¹ Pano pakupita mooba abiji ke kijiilo kya lupitailo ne ba shinkwa bakubula mbizho. Bañanga bakatampe ne banembishi bakebeele mwakumongyela Yesu kabiji ne mwa kumwipayila. ² Byo baambilenga, "Kechi pa kimye kijiilo ne, pa kuba amba kiwowo kechi kibuuke mubaantu ne." ³ Kabiji Yesu byo ajinga mu Betani mu Nzubo ya Shimona wa mbuumba, ne byo awamishilenga pa tebulu, mwana mukazhi waishile kwi aye na musanshi wa alabasita wamaanyi a mutengo, a wamisha a Nadi. Washikula ne kumwitulwila mu mutwe waanji. ⁴ Kabiji pajinga bamo bazhingijile. Baambijile mukachi ka michima yaabo, " Ikika kyoasaka uno mubi? ⁵ Maanyi anunkila buloongo afwainwa kupoteshiwa kukilailatu ne pa bitota bisatu bya dinali, ne kupana kubalanda." Kabiji bamu munyinyichilenga. ⁶ Yesu wibambijile amba, "Mulekai buunke bwanji. Ikika kyo mubeena kumukatazhila? Wauba kintu kyaawa bingi kwi amiwa. ⁷ Pakuba mujitu na lumanamo mwi anwe beene, ne joonse mwafwainwa kuba kyawama kwi abo, bino kechi mu kekala ne amiwa kimye kyoonse ine. ⁸ Wauba kyo afwainwa kuuba. Wanshinga maanyi mubiji waami a kuzhiikwa. ⁹ Kyakine naamba kwi anweeba, moonka byambo bya waama mo bebisapwila mu ntaanda yonse, bya aba uno mwaana mukazhi beka mbwapo, mukumuvuluka aye." ¹⁰ Kabiji Yudasa isakalyota, umo wamuba jikumi ba babiji, waile kuba ñanga bakatampe pakuba amba amulubule kwi abo. ¹¹ Bañaanga bakatampe byo bauvwine pa kino, baji na lusekeelo bingi ne kumulaya kumupa maali. Watendekele kukeba jishinda mwa kumulubwila kwi abo. ¹² Pa juuba jitanshi ja kuja shinkwa, byo balambwile mwaana mukooko wa kijilo kya lupitailo, baana baanji ba babwanga baambile kwi aye, "Musaka atweeba tuye nakunengezhela kweepi, pakuuba muje kijilo kya lupitailo?" ¹³ Kabiji watumine baana banji ba bwaanga babiji ne kwi baambila mba, " Yainga mu muzhi, kabiji ne wamulume wasenda mulondo usa kwimusambakana. Mumulondele. ¹⁴ Po esakutwela munzubo, mumulonde mukachi ne kwamba na mwina nzubo, ' Mufunjishi waamba amba, " Kibamba kya bweenyi kijipi amo musakujila kijilo kya lupitailo na baana baami ba bwanga? " ¹⁵ Usa kwimumwesha kibamba kiktampe peulu kya nengezhewa jimo. Mupange lunengezho lwetu amwa monka." ¹⁶ Baana ba bwanga bebashile ne kuya mumuzhi. Kabiji wataine boonse moonka mo beba bujile, kabiji banengezhele kijilo kya lupitailo. ¹⁷ Ne kimye kya mubanga byo kyafikile, waishile na jikumi na babiji. ¹⁸ Byo baikelenga panshi kutebulu na kuja, Yesu waambile amba, "Kyakine ne mwaambila, umo wamwi anweba ye mbeena kuja nanji kutebulu ukansolola. " ¹⁹ Kabiji bonse bajinga na bulanda bukatampe, kabiji pamuuntu pa muuntu be ambishe bene na bene amba, " Kyakine kechi amiwa ne? " ²⁰ Yesu wibakumbwile ne kwamba amba, "Umo wamu jikumi na babiji, yenka ubeena kutanta nshinkwa mu muchiba umo ne amiwa. ²¹ Pakuba mwana muuntu kyamufwainwa kuya monka mwaambiwe bineembelo pe aye. Pano awa wamulume ukamusolola mwaana muuntu! Kya mufwaijilwetu nekubula kusemuka." ²² Byo bajilenga, Yesu watoleele shinkwa, ne kwi ipesha, ne kwi itabula. Ne kwi bapa ne kwaamba amba, " Tambulayi. Uno ye mubiji wami." ²³ Watolele katomeno, ne kusanta, ne kwibapa, kabiji batomenemo boonsetu. ²⁴ Waambile kwi abo, " Ano omashi ami alulayañano, emwichikila bavula. ²⁵ Kyakine nemwaambila naamba, kechi nkatomapo jibiji meema apaangwa kukipangwa ine poso nkatome apya a mufumu bwa Lesa." ²⁶ Kabiji byo baimbile lwimbo, baile kumutumba wa Olobeta. ²⁷ Kabiji Yesu waambijile amba, "Anwe boonse mukapona maambo kyalembwa, 'Kafumyapo kafnga ne mikoko ikanyema.' ²⁸ Pano byo nkabuka jibiji, nkatangilapo ku Ngalileya." ²⁹ Petelo wamwambijile amba, "Nangwatu boonse baketuntula, amiwa ne." ³⁰ Kabiji Yesu waambile kwi aye, "Kine nemwambila naamba, jaleelo, bonka bufuku bwa leelo shikombwe saka akyangye kukokola jibiji musa kunkana jisatu. " ³¹ Kabiji Petelo wamwambijile amba, " Kyamfwainwa kufwa neenu kechi nsakwimukana ine." Kabiji boonse ba mwambijile byonkabyo. ³² Kabiji baishile ku mpunzha itelwa amba Ngesemani, ne Yesu waambijile baana banji babwanga amba, "Ikalai pano byo nkilomba." ³³ Wasendele Petelo, Yakoba, ne Yoano ne aye ponkapo watendekele kukakilwa, ne kunemenwa mu muchima wanji. ³⁴ Ne aye wambile kwi abo, " Mweeo wauba bulanda, usaka kufwa. Shalayi paano mulabenga. ³⁵ Ponkapo waendele pacheche, Yesu waponene panshi ne kulomba amba umvwe kyakonsheka kubiwa, kino kimye nkimpitaile. ³⁶ Kabiji waambile amba, " Abba, Taata, byoonse bya konsheha komuji. Fumyai kano katomeno kwi amiwa. Pkuuba kechi kusaaka kwami, poso kwenu. " ³⁷ Ne byo abwelele wataine saka balala, ne kwaamba amba Petelo, "Shimona, mwalaala nyi? Kechi mwakonsha kulaba kimye kimo ne nyi? ³⁸ Labai ne kuloomba kutweela mulweseko ne. Mupashi waswa, pakuba mubiji wakoka." ³⁹ Kabiji wabwelele jibiji nakulomba, ne kwingijisha byonka byambo bimo. ⁴⁰ Kabiji byo abweelele jibiji, wibataine saka balaala, mambo menso abo ajinga anema. Kechi bayukile bya kwamba aye ine. ⁴¹ Kabiji byo abwelele jabusatu wibambijile amba, " Mwakilaala sa nakukokoloka? Kyawama! Pano kimye kyafika. Taalai! Mwaana muuntu bamusolola ku maboko a banguba bubi. ⁴² Imanai; tuyenga, Pano talayi, usa kunsolola uji pepi." ⁴³ Byo akyambilenga, Yudasa, umo wamu jikumi nababiji, wasolomokele, ne jibumba jikatampe jaji ne aye jasenda ne mapoko ne mafimbo, kufuma kuba ñanga bakatampe, ne banembeshi, ne bakuluumpe. ⁴⁴ Mino aye wamusolwele wibabujijile jimo kayukilo, amba, fyenka ye yenkafyompa, ye iye. Mukwatai mutwale mukamulame bulongo." ⁴⁵ Kabiji Yudas byo afikile, bukiji bukiji waishile kwi Yesune kwaamba amba, " Labi"ne kumufyompa aye. ⁴⁶ Babikile maboko pe aye ne kumukwata. ⁴⁷ Pano umo waimene ne kufwenya kyipi ne kusomona ponko yaaji ne kumukampa muzha wa ñaanga mukatampe ne kumuchibako kutwi. ⁴⁸ Yesu wibambijile amba, " mwaiya, na mpoko ne mufimbo nobe nekapondo? ⁴⁹ Naji nenu mooba onse na kufunjisha mu tempele, kechi mwa kunkwata ne. Biino bikobiwa amba binembelo bifikizhiwe." ⁵⁰ Boonse bajinga na Yesu bamushile ne kunyema. ⁵¹ Kabiji nsoongwalume, wavwajile kisapi kya linenyi akyo kyobamukashile, wamulondejilenga Yesu. Ne aye naaye bamukwachile. ⁵² Washile kisapi kya linenyi ne kunyema mulekese. ⁵³ Bamutwajile Yesu kwi ñaanga mukatampe. Bapwijile pamo ne aye ne bañaanga bakatampe, bakulumpe, ne banembeshi. ⁵⁴ Ne Petelo wamulondejile katwezhimina, kufika ne kukipango kya ñaanga mukatampe. Kabiji waikele kwipi na bakalama, baji kwipi namujilo. ⁵⁵ Bañaanga bakatampe boonse baikele pamo na kukeba mwakushinina Yesu amba bamwipaye kabiji kechi bekimwene ine. ⁵⁶ Bavula bamubepejilenga, paano byo bashimwinenga kechi bya esakene ine. ⁵⁷ Kabiji bamo baimene ne kumuletela bubela; bambile, ⁵⁸ " Twamuvwine sa amba, 'Usa konauna tempele ne kupanga na maboko, kabiji namoba asatu kanshimika kikwabo kwakubula maboko."' ⁵⁹ Kabiji nangwa byonkabyo byambo kechi bya esakenene. ⁶⁰ Ñaanga mukatampe waimene pakachi kaabo ne kumwipuzha Yesu, "Kechi uji na mukumbu ne nyi? Ikika kyo bakushinina? " ⁶¹ Mino wazhindaminetu ne mukumbu ne. Kabili ñaanga mukatampe wamwipwizhe jikwabo ne kwamba amba, " Yoobe Kilishitu, mwaana wapeshiwa nyi? " ⁶² Kabiji Yesu wamukumbwile amba, " Yami iye; kabiji muka kumumona mwaana muuntu inge waikala kala ku kuboko kwa ngovu kwakilujo ne kwiya sa eya mwiulu mujikumbi." ⁶³ Kabiji ñaanga mukatampe waabenye kisapi nekwaamba amba, "Tukikeba bakamonyi nyi? ⁶⁴ Mwiuvwina mweenga anweba beene. Milangwe Yeenu iji byeepi ? " Boonse bamukaine nobe ye umo usaka lufu. ⁶⁵ Kabiji bamo batendeke kumushipila ne kumuwveta pa meenso ne kumuzhipaula kabiji ne kumwambila, "Ponga!" Bakalama bamusendele ne kumupuma aye. ⁶⁶ Kabiji Petelo byo akijinga monka mukipango, umo mwana mukazhi wamwingilo wakwa ñaanga mukatampe waishile kwi aye. ⁶⁷ Wamwene Petelo saka onta mujilo aye mwine, kabiji wamutajishe kumeenso ne kumwambila amba, "Waaji neYesu mwina Nazala." ⁶⁸ Pano wakaine. Ne kwaamba amba kechi nayuka byo ubena kwaamba po."Kabiji walupukilemo mukipango. ⁶⁹ Bino songwa nkazhi wamumwene ne kutatula kumwambila jikwabo amba pa boba baimana popa, " Uno mwaana mulume waji ne abo". ⁷⁰ Bino wakaine jibiji. Pakupita kakimye kacheche baimene ko ajinga bamwambijile Petelo, " Kyakine wi umo wamwi abo, ne obewa wi wa ku Ngalileya." ⁷¹ Pakuba aye watatwile kwifinga ne kwichipisha amba, " Kechi nayuka uno muuntu ye mubena kwaamba po. " ⁷² Ne shikombwe bukiji bukiji wakokwele kimye kyabubiji. Kabiji Petelo wavulukile byambo bya mwambijile Yesu: "Shikombwe saka akyangye kukokoola jibiji, usa kunkaana byimye bisatu," kabiji wakijile panshi nekutatula kujila.