¹ Yesu washile yoyampunzha nekuya ku kumpunzha ya Yudeya kumusezho wa mukola Yodano, ne jibumba jaishile kwi aye jibiji. Wiba funjishenga jikwabo, byobamujilemba obe. ² Kepo ba Faliseo baishile kwi aye muku mweseka nekumwipuzha, " Bushe kyakanwa mwana mulume kukana mukazhi wanji?" ³ Wakumbwile amba, " Nanchi Mosesa wimu kambizhe mba ka ?" ⁴ Baambile amba, " Mosesa waswishe mwana mulume kunemba nkalata yakwikana nekumutumina ne kumupanga." ⁵ "Kena maambo akukosa kwamichima yenu kyo a nembele uno muzhilo," Yesu waambile kwiabo. ⁶ " Mino kufuma kuntendekelo yakulengwa, 'Lesa walengele wamulume ne mwana mukazhi.' ⁷ 'Namambo akino mwana mulume ukaleka bashanji neba inanji nekulamachila kumukazhanji, ⁸ ne abo babiji bakekala kemubiji umo.' Pano kechi baji babijine, mino mubiji umo. ⁹ Onkao mambo Lesa kyoasamba kanya, muntu kechi ekyabanyene." ¹⁰ Byobajinga munzubo, bana babwanga bamwipwizhe jikwabo pakino, ¹¹ wa ambile kwiabo, "Yense wakukana mukazhanji nekusongola ungi mwana mukazhi ubena kuba bukende nanji." ¹² Inge wakana mwata wanji nekusongolwa kumwa namulume mukwabo ubena kuba bukende." ¹³ Kepo ba letele twana tu cheche amba ebabike makasa, mino bana babwanga bebakajipijile. ¹⁴ Mino Yesu byo ayukile, kechi wikyumvwine bulongone waambile kwiabo amba, "Balekai ba na bacheche beye kwi amiwa, kechi mwiba kanyene, maambo bufumu bwa Lesa kebwa bonka baji nobe babe. ¹⁵ Kine naamba kwi aneba. Awa ukabula kutambwila bufumu bwa Lesa nobe kana kacheche kine mwane kechi ukatwela." ¹⁶ Watolele baana mumaboko anji nekwi ba pesha byo ebabikile maboko pe abo. ¹⁷ Byo atatwile lwendo, mwaana mulume wamunyemejile nekumufukamina, nekumwipuzha, " Mufunjshi wawama, ngube byepi pakwamba amba nswane bufumu bwamyaka? ¹⁸ Yesu waambile amba, " Mambo ka kyomubena kungi chilamba wawama? Kafwako wawamane kanatu Lesa bunke. ¹⁹ Mwayuka mikambizho: kwipayangana ne, kuba bukende ne, kwiba ne, kubepala mukwenu ne, kujimbangana ne nemeka bashobe neba inobe."' ²⁰ Kuvwa aye amba, " Mufunjishi, abye byonse nebi kokela kufuma kubwanyike bwami." ²¹ Yesu wamutajile nekumutemwa. Wamwambile amba, "Mwabulwa kimo. Mwafwainwa kupotesha byonse byomuji nabyo nekupana kuba landa, kabiji mukekala na nsabo mwiulu. Mino mwiye, mundondele." ²² Mambo abino byo ba mwambijile wamwekele kubula kukasuluka waile ne kumuchima bwii. ²³ Mambo wajinga nabuno nshi bwavula. Yesu waalulukile nekutaka kubana ba bwanga banji, " Kyakatazha bingi bantu ba nonka kutwela mubufumu bwa Lesa! " ²⁴ Nebana babwanga bakiminye bingi nabyambo byanji. Mino Yesu waambile kwi abo jikwabo, "Bana, byokyakatazha kutwela mu bufumu bwa Lesa. ²⁵ Kyapela ngamela kupita mujinso janguya kukila munoshi kutwela mubufumu bwa Lesa." ²⁶ Bakuminye bingi baambangene bene na bene, " Pano iñanyi wafwainwa kupuluka? " ²⁷ Yesu wibatajile nekwamba, kubantu kechi kya konshekane, mino kechi kwi Lesa ne mambo byonse bya konsheka kwi Lesa." ²⁸ Petelo watatwile kwi ambisha mwine, "Monai, twasha byonse nekwimulondela neba." ²⁹ Yesu waambile, "Kine na amba kwi anweba, kafwako nangwa umo washa nzubo, nangwa mulongo, nangwa nyengam nangwa inanji nangwa shanji, nangwa bana, nangwa mushiji, palwa amiwa, namaambo awama ³⁰ ukabula kutambwila bimye kitota biji luno ino ntanda mazubo, nebalongo nebanyenga nebamaama, nebaana, ne mishiji, nalumanamo muntaanda ibenakwiya, bumi bwa myaka. ³¹ Bavula batanshi bakekala bapelako, ne bapelako baikala batanshi." ³² Bajinga mujishinda, kuyaku Yelusalema, ne Yesu wajinga ponka kulutwe yabo. Bana ba bwanga bakuminye bingi, neboboba londejilenga panyuma ba umvwa ne moyo. Mino Yesu wasendele bajikumi ne babiji kumbaji jibiji nekutatula kwibabula bisa kumumwekela katataka. ³³ Monai, tubena kuyaku Yelusalema, ne mwaana wamuntu baka mufikizha kuba ng'ang'a bakatampe neba nembeshi. Ne abo bakamufwisha nao alifu nekumutwala kubangechila. ³⁴ Bakamba mwenga, kumushipila mate, ne kumututa ula nekumufikizha kulufu. Pakupitapo moba asatu ukasanguka." ³⁵ Yakoba ne Yowano, bana bakwa Zebede, baishile kwi aye nekwamba amba, "Mufunjishi, twakeba amba mwitubile byonkabyo twaipuzha." ³⁶ Waambile kwiabo, " Mwakeba amba amiwa nemubileka? " ³⁷ Baambile amba, "Tuswishai twikale ne aneba mulukumo lwenu, umo kukilujo nemu kwabo kukuboko kwa kipiko monka mulukumo lwenu." ³⁸ Yesu wiba kumbwile amba, kechi mwikiyuka kyo mubena kwipuzha. Mwafwainwa kwikatoma katomeno konkatoma nangwa kushinda lubatizhilo lombena kubatizhiwa?" ³⁹ Baambile kwiaye amba, " Twakonsha, " Yesu wa ambile kwi abo amba, katomeno konkatoma ne aneba mukeka toma, nelubatizhilo lo nabatizhiwa, ne aneba mukabatizhiwa. ⁴⁰ Mino kuyuka ukekala kukuboko kwakilujo nangwa kukipiko kekyami kyakubane, kekyaboba bo kyanengezhiwila." ⁴¹ Byobe kyumvwine ba tumwa teni bakwabo, batatwile kwiba Zhingijila ba Yakoba ne Yowano. ⁴² Yesu wibechile koajinga nekwamba amba, mwayuka ababa yukanyikwa amba ba bantangi babangetila bobilai bunkambo neba ntangi wabo bene balusa lwibakila. ⁴³ Kechi kikale mujije jishinda mukachi kena ne. Yense ukeba kwikala mukulumpe mwi aneba ekale kalume, ⁴⁴ ne yense wakeba kwikala mutanshi mwi aneba ekale muzha kubonse. ⁴⁵ Mambo mwana muntu kechi waishile mu kumwingijila ne, mino mukwingila, neku pana mweo wanji kekya kukula bavula, ⁴⁶ Baishile ku Yeliko. Byo ashile Yeliko nebaana babwanga banji nejibumba jikatampe, mwana Timesa Betimasi, mpofu walulombo, waikajile kunsa yajishinda. ⁴⁷ Byo aumvwine mba Ye Yesu mwina Nazala, watendekele kubijika nekwamba amba, "Yesu, mwana Davida ubai lusa pe amiwa! " ⁴⁸ Bantu bavula ba mukajipile mpofu, kumubula kuzhindama. Popo abijikishe nekukilapo, Mwana Davida, ngubilai lusa!" ⁴⁹ Yesu waimene nekukambizha kumwita. Ba mwichile mpofu, amba, "Shipa! Imana! ubena kukwita." ⁵⁰ Wataile munkukumba wanji, ne kwimana ne kwiya kwi Yesu. ⁵¹ Yesu wamukumbwile ne kwamba amba , "Mubena kukeba amba amiwa nemubileka? Mpofu walulombo waambile amba, " Labi, mbena kukeba Menso." ⁵² Ne Yesu waambile kwiaye amba, Yanga lwitabilo lobe lwakupulusha." Ponkapo watatwile kumona jikwabo, kabiji watatwile kumulondela mujishinda.