¹ "Keechi mwafwainwa kuleenga ba nkishi ne, kabiji keechi mukemike nkishi wa kusoonga naangwa jishiki ja zhila ja jibwe ne, kabiji keechi mwafwainwa kutuula kipasha kya kusoonga na jibwe mu ntaanda yeenu kyo mukalaambilanga ne, pakuuba ambiiwa yaami Yehoba Lesa weenu. ² Mwafwainwa kulama ba Sabaado baami ne kulama nzuubo yaami. Amiiwa yaami Yehoba. ³ Inge mwaenda mu mizhilo yaami ne kwi ilama, ne kulama mikaambizho yaami ne kwiyuuba. ⁴ Kabiji nkemupa mvuula mu bimye byoonse mushiji ukafumyaanga byo afumya, kabiji bichi bya mubujimi bikafumya bipaangwa. ⁵ Kabiji kimye kyeenu kya kunoowa, kikemufikizha ne ku kimye kya kubuungizha min,aanza n'aanza, kabiji ne kimye kya kubuungizha min'aanza n'aanza ki kemufikizha ne ku kimye kya kujima, kabiji mukajaanga kajo keenu ne kwiikuta ne kwiikala mu kyaalo kyeenu kwakubula kiintu kya kwimusuunsuumya. ⁶ Nkumupa muteende mu ntaanda; kulaala paanshi kwa kubula kiintu kikemuleengesha mooyo anweeba. Nkafumyaamo ba nyaama bashiinta mu ntaanda, ne mpoko keechi ikapita mu ntaanda yeenu ne. ⁷ Mukapaangamo balwaanyi beenu, kabiji bakapona kwi anweeba na mpoko. ⁸ Bataanu mwi anweeba ba kapaanga kitoota, ne kitoota mwi anweeba kikapaanga biumbi jikumi; Balwaanyi beenu bakapona kwi anweeba na mpoko. ⁹ Nkatala pe anweeba nalusa ne kuleenga anweeba kusema ne kuvula, kabiji nkalayaan'ana ne anweeba. ¹⁰ Mukaja kajo kalamwa bimye byavula. Mukeekala bakuleeta paangye kajo ka laminwe maambo anweeba mukasaka mwa kubiika kajo komuka nowa mu majimi. ¹¹ Nkabiika teente walusaambakeno mwi anweeba, kabiji keechi nkemishikwa ne. ¹² Nkeendanga mukachi keenu ne kwiikala Lesa weenu, ne anweeba mukeekala baantu baami. ¹³ Amiiwa Yehoba Lesa weenu, wimufumishe anweeba mu ntaanda ya Ijipita, pakuuba mubule kwiikala bazha baabo naonauna myaaamba ya ku bikoonkoji byeenu ne kuleenga anweeba kweenda kasa mwaoloka. ¹⁴ Mino inge anweeba mwabula kun'uvwiina amiiwa, ne amiiwa keechi nkalama ino mikaambizho yoonse ne, ¹⁵ kabiji inge mwakana mizhilo yaami ne kusuula mizhilo yaami, pakuuba amba mubule kukookela mikaambizho yaami yoonse, mino mwaonauna lulayaan'ano lwaami- ¹⁶ Inge mwauba bino biintu, keepo nkooba bino biintu: Nkafumyaapo bya malwa pe anweeba misoongo ne mashika a a onauna meeso ne kufumyaamo buumi bweenu. ¹⁷ Nkafumyako kiluungi kyaami kwi anweeba, ne anweeba bakemukila bulume balwaanyi beenu. Baantu be mupata bakemutaangijila anweeba, ne anweeba mukanyeemamo, naangwa kafwaako ubeena kwi mupaangisha anweeba. ¹⁸ Inge pakupita bino byoonse keechi mukan'uvwiina ne, keepo nkemumanyika anweeba bimye bitaanu na bibiji kwimumanyikishaatu pa buubi bweenu. ¹⁹ Amiiwa nkonauna kwitoota koobe mu bulume boobe. ²⁰ Bulume bweenu bukeengijishiwa patuutu, maambo mushiji weenu keechi ukafumya byo afwainwa kufumya ne, ne bichi byeenu mu ntaanda keechi bikapaanga bipaanwa byaabyo ne. ²¹ Inge mwabula kweenda pamo ne amiiwa ne kubula ku n'uvwiina amiiwa, amiiwa nkaleeta bipumo pe anweeba bimye bitaanu na bibiji, mwaila bundenga maambo bweenu. ²² Amiiwa nkemutumina anweeba ba nyaama ba muungye, bakemusoompola baana beenu, ne konaula ba nyama ba kulela, ne kuleenga anweeba byonkabyo bacheeche mu naambala ne oa mashiinda enu akeekala ke masala. ²³ Inge naangwa mu byoonse bino keechi mukakoonsha kuswa kufuunda kwi amiiwa ne, ne kutwaajijila kweenda mu mashiinda angi kukila pa ami, ²⁴ keepo amiiwa nkapusenamo ne anweeba, ne amiiwa mwiine nkemumanyika bimye bitaanu na bibiji maambo a bundenga maambo bweenu. ²⁵ Nkaleeta mpoko pe anweeba yo nkashiinkanya ne anweeba na maambo a konauna lulayaan'ano. Anweeba mukapwiila pamo mukachi ka mizhi yeenu, ne amiiwa nkatuma myaalo mwi anweeba moonka, kabiji poonkapo mukapaanwa mu mabooko a balwaanyi beenu. ²⁶ Inge nachibako bya kajo keenu, baana bakazhi jikumi bakakoonsha kuleenga shiinkwa mukitofu kimo, kabiji bakabanya shiinkwa na kineemenezhi. Amweeba mukaja mino keechi mukeekuta ne. ²⁷ Inge keechi mukan'uvwiina ne naangwa mubini biintu, mino mwatwajijila kubula kweenda pamo ne amiiwa, ²⁸ keepo amiiwa nkemweendela anweeba mu bukaji, kabiji nkemumanyika anweeba bimye bitaanu na bibiji ne kukilapo na maambo a bundenga maambo bweenu. ²⁹ Mukaja misunyi ya baana beenu ba balume kabiji mukaja misunyi ya baana beenu ba bakazhi. ³⁰ Nkonauna mapuunzha enu a peulu, ne kuchiba byakusookelapo bitapisho bya kufutumuna byeenu, ne kutaaya bituumbi byeenu mu ba nkishi beenu, ne amiiwa mwiine kemushikwa anweeba. ³¹ Nkalula mizhi yeenu kwiikala yaonaika ne konauna mapuunzha enu abupoopweshi. Keechi nkasekelamo na bweema bwa waama bwa milaambu yeenu ne. ³² Nkaonauna kyaalo kyeenu. Balwaanyi beenu bakeekala moomwa bakakumya pakutala akwa konaunwa. ³³ Nkemupalan'enya mu mikooka ikwaabo kabiji nkashikula mpoko yaami ne kwimuloondela. Ntaanda yeenu ikeekala yaonaulwa ne mizhi yeenu ikeekala masala. ³⁴ Keepo ntaanda ikasekela na myaaka yaayo yoonse mo ikekajilangatu anweeba kasa mukiji mu ntaanda ya balwaanyi beenu. Mukyookya kimye ntaanda ikakookoloka ne kusekelela ma sabaado ayo. ³⁵ Moonkamo mo mo ikeekajila, ikeekala nakukookoloka, ako ko kukookoloka koyabujile kwiikala naako na ma Sabaado enu byo mwaikajileengamo. ³⁶ Noobe ku booba bakashaala ku mataanda a balwaanyi beenu, nkatuma mooyo mukachi kumichima yeenu byonkabyo naangwa nswaalo ya jibuula jo batwaala ku mweela ikemunyeemeshanga, kabiji mukanyeema noobe mubeena kunyeema kufuma ku mpoko. Mukapona naangwatu kafwaako babeena kwimupaangisha anweeba. ³⁷ Muketuuntula maulu umo ne mukwaabo noobe mwajikunyeemanga ku mpoko, naangwa kafwaako umo wakwimupaangisha. Keechi mukeekala na bulume bwa kwiimana ku meeso a balwaanyi beenu ne. ³⁸ Mukonaika moonka mumikooka, ne mu ntaanda ya balwaanyi beenu ayo ine ikemumina. ³⁹ Aba bakashalaapo mwi anweeba bakayaangatu nakufwa ne kunyoonga mu buubi bwaabo, moonka mu ntaanda ya balwaanyi baabo kabiji na maambo a buubi bwa bashaabo bakanyoongangatu naabo. ⁴⁰ Pano inge besolola bundenga maambo bwaabo ne bwa bashaabo, ne buumbulwakooloka bwaabo kobaubile kwa kufuma kwi amiiwa, ne kweenda kwaabo kwa kubula amiiwa. ⁴¹ Akwa kwaleengeshe amiiwa kufumako kwi abo kabiji amiiwa ne batwajile mu ntaanda ya balwaanyi baabo-inge michima yaabo yabulwa mukaanda yaikala ikeepesha, kabiji inge baaswa kumanyikwa maambo a bundenga maambo bwaabo. ⁴² Keepo mukavuluka luayaan'ano lwaami na Yakoba, ne lulayaan'ano na Izaaka, ne lulayaan'ano lwaami na Abalahama; Naaye nkamuvulukila ntaanda. ⁴³ Ntaanda bakeisha abo, byonkabyo ikasekela na ma sabaado ayo kasa yaikalatu mumasala kwakubula abo. Bakeekala bakupaana milaambu ya bundenga maambo bwaabo maambo abo beene bakaine malamuna a shikilwe mizhilo yaami. ⁴⁴ Naangwa mwajiinga byoonse bino kasa baji mu ntaanda ya balwaanyi baabo, amiiwa keechi nkabakane ne, naangwa kwibasuula ne byonkabyo noobe kwi bonaunatu boonse ne kulubako kululayaan'ano lwaami naabo, maambo amiiwa ne Yehoba Lesa waabo. ⁴⁵ Mino na maambo abo nkavuluka bashaakulu baabo, bonafumishe mu ntaanda ya Ijipita ku meeso a mikooka, pakuuba amba ngikale Lesa waabo. Amiiwa Yehoba." ⁴⁶ Aye yo mikaambizho, mizhilo, mafuunde, a Yehoba o a leengele pakachi kaanji mwiine ne baantu beena Isalela pa mutuumba wa Sinai kupichila mwi Mosesa.