¹ Yehoba wamwaambijiile Mosesa amba, ² "Ambila baantu bamu Isalela amba, 'inge umo wauba kyawaama kwi Yehoba, ingijishai bino byakulondela. ³ Ndonda ya baana ba baluume kutendeka pa myaaka makumi abiji ne makumi ataanu na jimo kipimo kyoonse kikekala maali ama shekele a siliva, panyuma a maali a kipwilo. ⁴ Kabiji inge baaba kaazhi kipimo kyaabo kyafwainwa kwikala maali ama shekele makumi asatu. ⁵ Maambo inge muuntu uji na myaaka itaanu naangwa yakilapo kufika ku myaaka makumi abiji, nekya wamukazhi ke mashekele kitoota kimo. ⁶ Kuteendekela pa n'oondo umo kufika pa myaaka itaanu, kipimo kya maali kikekala kya wamulume ke mashekele ataanu, ne kipimo kya waamukazhi kikekala ke mashekelea siliva asatu. ⁷ Kufuma pa myaaka itaanu na jimo naangwa kukilapo inge wa mulume kipimo kya maali a mashekele ke jikumi ne ataanu, ne kya waamukazhi ke mashekele jikumi. ⁸ Kabiji inge awa muuntu ubeena ku paana luchipo kechi wakoonsha kupaana mwaaila kipimo. pano awa muuntu wapaana bafwainwa kumwimenako ku n'aanga, kabiji n'aanga ukamupimina awa muuntu muteengo wafwainwa kupaana kwi yeewa wachipa kupaana. ⁹ Kabiji inge nyaama wa mutuundu ye balambuulabo apaana muuntu kwi Yehoba wa zhila. ¹⁰ Muuntu kechi aka kiingye na kiintu kikwaabo ne, naangwa kupiinga keenyamo wa waama na waatama,naangwa kya taama pa kya waama. Kabiji inge waapimpula nyaama na nyaama boonse babiji muntaanshi ne yebapiingakeenyamo bakekala ke bazhila. ¹¹ Naangwa byoonkabyo, inge nyaama wa muzhilo wamu booba bo babuula kulambuula mulaambo kwi Yehoba,awa muuntu akaleete yeewa nyaama kwi n'aanga. ¹² Kabiji n'aanga ukekipima muteengo,kana wa maanyi. kaana watama kabiji moonka mo ukamupimina awa n'aanga mo akekala. ¹³ Ige mwiine wasaka kwikibeezha jibiji, keepo kyabutaanu kikabikwaapo kumuteengo wa kupulushiwa. ¹⁴ kabiji inge muuntu wazhijika nzuubo yaanji amba ikale yazhila kwi Yehoba , yaanji aye n'aanga akeipimine mu teengo kana ya wamanyi naangwa ya taama. Moonka moakeipimina naa'nga mo akekala. ¹⁵ Kabiji inge wazhijikwa wasaka kutuunga nzuubo yaanji, naanchi akanuungepo maali akwaabo pa oa watogwele makumi ataanu , keepo ikekala ke yaanji. ¹⁶ Inge muuntu watulapo bimo kwi Yehoba majimi amo amu biintu byaanji, kupima kwafwainwa kwikala mu teengo wa nkuunwa ikebewa ku byaala -kyakupiminako muchiba kyafyainwa kwikala makumi ataanu a siliva. ¹⁷ Byokaabyo inge wa abanya majimi anji mumwaaka wa makumi ataanu, namuteengo wa mashekele makumi ataanu a siliva. ¹⁸ Ige wa abanya majimi anji panyuma ya myaaka makumi ataanu, keepo ba naa'nga bakabeleenga mpeendwa ya majimi ne mpeendwa ya myaaka ya shaala kufikizha ku mwaaka mukwaabo wa makumi ataanu,kabiji muteengo waafwainwa kubwezhiwa. ¹⁹ Inge muuntu wabiika pa mbaji ka kebe kubweezha , keepo akabikaapo makumi ataanu amuteengo, ne bujimi bukekala bwaanji. ²⁰ Inge wakankaalwa kwangata bujimi bwaanji, ku muuntu mukwaabo, kechi wafwainwa kutambula ne. ²¹ Naangwa byonkaabyo,bujimi,inge bwalekelwa mu mwaaka wa makuumi ataanu,bukekala bwa buupe bwazhiila kwi Yehoba, noobe bujimi bwa pwiiwa kupanyiwa kwi Yehoba. Bukekala ke bujimi bya n'aanga. ²² Inge muuntu wabiika bu jiimi bwaanji bo apota pa mbaaji, ne boobwa bujimi kechi bwa kisemi kyaanji ne. ²³ Keepo ba n'aanga bakabiika muteengo kufikizha ku mwaaka wa makumi ataanu ne yeewa muuntu wafwainwa kupaana muteengo jonkaaja juuba amba kikale kya buupe kwi Yehoba. ²⁴ Mumwaaka wa makumi ataanu, majimi akabweela ku muuntu koapotele, ku mwiine wa ntaanta. ²⁵ Miteengo yoonse yafwainwa ku pimwa na mashekele a kipwiilo makumi abiji a gela afwainwa kwesakana na shekele umo. ²⁶ Kafwaako naangwa umo wafwainwa kwabanya nyama wabubeji, maambo nyama wabubeji wakwa Yehoba; ekale N'oombe naangwa Mukooko,maambo waka Yehoba. ²⁷ Inge nyama kechi watokeshiwa ne, kabiji mwiina yeewa nyaama wafwainwa kumutokeshiwa pamuteengo ye apotejiileepo ne kubikapo ba taanu bamuteengo. ²⁸ Kubiintu byoonse biji na muuntu byakwa Yehoba , ku byoonse byoaji naabyo, naangwa ntaanta ya kisemi byafwainwa kupoteshiwa naagwa ku bwezhiwa.Byoonse byazhila kwi Yehoba. ²⁹ Kafwaako naangwa kimo kyafwainwa kupangiwa kupangiwa kubya onaika ne.Awa muuntu wafwainwa kwipaiwa. ³⁰ Byabujikumi byoonse byamu ntaanda naangwa bya nseeke bya meema pamushiji, naangwa bipaangwa byafuma kubichi, byobyazhila kwi Yehoba. ³¹ Inge muuntu wabula kubweezha byabujikumi akabikepo kyabutaanu ku yeewa mu teengo. ³² Ku byoonse byabujikumi bya N'oombe n'aangwa Mikooko, ku byoonse bi pita kuba kafuunga na nkoonto, kyabujikumi kyafwainwa kupatuula kya Hehoba. ³³ Kafunga kechi wafwainwa kusala kyawaama naangwa nyama watama, kechi wafwanwa kupimpula na mukwaabo.Inge wapimpula namukwaabo byoonse bikekala byazhila. Kechi byafwainwa kubwezhiwa." ³⁴ Ino yo mikambizho yapaine Yehoba kumutuumba wa Sinai ku beena Isalela.