¹ Yehoba wa ambile kwi Mosesa, amba, ² "Amba kujibuumba ja baantu beena Isalela kabiji wibaambile amba, 'Mwafwainwa kwiikala bazhila, maambo amiiwa Yehoba Lesa weenu nazhila. ³ Muuntu yeense wafwainwa kuneemeka ba inaanji ne bashaanji, kabiji mwafwainwa kulama juuba jaami ja Sabaado. Amiiwa ne Yehoba Lesa weenu. ⁴ Keechi mukalulukile ku bankishi batuutu ne, naangwa mukeleengele ba lesa ba kusuungulula ne. Amiiwa ne Yehoba Lesa weenu. ⁵ Inge mwa laambula kitapisho kya mulaambu wa luumvwan'ano kwi Yehoba, mwafwainwa kwiipana kuuba amba mukoonshe kutaambulwa. ⁶ Kyafwainwa kujiiwa jooka juuba jo mwiikipana , naangwa pa juuba ja loondelapo. Inge biji byoonse byashalapo kufika ne ku juuba ja busatu, byafwainwa kusookewa na mujilo. ⁷ Inge byajiiwatu pa juuba ja busatu, kyo kiintu kya bunya; keechi kyafwainwa kwiitabilwa ne. ⁸ Kabiji yeense ukekija wafwainwa kuseenda kuzhaatwa kwaanji mwiine maambo aye wazhilulula akya kyazhila kwi Yehoba, kabiji ne yeewa muuntu wafwainwa kuchibiwako ku baantu baanji. ⁹ Byo mukanowa kajo ka mushiji weenu, keechi mwafwainwa kupwiisha kunowa ne mu makoonka onse a majimi enu ne, naangwa ku kupupula twashalamo ne. ¹⁰ Keechi mwafwainwa kubuungizha bipaangwa byoonse bya ku min'anza-n'anza ne, naangwa kubuungizha bipaangwa abya byapona paanshi mu min'anza-n'anza yeenu ne. Mwafwainwa kwiibilekela bayaanji kabiji ne beenyi. Amiiwa ne Yehoba Lesa weenu. ¹¹ Keechi ukeebe ne. Keechi ukabeepe ne. Keechi mukebeepe umo ne mukwaabo ne. ¹² Keechi mukachipe bya bubela na jizhina jaami ne kabiji ne kupeezha jizhina ja Lesa weenu ne. Amiiwa ne Yehoba. ¹³ Keechi mu kamanyike mukweenu wa pa bwiipi naangwa ku mwiibila ne. Mfweeto ya wa kwiingijila keechi yafwainwa kwiikala kwi obeewa bufuku boonse kufika ne lukeelo ne. ¹⁴ Keechi mukafiinge kamaama ne naangwa kutuujila mpofu jiibwe ja kwituuntulako ne, mino mukachine Lesa weenu. Amiiwa ne Yehoba. ¹⁵ Keechi mukalengeshe buunchiba maambo kwiikala bwa bubela ne. Keechi mukatuumbijike bayaanji ne naangwa kutala buloongo ba neema ne. Mino, mukachibile muloongo weenu maambo moonka mo a olokela. ¹⁶ Keechi mukapitan'anenga na ku kuumbanya miyebe mukachi ka baantu beenu ne, mino mukasakeenga kuviimbila buumi bwa baloongo beenu. Amiiwa ne Yehoba. ¹⁷ Keechi mukashikwe muloongo weenu mu michima yeenu ne. Mwafwainwa ku mukaina muloongo weenu patooka, kabiji keechi mukeletele maambo anweeba beene na maambo a aye ne. ¹⁸ Keechi mukashiinkanye naangwa kwiikala na mfika na uji yeense wa mu baantu beenu ne, mino ukatemwe muloongo obe byoonka byo witemwa. Amiiwa ne Yehoba. ¹⁹ Mwafwainwa kulama mikaambizho yaami. Keechi mukeseke kwivwaanga na mituundu ikwaabo ya banyaama ne. Keechi mukavwaange mituundu ibiji ya nkunwa byo mu kabyalaanga majimi enu. Keechi mukavwaale bivwaalo bya kuleenga na mituundu ya bisapi yo bavwaanga pamo ne. ²⁰ Awa yeense ukalaala na kamwaale muzha awa ye ba ipaanguzha ku mwaana mulume mukwaabo, mino keechi wakikuulwa ne naangwa ku kasululwa ne, wafwainwa kumanyikwa. Keechi bafwainwa kwiipaiwa ne maambo keechi wakasulwilwe ne. ²¹ Muuntu wafwainwa kuleeta mulaambu wa kulekelwa maambo kwi Yehoba pa kibelo kya teente wa lusaambakeno-mukooko wa mulaambu wa maambo. ²² Keepo n'aanga ukebalengela kya kufuuchilako maambo anji na mukooko wa mulaambu wa kuzhaatwa ku meeso a Yehoba, na maambo o alenga. Poonkapo maambo o alenga akalekelwa. ²³ Byo mukeeya mu muzhi ne kubyaala bijimwa byapusana pusana bya kuja, keepo mukayuuka amba bipaangwa byo bipaanga bya kanyishiwa kuja. ²⁴ Mino mu mwaaka wa buna byoonse bipaangwa bikeekala bya zhila, bya kitapisho kya kusaangalala kwi Yehoba. ²⁵ Mu mwaaka wa butanu mwakoonsha kuja kipaangwa, panyuuma ya kupaanga byavula. Amiiwa ne Yehoba Lesa weenu. ²⁶ Keechi mukaje nyaama iji yoonse kasa ikiji na mashi ne. Keechi mukoobe bya lubuko naangwa bya bu n'aanga ne. ²⁷ Keechi muka teende nsuki na kuzhookolosha mitwe yeenu naangwa kutamisha kuunsa ya myeemvu yeenu ne. ²⁸ Keechi mukechibe pa mubiji weenu na maambo a bafwa naangwa kwi ²⁹ Keechi ukamupeelule mwaanobe wa mukazhi na muleenga aye ke pite, naangwa ntaanda ikaponena mu bulalelale kabiji mushiji ukayuulwa na bu ndeenga maambo. ³⁰ Mukalame mooba a Sabaado ne kuneemeka teente waami walusaambakeno. Amiiwa yami Yehoba. ³¹ Keechi mukalukile kubya lubuko naangwa ku mipashi ne. Keechi mukebikabile ne, naangwa bikemizhilulule anweeba ne. Amiiwa yami Yehoba Lesa weenu. ³² Wafwainwa kuneemeka muuntu waamvwi ne kuneemeka kiluungi kya muuntu mukuluumpe. Wafwainwa kuchiina Lesa obe. Amiiwa yaami Yehoba. ³³ Inge mweenyi waikala mukachi keenu mu ntaanda yeenu, keechi muka muube kyatama ne. ³⁴ Mweenyi wiikala neenu wafwainwa kwiikala kwi anweeba noobe muuntu wasemekwa ku mwiina Isalela wiikala mukachi keenu, kabiji mwafwainwa ku mutemwa noobe anweeba beene, maambo mwajiinga beenyi mu ntaanda ya Ijipita. Amiiwa yaami Yehoba Lesa weenu. ³⁵ Keechi mukoobe byabula kooloka pa kupima bipimo, pa bya kupiminapo, naangwa na kya kupiminamo. ³⁶ Mwafwainwa kwiingijisha shikeelo, kinjaanja kyawaama, ne mutumwa wa waama. Amiiwa Yehoba Lesa weenu, wimufumishe mu ntaanda ya Ijipita. ³⁷ Mwafwainwa kukookela mikaambizho yaami yoonse ne mizhilo yaami yoonse, ne kwi iloondela. Amiiwa yaami Yehoba.