¹ Ba Ishile kubushilya bwa kalunga ka meema ku kijiji kya Ngelasenesa. ² Yesu byo a fumineenga mu bwaato, ponkapotu kwaishile kwi aye muuntu wafumine kubileende wa jiinga na mupashi wa biipa. ³ Ao muuntu wa ikajileenga kubileende. Kafwapo wa konsheshe ku mukwaatane nangwa na munyoloolo. ⁴ Ba mukashile bimye byavula na mashiimbi a kumaulu ne minyoloolo. Wachibawile minyoloolo ne mashimbi a kumaulu byonse byachibawilwe. ⁵ Joonse bufuku ne mute kubileende ne ku mituumba wajijileenga ne kwi chibaula mwiine na mabwe atwa. Kafwako wajinga na ngovu ya kumu kwaata. ⁶ Byo amwene Yesu pa leepa, wa nyemejile kwi aye Yesu ne kufukama. ⁷ Wajijile na jiwi jikataampe amba, " Ngube byeepi kwi anweeba, Yesu Mwana wa mwiine Lesa wakila? Ne musashijila mwi Lesa mwiine, kumanyika ne." ⁸ Waambileenga kwi aye amba, " Fuma mu muuntu, obewa mupashi wa biipa." ⁹ Wa mwipwiizhe amba, " Jizhina joobe wiñanyi? " Wa mukumbwile amba, jizhina jaami nzhinta maambo twa vula." ¹⁰ Wa musanshijile jikwabo ne jikwabo kubula ku mufumya mu nzhita. ¹¹ Mino jitaanga ja bankumba ja jileenga ku mutumba. ¹² Ba Musanshijiile amba, "Tutumai tu tweele mu bankumba; tutweele mwi abo." ¹³ Ne aye wiba swishishe; bapashi ba biipa bafuminemo ne kutweela mu ba nkumba, ne jitanga jonse jakunkulukile mukolo lubilo kuya mu meema (bajinga pepi na biumbi bibiji ) ne kuloba balobele mu meema a kalunga. ¹⁴ Mino ne booba ba jishishenga ba nkumba ba nyemeneko ne kuya na kushimuna byaubilwe mu muzhi ne mu manyaunda ne baantu baile konka mu kumona bya uvilwe. ¹⁵ Kepo ba ishile kwi Yesu ne ku mona muuntu wajiinga na mupashi wa biipa, aye wa nonkelwe na nzhita, saka aikala wa vwaala ne maana anji a bu muuntu; ne abo ba ubilwe mooyo. ¹⁶ Abo ba mwene bya ubilwe ku muuntu wa nonkelwe na nzhita beba bujile byoonse bishiinka ne maambo a aba nkumba. ¹⁷ Kepo ba tendekele kumusanshijila Yesu amba afumeko ku mpunzha yaabo. ¹⁸ Byo aileenga mu bwato, muuntu wa nonkelwe na nzhita wa mu sanshijile amba ayeenga nanji. ¹⁹ Pakuba Yesu kechi wa muswiile ne, wa mwambijile mba, yange ku ba mu nzubo yabe ne ku balongo boobe ne kwiba lumbulwiila byonse byo emubila nkambo ne byo e mumwesha lusa. ²⁰ Ponkapo waile ne kutendeka wa tendekele kusapwiila bintu bika tampe bya mubijiile Yesu mu ma Ndekapoli ne bonse bakuminye. ²¹ Kabiji Yesu pakwabukila bushiiya jibiji mu bwaato, jibuumba jikataampe japwijile saaji kwipi na kalunga. ²² Ponkapo kwaishile ne umo mukulumpe wa shinagoga, jizhina janji Yeilusa; ne aye pa ku mumona Yesu, waponeene panshi ku maulu anji. ²³ Wamusanshijile jikwaabo ne jikwaabo amba , "Kaana kaami ka kakazhi kaji peepi na kufwa. Ne musanshijila, iyai ne kwi kabiika maboko enu kapuluke." ²⁴ Ne aye waile nanji ne jibumba jiikataampe ja mulondejiile ne ku mubuumba. ²⁵ Ne mwaanamukazhi wa kikola kya kupita mashi myaaka jikumi jimo ne myaaka ibiji wajingapo. ²⁶ Wayanjile pakataampe kufuma ku ba ñanga ne kutaaya byoonse byo ajinga nabyo, mukimye kya kuuba amba abukwe kyakilamo. ²⁷ Byo aumvwiine lushimuno lwa Yesu, waishile kunyuma yanji mu jibuumba ne ku kwaata kuki vwaalo kyanji. ²⁸ Wa ambile amba, "Inge na kwaatatu nangwa kukivwaalo kyanji sa kupuluka." ²⁹ Byo a mukwachileetu, kupita mashi kwa lekele, ne mubiji wanji waumvwanyikile amba wa puluka ku lukatazho. ³⁰ Yesu ponkapotu wayukile amba bulume bumo bwafumamo, mu mubiji wanji. Wa alulukile mujibuumba ne kwamba amba, " Waji kukwata ku kyakuvwala kyaami ñanyi? ³¹ Baana ba bwanga banji ba mwambijile mba , "Mwamona jibuumba jimubuumba, ne anweba ke mwambe mba wankwata ñanyi? " ³² Bino Yesu watajile tajile ne kumona wi kwibile. ³³ Wa mukazhi pakuyuuka kya ubilwe kwi aye waubile mooyo ne kuzakama. Wa ishile ne kuponena kwi aye ne ku mubuula byonse bya kiine bya ubilwe. ³⁴ Wa mwambijile mba mwanami wa kazhi lwitabilo loobe lwa ku pulusha. Yanga mumutende wikale mutuntulu kikola kyoobe kipwetu. ³⁵ Byo akyambilengatu, baishile ba fumine ku nzubo ya mukuluumpe wa shinagoga, amba mwanemu wafwa. Mwamukabishishaaka mufunjishi ne pano? ³⁶ Pakuba Yesu, pakumvwa ao mambo obaambile, wa mwambijile mukulumpe wa shinagoga amba, kuuba mooyo ne itabilaitu. ³⁷ Kechi waitabiizhe muuntu uji yense kuya nanji, kufumyakotu Petelo, Yakoba, ne Yoano, muloongo wa Yakooba. ³⁸ Ba Ishile kunzubo ya mukulumpe wa shinagoga ne kumona wa mweene popa baantu bavula baubileenga kyoongo, bajijileenga ne mabiingo kuwowonkana. ³⁹ Byo a tweelele mu nzubo, wibambile mba, mambo ka kiwowo ne kujilaa mabiingo? Mwaana kechi wafwa ne, walaala tulo. ⁴⁰ Abo basekeleenga. Bino aye wiba lekeletu boonse ne kuseenda shanji mwaana ne ina mwaana ne boa jinga nanji ne kutweela mwajinga mwaana. ⁴¹ Wa kwaachile mwaana kukuboko ne mwambila amba, "Tabita kumi! " Pakulumbulula kokuba amba, "Mushiimbi na kwambila namba buuka." ⁴² Ponkapotu mwaana wabukile ne kwenda ( wajinga na myaaka jikumi jimo ne ibiji). Ne abo ponkapotu ba kuminye ne kukumya kukatampe. ⁴³ Kabiji wifunjile amba kechi kyafwainwa nangwa umo kuyuuka ne. Kabiji wa kambizhizhe amba, mupai bya kuja.