¹ Auno ye muzhilo wa mulaambu wa kufuuchila maambo. Wazhijisha. ² Bafwainwa kwiipaya mulaambo wa kufuuchila maambo pa mpuunzha pa kwiipaila mulaambu, kabiji mashi bake a saansa koonse kwapela kya kusookelapo milaambu. ³ Maanyi onse akafumaamo bake a laambule: maanyi a kumukila , ne maanyi aji peulu ya byamuunda, ⁴ kabiji mafyo onse abiji ne maanyi kumo, aji kwiipi namusana, ne oa avweeta machima, ne mafyo byoonse byafwainwa kwi bifumyaamo. ⁵ N'aanga wafwainwa kusooka bino byoonse pakya kusookelapo mulaambu noobe mulaambu wakuleenga na mujilo kwi Yehoba. Auno ye mulaambu wakufuuta maambo. ⁶ Wa mulume yeense wa mu ban'aanga wafwainwa- kuja kibese kyauno mulaambu. Kyafwainwa kujiwa mu mpuunzha yazhila maambo kyo kyazhila. ⁷ Mulaambu wakufuuchila maambo uji noobe mulaambu wa kukuzhaachisha na maambo. Ye muzhilo umootu ku boonse. Walamata ku n'aanga awa wiingila naanji mukufuuta maambo, aya nyaama ikeekala ke yaanji. ⁸ N'aanga ulaambula mulaambu wakusooka wa mukwaabo wafwainwa aye mwiine kuseenda mwai ke waanji. ⁹ Yeense mulaambu wakajo ye baleenga wakusooka mukiteengwa, ne kyoonse kya mulaambu awa wakuteeka mukya kukaangilamo naangwa mukya kusookelamo kikeekala kekya n'aanga awa walaambula mulaambu. ¹⁰ Mulaambu yeense wakajo, naangwa wauma- naangwa wakuvwaanga, ukeekala pamootu na baluwe bakwa Alona. ¹¹ Auno ye muzhilo wakitapisho kya muteende kyakoonsha kulaambula baantu kwi Yehoba. ¹² Inge muuntu walaambula mulaambu wakusaanta, wakoonsha kulaambula mulaambu washiinkwa wakusooka wakubula mbizho, mino kasa bavwaanga na maanyi, kabiji ne yeewa shiinkwa waleengwa nna buunga bwa laamba bwafulaulo bwavwaangwa na maanyi. ¹³ Kabiji na maambo a kyookyo mulaambu wakusaanta, wafwainwa kulaambula mulaambu wa muteende shiinkwa wakusooka waleengwa na mbizho. ¹⁴ Wafwainwa kulaambula mulaambu wa mutuundu yeense waino milaabu noobe kya buupe kyapaanwa kwi Yehoba. Kikeekala ke kya ba n'aanga aba ba saansa mashi a kitapisho kya muteende pakya kusookelapo mulaambu. ¹⁵ Muuntu waimeenako mulaambu wa muteende na maambo a kupaana kusaanta wafwainwa kuja nyaama ya mulaambu waanji pa juuba ja mulaambu. Keechi wafwainwa kushaapo naangwa kimo ne kufikatu ne lukeelo. ¹⁶ Mino inge kitapisho kya mulaambu wa na maambo a luchipo, naangwa na maambo a kyaaswa muchima- waanji mwiine mulaambo, nyaama yafwainwa kujiiwa pa juuba ja kutapisha mulaambu, mino byoonse bikashalaapo byafwainwa kujiiwa pa juuba jaloondelapo. ¹⁷ Naangwa byonkabyo, nyaama yoonse yakutapisha pa juuba ja busatu yafwainwa kusookwa. ¹⁸ Inge nyama imo yamuino nyaama ya kitapisho kya mulaambu wa muteende bekija pa juuba ja busatu, keechi kikaswiishiwa ne, naangwa kwikikoongwesha ku umo walaambulane, naangwa ku mubajilako awa muuntu uja ne kuseenda kuzhaatwa kwa maambo anji. ¹⁹ Nyaama yoonse yakwaatwako na kiintu kyabula kutookeshiwa keechi yafwainwa kuja ne. Yafwainwa kusookwa na mujilo. Aya nyaama, yoonse yatookeshiwe yafwainwa kwi ija. ²⁰ Yeense, muuntu wabula kutookeshiwa awa uja nyaama iji yoonse kufuma pakitapisho kya mulaambu wa muteende wa Yehoba- awa muuntu wafwainwa kuchibiwako ku baloongo baantu. ²¹ Inge umo mwi anweeba wakwaata kiintu kiji kyoonse kyabula kutookeshiwa- naangwa muuntu wabula kutookeshiwa na muuntu naangwa na nyaama wabula kutookeshiwa naangwa na bya bunya, naangwa waaja nyaama ya kitapisho kya mulaambu wa muteende wafwainwa-Yehoba, awa muuntu wafwainwa kuchibiiwako ku baloongo baanji.'' ²² Kabiji ayehoba wa ambile kwi Mosesa, amba, ²³ "Amba kubeena Isalela amba, 'Keechi mwafwainwa kuja mafuta a n'oombe, naangwa mukooko, naangwa ba mbuzhi ne. ²⁴ Mafuta a nyaama awa wifwiila kwakubula kwiikala kitapisho, naangwa mafuta a nyaama yebatabaula ku ba nyaama ba muungye, mwafwainwa kwikiingisha kubiintu bikwaabo, mino mwafwainwa kine kubula ku muja. ²⁵ Awa yeense uja mafuta a nyaama awa wafwainwa kulaambula muuntu noobe kitapisho kya mujilo; kwi Yehoba, awa muuntu wafwainwa kuchibiwaako ku baloongo baanji. ²⁶ Keechi mukaje mashi naangwa nakyabyeepi mu ma zuubo enu ne, naangwa kyafuma ku kan'oonyi- naangwa nyaama. ²⁷ Awa yeense uja mashi, awa muuntu wafwainwa kuchibiwaako ku baloongo baanji." ²⁸ Kabiji Yehoba wa ambile kwi Mosesa amba, ²⁹ "Amba kubeena Isalela amba, 'Yeense ulaambula kitapisho kya mulaambu wa muteende kwi Yehoba wafwainwa kuleeta kibese kimo kya kitapisho kwi Yehoba. ³⁰ Kabiji mulaambu wa Yehoba wafwainwa na mujilo, na mabooko anji mwiine. Wafwainwa kuleeta mafuta ne kakuji, pakuuba amba kakuji bakekapeepeezhe ke mulaambu kwi Yehoba. ³¹ N'aanga wafwainwa kusooka mafuta pa kyakusookelapo, mino kakuji kakeela kakwa Alona ne baana baanji. ³² Mwafwainwa kupaana kijooma kyakukilujo kwi n'aanga noobe kya kutuundaika kitapisho kya mulaambu wa muteende. ³³ N'aanga, umo mubaana bakwa Alona, balaambula mashi a mulaambu wa muteende ne mafuta- ne kwiikala na kijooma kya kukiluujo noobe lubaji lwaanji lwa mulaambu. ³⁴ Pakino nafumya kubeena Isalela, kakuji kamulaambu wakupeepeezha, ne kijooma akyo kyo kyakupaana kufuma ku kitapisho kya mulaambu wa muteende, kabiji bapaana kwi Alona n'aanga ne baana baanji ba balume noobe kyo kya lubaji lwaabo. ³⁵ Abino byo bya kiluumbo kya kwa Alona ne baana baanji kufuma ku mulaambu wa Yehoba waleengwa na mujilo, Mosesa juuba jo akebemeena pa kwiikijila Yehoba mu mwiingilo wabu n'aanga. ³⁶ Akino lo lubaji lwa mukaambizho wa Yehoba wapainwe kubeena Isalela, amba jo juuba jakuzhijika ba n'aanga. Bikeekala myaaka ke byaabo myaaka yoonse mubisemi bya kulutwe. ³⁷ Auno ye muzhilo wa mulaambu wakusooka wa mulaambu wa kajo, ne mulaambu wakufuuta maambo, a mulaambu wakuzhaatwa nao, ne mulaambu wazhila, ne wa kitapisho mulaambo wamuteende. ³⁸ Yehoba byonka byo apaine mukaambizho kwi Mosesa pa mutuumba wa Sinai pa jooja wakaambizhizhe beena Isalela kulaambula kitapisho kwi Yehoba muungye ya Sinai.'