¹ Kumakyamakya, bañanga bakataampe basambakeene pamo na ba kulumpe ne ba nembeshi ne boonse ba kije kya ba Yudeeya. Ba mukwachile Yesu ne kumutwaala ba mufikishizhi kwi Pilato. ² Pilato wamwipwiizhi amba, "Wi mfumu wa ba Yudeya nyi? " Wa mukumbwile amba, "Waamba byonkaabyo." ³ Kabiji ba ñanga ba kataampe bamu shiinenga byavula Yesu. ⁴ Pilato jikwabo wa mwipwiizhe amba, "Kechi mubeena kukumbula nangwa kacheeche ne nyi? Monai byo ba beena kwimushiina byavula! " ⁵ Bino Yesu wa zhindaminetu, ne akyo kya mukuminye Pilato. ⁶ Bino pa kimye kya kijiilo, Pilato wa kasululaangapo kaili umo, kaili ye ba saka. ⁷ Mwajinga bansatuki mukaleya, mubooba ba nsatulu mwajinga umo wa nengezhiwe kwipaiwa pa sooso juba, wajinga Balabasa. ⁸ Kabiji jibumba jaishile kwi Pilato ne kutendeka ku mwipuzha amba ebobele byo aubileenga kumooba a kunyuma. ⁹ Pilato wiba kumbwiile amba, "Mwasaka ami kukasulula mfumu waba Yudeya nyi?" ¹⁰ Aye wayukile amba kichima kyokya lengele kumuleeta ko aji. ¹¹ Pakuba bañanga ba kataampe ba kolomwene baantu amba bemu kasulwile Balabasa. ¹² Pilato jikwabo wa ambile kwi abo amba, "Ngube byepi na mfumu wa ba Yudeya? " ¹³ Ba bijikile jikwaabo amba mupopai! " ¹⁴ Pilato wibambijiile amba, "Kyo atamisha kika kyo a uba ? Bino abo ke po ba bijikishetu amba, mupoopai ku musalabu. " ¹⁵ Pilato wasakile ku tokesha jibumba pa muchima, kepo wa swishishe kukasulula Balabasa kwi abo. Wa mututawiile Yesu ne kumupaana kwi abo amba a poopwe. ¹⁶ Kabiji bashilikaale mu kipango. ( Puuzha pa sambakenanga biloolo), kabiji ba ichile pa jibuumba ja bashilikale. ¹⁷ Ponkapo ba muvwikile ne kivwalo kya chiluluuka, kabiji ba mulukila ne munchinya wa miiba bamuvwiika ku mutwe. ¹⁸ Kabiji ba tendekele ne kumwimuna na muteende wa mweenga, amba "Haa mfumu wa ba Yudeya! " ¹⁹ Kabiji ponkapotu ke ba mupume nena jiteete ku mutwe ne ku mushipila mate. Kepo bafukamine paanshi keba mupopweele ne ku mupopweela naku mwendeleka. ²⁰ Panyuma ya kumwendeleka, ba mu vujile kya ku vwaala kya chiluluka ne ku mu vwiika byaku vwaala byanji, ne ku mutwaala muku pupoopa. ²¹ Muuntu umo, Shimona wa ku Kilene, wa fumineenga mungye shabo ba ( Alekezanda ne Lufusa) ba mukanjikizhe ne ku musendela musalabu wanji. ²² Kabiji ne bashilikaale ba muleetele Yesu ku Ngolongota (mukulumbulula amba ku mpuunzha ya biboyongolo.) ²³ Kabiji ba mu peele binyu bya vwangakana na moola bino aye kechi wibi tomene ne. ²⁴ Ponkapo ba mu popele ku musalabu, ne kwi abanya bivwalo byanji, kasa bebi taila bubale maambo a kuyuka bisakutambula mushilikale au kyanji au kyanji. ²⁵ Kyanjinga kimye kyabusatu loba mupoopele. ²⁶ Ne kinembelo kya kishimo kyanji kya nembelwe peulu amba, "MFUMU WA BA YUDEYA." ²⁷ Pamo ne aye wa popelwe na ba kapondo babiji, umo ku kilujo kyanji ne mukwaabo ku kipiko kyanji. ²⁸ Ne kineembelo kyafikizhilwe amba, 'Aye wa bajilwa pamo na ba mpupabizhila.' ²⁹ Ne booba bapichileenga koaji ba mwendelekeleenga, kasa benauna ku mitwe yaabo, ne kwamba mba, "Olo! Obewa onauna nzubo ya zhila ya Lesa ne kwiishimika mu mooba asatu, ³⁰ ipulushe obewa mwiine ne kwikila ku musalabu. " ³¹ Byonkabyo ne ba ñanga ba katampe ba mwendelekeleenga umo ne mukwabo, ne ba nembeshi kimotu, ne kwamba amba, "Wapulwisheenga bakwaabo, bino kwipulusha mwiine ne. ³² Lekai Kilishitu, mfumu wa Isalela, fuma pano ku musalabu, bino tumone tumone ne kwitabila, " Ne bo a popelwe nanji ba muneneenga. ³³ Pa kimye kya bu taanu na bumo, mfiishi ya ishile pa mushiji yeense kufika ne kimye kya butaanu ne buna. ³⁴ Kimye kyabutaanu na buna Yesu wajijile na jiwi jikataampe, "Eloi, Eloi, Lama sabakitanyi? " Kyalumbulula amba, " Lesa wami, Lesa wami, kika kyomwandeleshisha? " ³⁵ Bamo baimejile peepi bauvwiine byaambo byaanji ne kwamba mba, monai ubena kwita Elaija." ³⁶ Umo wanyemene lubilo wabiika ne binyu bya sasa mu shipunja wakashila ne jitete waoa ne Yesu amab toma. Kabiji wa mulume waambile amba tumone inge Elaija usa kwiya kumwikizha." ³⁷ Kepo Yesu wa jijile na jiiwi jikataampe ne kufwa. ³⁸ Ne kipeembe kya munzubo ya zhila ya Lesa kya tabukile ke bibiji kufuma peulu kufika ne paanshi. ³⁹ Kimye mukulumpe wa bashilikaale waimeene sabatalañana na Yesu byo amweene musango wafwiijilemo Yesu, wa ambile amba, "Kiine awe muuntu wajinga mwaana Lesa. " ⁴⁰ Kwajinga kabiji ne babakazhi ba imene palepaako pacheeche. Mwi abo mwajinga Maliya Magadalena, Maliya ( inanji Yakoba wa mwanyike ne wa Yosesa) , ne Salome. ⁴¹ Byo akijinga mu Ngalileya, ba mulondejiile ne ku mwingijila. Bakwabo babakazhi nabo baishile nanji kufuma mu Yelusalema. ⁴² Byo afikile mabanga, maambo jajinga juuba ja kupekanya, ja sabaado saikyangye kufika, ⁴³ Yosefwa waku Alimatea waishile wajinga membela ye ba nemekele wa mu kije, wajinga mu ku pembelelela bufumu bwa Lesa. Wa iletu saakosa ne kutweela mu kachi na kumona Pilato ne kulomba mubiji wa Yesu. ⁴⁴ Pilato wakuminye amba Yesu wafwa kala. Waichile mukuluumpe wa ba shilikale ne ku mwipuzha kana Yesu wafwa nyi. ⁴⁵ Pilato byo a funjile ku mukulumpe wa bashilikale amba wafwa wa paine mubiji kwi Yosefwa. ⁴⁶ Yosefwa wapotele kivwaalo kya linenyi. Wamutumishishe kumusalabu kumuleta panshi wamu vungila mu kyakuvwala kya linenyi ne ku mulaajika mu kilende kyoba pokweele mu jiibwe. Kabiji ba alumuna lu jiibwe mukatampe ku kibelo kya kilende. ⁴⁷ Maliya Magadalena ne Maliya inanji Yosesaba mweene mo ba zhikile Yesu.