¹ Ne aye watatwile kufunjisha kuunsa ya kalunga, kabiji jibumba jikatampe jamuzhokolokele aye. Ne aye wakanjijile mu bwaato bwajinga pa kalunga nekwikaala moonka. Jibumba jonse jajinga ku museezho kuunsa ya kalunga. ² Ne aye wibafunjishilenga bintu byavula mu bishimpi kabiji, ne mukufunjisha kwanji, bino byo byo ebambijile amba. ³ "Umvwai, njimi wayile na kukusa nkunwa yanji. ⁴ Byo a kuushile, imo nkunwa yaponejile mumukwakwa, ne bañonyi baishile ne kwiija. ⁵ Nkunwa ikwabo yaponejile pakibangabwe, poya bujile kwikala na muushiji waavula. Ponkapotu ya menene, mambo kechi yajinga na mushiji wazhika ne. ⁶ Kabiji pa kusama juba, biijimwa byaipile, mambo kechi yajinga na mizhazhi ne, nekuma byauumine. ⁷ Kabiji ne ikwabo yaponene mumiba. Kabiji beyasawile kumiba byo yakomene, kabiji kechi pangile bipangwa ne. ⁸ Yikwabo nkuunwa yaponejile mu mushiji wawama kabiji ya pangile bilangwa bya komenenga kabiji byavujilenga makumi asatu, makumi atanu najimo, kabiji nangwa kitota kimo." ⁹ Ponkapo wambile amba, "Awa uji na matwi a kumvwa, lekai omvwe!" ¹⁰ Kabiji byo ajinga bunkebwanji, kabiji ne abo baji kwipi ne aye ne bajikumi ne babiji banmwipwizhe mwayila byo bya bishimpi. ¹¹ Waambile kwiabo, "Kwi anweba kyapewa kyafyamika kya mu bufumu bwa Lesa pakuba kwi abo baji pangye bintu byonse byaubiwa mu bishimpi. ¹² Byonka byo inge bamoona , ee bamoba, mino kechi bamona ne, kabiji byonkabyo inge baumvwa, ee bomvwa, mino kechi bomvwa ne, nanagwa bakonsha kwaluka ne Lesa ukebalekelako mambo. " ¹³ Kabiji wibambijile, "Nanchi anweba kechi mwaumwa kino kishimpi nenyi? Pano muumvwa byepi bishimpi bikwabo? ¹⁴ Njimi ubyala nkunwa yanji yei umo ubyala ne byambo. ¹⁵ Bano bobamo baponejile kuunsa ya jishinda, koba byajilwe byambo kabiji pa kwi omvwa mambo, Satana wiya bukiji nekusenda byambo byo ba byajile mwiabo. ¹⁶ Abe bo bamo babyajilwe pa kibangabwe, abo inge baumvwa byambo; ponkapotu bebitambwila na lusekelo. ¹⁷ Kechi baji na mizhazhi mwi abo bene ne, mino bekalamotu ka kimye kacheche. Kabiji pa kwiya bya malwa ne bya kumanama na mambo a bino byambo, ponkapo beyituntula. ¹⁸ Kabiji bakwabo bo boba bakushilwe mu miiba. Bomvwa byambo, ¹⁹ ne bya kutabataba bya pano pantanda, ne bujimbijimbi bwa bunonshi, ne bya kusaka saka bintu bikwabo, pakutwela bya aswa na byambo, kabiji kechi kipanga bipangwa ne. ²⁰ Aba ba kushilwe mumushiji wawama ba nekwibitambula, nekupanga bipangwa- makumi asatu, makumi atanu na jimo, 'Nangwa misinsa kitota kimo yakushilwe." ²¹ Yesu wibambijile amba, " Nanchi muleta lampi mu nzubo nekumubika munshi ya musansa nyi nangwa munshi ya mwanya nyi? Mwiileta mukachi nekubika kya kubikapo malampi. ²² Pakuba kafwako kya fyamika kikabula kuyukanyikwa ne, kabiji kafwako kya bufyanfya kikabula kumweka patooka. ²³ Inge muntu uji namatwi a kumvwa, lekayi omvwe!" ²⁴ Kabiji wibambijile amba, " Bikayi ko maana kubyo mumvwa, pakuba kipimo kya mwingijisha bakemupiminako ne anweba, kabiji bakemibikilapo byavula. ²⁵ Mambo awa yense uji nabyo, aye bakamubikilapo nekukwabo, ne awa yense wabulakyo, nebyo aji nabyo bakamwangata." ²⁶ Kabiji naye wambile amba, byonkabyo ne bufumu bwa Lesa buji noobe muuntu ubyala nkunwa yanji pa mushiji. ²⁷ Ulala bufuku ne kubuuka mu mute, kabiji nkunwa ilupuka ne kukoma, mino aye kechi uyuka ine. ²⁸ Ntaanda ipanga nkunwa yayo yiine: patanshi musele, biino kutwi, mino lukunwa wakoma mukutwi. ²⁹ Kajo inge kapya, ponkapotu tumamo kikwaakwa mambo kunowa kwafika. ³⁰ Kabiji wambile jibiji amba, "Kika twakonsha kupanshañanya na bufumu bwa Lesa, nangwa kishimpi ka kyo twafwainwa kwingijisha pa kwibulumbulula? ³¹ Yiji nobe lukunwa lwa lubanga, inge belubyala, kelukunwa wakepesha pankunwa yonse pano pataanda. ³² Ponkapo, inge yabyalwa, kikoma kabiji kikoma kyakila ne byonse bijimwa mubijimi, kabiji kipanga misampi, ikatampe pakuba amba ba ñonyi ba mwiwulu bakonshe kupanga biinsa bya bo mukafuntele kakyo." ³³ Na mambo abishimpi byavula nobe kikye waambile byaambo kwi abo, kweseka na mobakonshele kwiomvwina, ³⁴ kabiji kechi waambile kwi abo kwakubula kishimpi ne. Pano byo ajinga bunke bwanji, wibalondolwejile byonse bana banji ba bwanga. ³⁵ Pa joja juuba, byo kyafikile mabanga, waambile kwi abo, "Twayayi twabuke bushiya." ³⁶ Kepo bashile jibumba, basenda ne Yesu pama byonka byo ajinga mu bwaato. kwajinga ne matoo akwabo ayilenga nanji. ³⁷ Kabiji kipuupu kikatampe kyabukile ne manyaki ke asampaukile mu bwato onkao mambo bwato bwa jiinga peepi kuyuula na mema. ³⁸ Ne aye mwine Yesu wajinga ku ntongo ya ku nyuma saalala mutulo. Ba mubushishe, wambile amba, mufunjishi, kechi mwituta muchima byotubena kukeba kufwanyi?" ³⁹ ponkapo wabukile, ne kukajipila kipupu, ne kwa amba ku kaluunga ka mema, "mutende! wikale! " kabiji ne kipupu kyazhindamine, kabiji kwajiinga kuzhindama kukatampe. ⁴⁰ Kabiji wibambijile, " Amba mwaubilaka moyo? kechi muji na lwitabilo nenyi?" ⁴¹ Kabiji bayuujilwena moyo wukatampe kabiji ne kwaambañana bene na bene,"nanchi uno ye nanyi, pakuba ne kipupu nekalunga kamema kamukokela aye?"