ba muleetele umo washinkile maatwi washuupikiwanga pa kwaamba, kabiji ba musanshijile amba abike kubooko kwanji pe aye. ³³ Ne aye wamusendele kuumbaji kufuma mu jibuumba, kabiji wabikile minwe yaanji mu matwi anji, ne pa nyuma ya kushiipa, wa kwachile lujimi wanji . ³⁴ Kabiji wataajile mwiulu, waikizhile kyefu ne ku mwambila amba, "Efata, " ko kuuba amba, "Shinkuka!" ³⁵ Poonkapotu maatwi anji ashiinkukile, lujimi waanji wakasulukile, kabili watatwile kwamba bulongo. ³⁶ Ne Yesu wibakaambizhe amba kubuula naangwa umo ne. Mino aye na kwibakaambizha bino, neabo naabo bakwajijile na kwi kisapwila. ³⁷ Kabiji bekikumiishile bingi, ne kwamba amba, " Wauba biintu byonse bulongo. Aye ulengesha ne bashiinka maatwi kuumvwa ne ba kamama kwamba."