¹ Wafuuminepo nekubwela mu muzhi wanji, ne baana banji babwanga bamulondejile. ² Juba ja sabaado byojafikile, wafunjishile mu shinagoga. Ne baantu bavula bauvwine ne kukumya. B a ambile amba, "Kwepi koafunya ano mafunjisho? " Nga maana ka obamupa? " Na abyaakukumyaka byo ayingila namaboko anji? " ³ " Ke aye sendwe wene nyi, mwaana wakwa Maliya mulongo wakwa Yakoba ne Yoseesa ne Yuudasa ne Shimona? Banyenga yanji kechi tujinabo kuno natweba? " Betutwile namambo a Yesu. ⁴ Kabiji Yesu wibambila amba, " Ngauzhi kechi abule munema kanatu mu muzhi wanji ne, muukachi kabalongo banji ne ba munzubo yanji." ⁵ Kechi wakonsheshe kwingila mwingilo wabulume ine, poso kubika maboko anji pabakoolwa ne kwibabuka. ⁶ Ne aye wakuminye na milengulwila yaaboi. Kabiji wazhokolokelenga mu mizhi nakufunjisha. ⁷ Ponkapo wibechile baji jikumi ne babiji: Watatwile kwibatuma babiji babiji, ne kwibapa lusa lwa kushinda bapashi babipa, ne ⁸ wibambijile amba kechi musenda kintu nangwa kimo pa lwendo kanatu mukombo - kwakubula shinkwa, nangwa kyola, kabiji kwakubula maali mumafukuta enu- ⁹ kabiji muvwale ne makwabilo, kechi kuvwala mikangyo ibiji ne. ¹⁰ Kabiji wibambijile amba, " Jonse jomukatwela mu nzubo, kukalupukamo ne. ¹¹ Kabiji mutaanda mobakabula kwimutambula nangwa kwimuvwina anweba, pa kufumako, mukakunchile lukungu lwa kumaulu enu lukekale kelushimuno. ¹² Ponkapo bayile na kusapwila amba bantu bafuma ku bubi bwabo. ¹³ Kabiji bapangile bandemona, bavula, ne kwibashinga manyi bavula bakoolwa ne kwibabuka. ¹⁴ Ne mfumu Heloda wikyuvwine kino, mambo jizhina ja Yesu jakumbeene konse. Bamo baambilenga amba, "Yowano mubatishi wasanguka ku bafu, onkao mambo bino bya bulume bingila mwiaye." ¹⁵ Pakuba bakwabo amba, " Ye Elaija". Kabiji bakwabo amba, ye ngauzhi byonka byaajinga bangauzhi ba Lesa mukimye kyakala. ¹⁶ Pakuba Heloda byoauvwine waambile amba, " Ye Yona, ye nachibile mutwe, wasanguka." ¹⁷ Kabiji Heloda watumine miluwe ne kumukwata Yoano ne kumukasa mu kaleya mambo ( Helodyaasa muka Filipa mulongo wanji. Mambo Heloda wamusongwele aye.) ¹⁸ Yoano wamubujile Heloda amba, " Kizhila kusoongola muka mulongo obe. ¹⁹ Pakuba Helodyasaa wazhingijile ne kukeba kumwipaya, mino kechi wakonsheshe ne. ²⁰ Heloda wamwakamwine Yoano; wayukile amba wajinga muuntu wa bololoke kabiji wazhila, kabiji wamulengejile muteende. Kuteleka kwiaye kwamulengejile kuzhingila kukatampe, mino wamuvwine buloongo. ²¹ Kabiji kimye kyawama kyakusekelela juuba jasemekelwe Heloda batekejile byakuja binemanga, nebakulumpe babashilikale, ne batangi bamu Ngalileya. ²² Kabiji mwaana wakwa Helodyasaa wamukazhi waishile na kwizhila, Heloda ne baantu boachile basangalele. Ne mfumu wamwambijile amba , " Lomba kyonse kyoukeba sakukupakyo." ²³ Wachipile kwiaye nekwamba amba, " Kyonse kyousakulomba kwi amiwa, sakukupa, kufikatu neku lubaji lumo mu mfumu bwami." ²⁴ Kabiji walupukile ne kwipuzha bainanji amba, " Ne bepuzheka? " Kunvwa aye amba, " Mutwe wakwa Yoano mubatishi." ²⁵ Ponkapotu waiyile lubilo mwi mfumu, ne kwamba amba, "bampe ponkapano mutwe wakwa Yoano mubatishi pa lomvu." ²⁶ Nangwa kino kyamuletelejile mfumu bulanda, byonka byo kechi waswile kumutana ne, mambo a luchipo ne bantu boaichile nakuja nanji. ²⁷ Pokapotu mfumu watumine mushilikale wa mubakama banji ne kumukambizha amba akalete mutwe wa Yoano. Ne kalama wayile nakumwipaya ne kuleta. ²⁸ Waletele mutwe pa lomvu ne kumupa awa kamwale, ne aye wapele bainanji. ²⁹ Ne baana banji babwanga byobaunvwine, ba sendele mubiji wanji ne kumubika mukilende. ³⁰ Kabiji baatumwa babwelele kwi Yesu nekumubula byonse byo baubile ne kufuunda. ³¹ Kunvwa aye wibabujile amba, " Iyai kwabunke bwetu mungyetu mukokoloke. " Bavuula beya ne kuya, kabiji kechi ne na kimye kyakuja ne. ³² Kabiji bayile na bwato mungyetu bunke bwabo. ³³ Kabiji bebamwene saka baya ne bavuula bebayukile, ne abo bonse banyemene lubilo kuya konka balupukile lubilo mu mizhi yonse, ne abo bafikilepo bukiji sabakyangye abo kufika. ³⁴ Ne aye byoatuuntukile, wamwene jibumba jikatampe wibobile lusa mambo bajinga nobe mikoko yabula kafuunga. Ponkapo watatwile kwibafunjisha bintu byavula. ³⁵ Kabiji juba byo japonene, bana banji babwanga bayishile kwiaye amba, " Muno mungyetu kabiji kimye kyapwa. ³⁶ Batumayi baye mu kyalo kwipi na mizhi bakepotele bya kuja abo bene." ³⁷ Aye wibambijile amba, " Anweba mwibapepo biji byonse baje. ³⁸ Kunvwa aye wibambile amba, " Muji naba shinkwa banga? Yayinga mukamone." Byo bayukile, ba mwambijile amba, " Bashinkwa batanu ne masabi abiji. " ³⁹ Wibakambizhe bonse baantu kwikala bilumbiji bilumbiji pa nsono yamunyenvu. ⁴⁰ Bayikele bilumbiji bya bitota ne makumi atanu atanu. ⁴¹ Watolele banshikwa batanu ne masabi abiji, ne kutala mwiulu wapesheshe ne ku tebula bashikwa ne kwibapa bana babwanga amba bebipane kubaantu. Kabiji wibabenye masabi abiji bonse tu. ⁴² Ne bonse bajile kufika ne kukimye kyobayikuchile. ⁴³ Batolele tubitebu twashinkwa, misaansa jikumi na ibiji yayujile, kabiji ne tubitebu twa masabi. ⁴⁴ Bajinga bana balume biumbi bitanu bajile shinkwa. ⁴⁵ Ponkapotu wibakanjizhile bana babwanga mu bwaato amba baye kubushiya, nekuya ku Betesenda, aye saka akibwezhelengamo baantu bavuula. ⁴⁶ Byo bayile, wayile pamutuumba nakulomba. ⁴⁷ Byo kyafikile mabanga, ne bwaato bwajinga pakachi ka kalunga, ne aye wajinga bunke pa kituulu. ⁴⁸ Kabiji byo ebamwene kasa bamona malwa pa kuvuba, mambo mwela wibakatezhe pepi nakilo kyabuna bufuku ne aye wayishile kobajinga, sabenda pa kalunga, kabiji washi akebapitayile. ⁴⁹ Kabiji byo ba mumwene saka enda pakalunga balangulukile amba kipuku kebetaminetu miteeto. ⁵⁰ Mambo ba mumwene ne abo bajinga namoyo, ponkapotu waambile nabo nekwamba amba, " Sekelayi ! Ye amiwa pano! Kuchina ne ! " ⁵¹ Wayile mubwaato nabo, ne mwela walekele kupuupa. Baishile bakumya biingi. ⁵² Kechi bauvwishishe byalumbulula mashinkwa ne mambo michima yabo yakosele. ⁵³ Byo ba abukile kubushiya, bayishile ku ntaanda ya Ngeneseleta ne kukasa bakashile bwato kukitulu. ⁵⁴ Byobafumine mu bwaato, baantu bamuyukile ponkapotu. ⁵⁵ Kabiji banyemene mu nyaunda yonse ne kutendeka kuleta bakolwa pa bilalo byaabo konse kobauvwine amba koaji. ⁵⁶ Jonse pakutwela mu muzhi, nangwa mu mizhi ikatampe batunchilenga bakolwa pabisakanyi. Nangwa mu kyalo, batungilenga bakoolwa pa kisakanyi. Ba musashijile amba ba ebaleke bakwate kunsa ya kyakuvwala kyanji, kabiji ne bavuula bamukwatile ba bukilwe.